Կարկուտ

Վիքիպեդիայից՝ ազատ հանրագիտարանից
կարկտահատիկ
Կարկուտ

Կարկուտ, պինդ մթնոլորտային տեղում՝ սառցե գնդաձև հատիկների տեսքով: Տեղում է տարվա տաք եղանակին (ՀՀ-ում՝ մարտ-հոկտեմբերին)՝ կույտաանձրևային ամպերից՝ օդի վերընթաց շարժումների պայմաններում՝ ամպրոպի, տեղատարափ անձրևների, երբեմն՝ փոթորկային քամու ուղեկցությամբ: Կարկուտի երակն ունենում է 200 մ-ից մինչև 2 կմ լայնություն և երբեմն՝ մինչև 100 կմ երկարություն : Տևողությունը, որպես կանոն, 5-10 րոպե է, բացառիկ դեպքում՝ 1 ժամ:

Կարկտահատիկ[խմբագրել]

Կարկտահատիկն ունի շերտավոր կառուցվածք, տրամագիծը՝ 6-55 մմ, երբեմն՝ ավելի քան 7 սմ: Մինչև 20 մմ տրամագծի դեպքում կարկուտը համարվում է օդերևութաբանական վտանգավոր երևույթ, 20 մմ-ից ավելիի դեպքում՝ խիստ վտանգավոր: Կարկուտը դիտվում է օրվա երկրորդ կեսին (14:00-19:00-ին): Տարվա ընթացքում կարկուտով օրերի միջին թիվը Արարատյան դաշտում 4-8 է, նախալեռնային գոտում՝ 8-12, լեռնային գոտում՝ 12-16: Կարկուտը մեծ վնասներ է պատճառում գյուղատնտեսությանը: Կարկտի դեմ պայքարի առավել տարածված եղանակը ամպերի գերսառած մասի մեջ հրթիռների կամ արկերի միջոցով լրացուցիչ խտացման կորիզների ներարկելն է, որը կատարվում է ռադիոտեղորոշման միջոցով:

Պաշտպանությունը[խմբագրել]

Ի՞նչ պետք է անել կարկտահարման ժամանակ[խմբագրել]

  1. Պատսպարվել որևէ ծածկի կամ փարթամ ճյուղավորում ունեցող ծառերի տակ :
  2. Պատսպարվել շենքերում , շինություններում :
  3. Եթե բաց տարածությունում եք , ապա մարմինը ծածկել որևէ իրով :
  4. Դռներն ու պատուհանները փակել :
  5. Երեխաներին չթողնել մոտ կանգնել պատուհաններին :
  6. Անջատել գազն ու էլեկտրանակությունը կենտրոնական սնուցումից :
  7. Ընտանի կենդանիներին և թռչուններին տեղափոխել որևէ ծածկի տակ :
  8. Երթևեկելիս տրասպորտային միջոցը կանգնեցնել որևէ ծածկի տակ :
  9. Եթե տվյալ տարածքում ծածկ չկա , ապա կանգնեցրեք մեքենան և ձեռքի տակ եղած միջոցներով ծածկեք ապակիները և թափքը :
  10. Անհրաժեշտության դեպքում զանգահարեք փրկարար ծառայություն :

Ի՞նչ պետք է անել կարկտահարումից հետո[խմբագրել]

  1. Ուշադիր հետազոտեք ձեր կացարանը ` պատերի , հատակի , պատուհանների վիճակը :
  2. Մինչև գասզից և էլեկտրականությունից օգտվելը ` ստուգեք նրանց վնասվածության աստիճանը :
  3. Եթե գազը կամ էլեկտրականությունը վնասվել են , անպայման դրանց վերանորոգումը վստահեք մասնագետներին :
  4. Ստուգեք տրասպորտային միջոցների և այլ նյութական երժեքների վիճակը : Մեծ վնասների դեպքում դիմեք տեղական կառավարման մարմինների օգնությանը :
Commons-logo.svg
Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png