Կանարյան կղզիներ

Վիքիփեդիայից՝ ազատ հանրագիտարանից

Այս հոդվածը տեղեկատվական աղբյուրների կարիք ունի։ Դուք կարող եք օգնել նախագծին՝ գտնելով բերված տեղեկությունների հաստատումը վստահելի աղբյուրներում և ավելացնելով այդ աղբյուրներին հղումները հոդվածին։ Անհիմն հղումները ենթակա են հեռացման

Կանարյան կղզիներ (Կանարներ) — (իսպաներեն` Islas Canarias, բառացի՝շների կղզիներ, լատիներեն՝ canis – շուն. ըստ հին հռոմեացի գիտնական Պլինիոս Ավագի, այդ կղզիներից մեկում բնակվում էին մեծ շներ). 13 հրաբխային ծագմամբ կղզիներից բաղկացած կղզեխումբ (արշիպելագ) Ատլանտյան օվկիանոսում, Աֆրիկայի հյուսիս-արևմտյան ափից քիչ հեռու։ Կղզիները պատկանում են Իսպանիային, որի ինքնավարություններից մեկն են 16.08.2003 թ-ից)։ Տարածքը՝ 7 447 կմ², բնակչությունը՝ 1 843 755 մարդ (2003 թ.), վարչական կենտրոնը՝ Լաս-Պալմաս քաղաքն է։ Հիմնական կղզիներն են՝ Գրան-Կանարիա (1.532 կմ²), Տեներիֆե (2.057 կմ²), Ֆուերտևենտուրա (1.730 կմ²), Գոմերա (378 կմ²), Պալմա (708 կմ²), Հիեռո (277 կմ²), Լանսարոտե (795 կմ²)։ Կան մի շարք քնած և գործող հրաբուխներ, որոնցից ամենաբարձրը Տեներիֆե կղզում գտնվող Տեյդե հրաբուխն է (3718 մ)։ Գերակշռում են մշտադալար անտառներն ու թփուտները։ Գյուղատնտեսությունը արևադարձային է։ Զարգացած է ձկնորսությունն ու զբոսաշրջությունը։ Խոշոր նավահանգիստներն ու հանգստավայրերն են Լաս-Պալմասն ու Սանտա-Կրուզ-դե Տեներիֆեն։

[խմբագրել] Այցելեք նաև

• Բալեարյան կղզիներ
• Իսպանիայի վարչական բաժանում

[խմբագրել] Արտաքին հղումեր

Արբանյակային լուսանկար, աջից՝ Աֆրիկայի մայր ցամաքը (Սահարայի անապատ)։

• www.gobcan.es (պաշտոնական կայք)

Այս թեմայով հավելյալ պատկերազարդում կարող էք գտնել Վիկիպեդիա Կոմմոնս նախագծի Կանարյան կղզիներ ենթաէջում։