Արցախի Հանրապետության զինանշան

Վիքիպեդիայից՝ ազատ հանրագիտարանից
Արցախի զինանշան
Coat of arms of Nagorno-Karabakh.svg
Մանրամասնություններ
Կրիչ Արցախի Հանրապետություն
Հաստատված 1992 նոյեմբերի 17
Թագ Արտաշեսյանների
Վահան Մենք ենք մեր սարերը
Flag of Nagorno-Karabakh.svg Արցախի Հանրապետության դրոշը
Վահանաբռնիչներ Արծիվ
Հիմք Հացահատիկ, խաղող , ժապավեն, թթենու պտուղներ
Այլ տարրեր Պատկերված է Մենք ենք մեր սարերը Արցախի դրոշով
Օգտագործում Տարադրամի վրա, խորհրդարանում, պաշտոնական հաստատություններում, անձնագրերի և պաշտոնական փաստաթղթերի վրա
Զինանշանի հեղինակ Լավրենտ Ղալայան


Արցախի Հանրապետության զինանշանն իրենից ներկայացնում է մի թևատարած արծիվ, որը կրում է Արտաշեսյանների արքայատոհմի թագը, իսկ գլխավերևում տարածվում են արևի ճառագայթները։ Կենտրոնում դրված է վահան, որի վրա պատկերված են Արցախի Հանրապետության դրոշը (հորիզոնական դիրքով) և Ստեփանակերտի մոտ գտնվող «Մենք ենք մեր սարերը («Տատիկ և Պապիկ») հուշարձանը՝ Մեծ Քիրս լեռան ֆոնին։ Ներքևի մասում արծվի ճանկերի մեջ խաղողի վազեր են, թթենու պտուղներ, ցորենի հասկեր։ Վերևի կիսաշրջանաձև ժապավենի վրա արված է հայերեն մակագրություն՝ «Լեռնային Ղարաբաղի Հանրապետություն-Արցախ»։ Զինանշանի հեղինակն է Լավրենտ Ղալայանը։