Բոետիոս
Վիքիպեդիայից՝ ազատ հանրագիտարանից
Անիցիոս Մանլիոս Տորկվատոս Սևերինոս Բոետիոս (լատիներեն՝ Anicius Manlius Torquatus Severinus Boëthius, շուրջ 480 — 524թթ., այլ աղբյուրների համաձայն՝ 526թ.) — հռոմեական պետական գործիչ, փիլիսոփա- նորպլատոնական, երաժշտության տեսաբան, քրիստոնյա աստվածաբան:
Իր գիտական և փիլիսոփայական ուսումն ստացել է Աթենքում, գոթերի արքա Թեոդորիկի օրոք նշանակվել է հռոմեական հյուպատոս: Հետագայում մեղադրվելով դավադրության մեջ՝ բանտարկվել է: Բանտում գրել է իր գլխավոր փիլիսոփայական երկը՝ «Փիլիսոփայության մխիթարանքի մասին» աշխատությունը: Լատիներեն լեզվով թարգմանել և մեկնաբանել է Արիստոտելի աշխատությունները:
