Անդրեյ Լուտայ
Անդրեյ Լուտայ | |
---|---|
Անձնական տեղեկություն | |
Սեռ՝ | արական |
Բնօրինակ անուն՝ | ռուս.՝ Андрей Владимирович Лутай |
Մասնագիտացում՝ | գեղասահորդ և գեղասահքի մարզիչ |
Երկիր՝ | Ռուսաստան |
Ծննդյան ամսաթիվ՝ | հուլիսի 24, 1986 (37 տարեկան) |
Ծննդավայր՝ | Բելգորոդ, ՌԽՖՍՀ, ԽՍՀՄ |
Անդրեյ Լուտայ (ռուս.՝ Андре́й Влади́мирович Лута́й, հուլիսի 24, 1986, Բելգորոդ, ՌԽՖՍՀ, ԽՍՀՄ), ռուս գեղասահորդ։ Միջազգային դասի սպորտի վարպետ։ 2007 և 2008 թվականների Ռուսաստանի առաջնությունների արծաթե մեդալակիր։ 2009 թվականի Ռուսաստանի առաջնության բրոնզե մեդալակիր։ Եվրոպայի և աշխարհի առաջնությունների մասնակից։ Միջազգային ասպարեզում լավագույն նվաճումը Եվրոպայի առաջնությանը հինգերորդ հորիզոնականն է և աշխարհի առաջնությանը՝ 10-րդ հորիզոնականը։ 2005 թվականի Ձմեռային ունիվերսիադայում զբաղեցրել է 5-րդ հորիզոնականը։ Կրտսեր և մեծահասակների կարգի Գրան-պրիի մասնակից է։ Միջազգային մրցույթների հաղթող է։
Այժմ աշխատում է Բուլղարիայում՝ որպես գեղասահքի մարզիչ։
Կարիերա[խմբագրել | խմբագրել կոդը]
Անդրեյը գեղասահքով սկսել է զբաղվել իր հայրենի Բելգորոդում։ Նրա առաջին մարզիչը քույրն է եղել` Ելենա Անտյուֆեևան։ Երբ հայտնաբերվեց Անդրեյի մարզական տաղանդը, քույրն էր, որ նրան տեղափոխեց Սանկտ Պետերբուրգ՝ Ալեքսեյ Միշինի խումբ։
Առաջին կարևոր հաջողությանը Անդրեյը հասավ 2006/2007 մրցաշրջանում, երբ Մերձմոսկովյան Միտիշչաներում անցկացված Ռուսաստանի առաջնությունում զբաղեցրեց երկրորդ հորիզոնականը։ Նույն տարում էլ Եվրոպայի առաջնությունում զբաղեցրեց ավելի բարձր՝ 5-րդ հորիզոնականը։
Անդրեյը միջազգային դասի սպորտի վարպետ է։
Հաջորդ՝ 2007-2008 թվականների մրցաշրջանում, Անդրեյ Լուտայը Skate America և Cup of Russia Գրան-պրիի փուլերում այդքան էլ լավ հանդես չեկավ՝ գրավելով համապատասխանաբար 7-րդ և 9-րդ հորիզոնականները։ Ռուսաստանի առաջնությունում նա կրկնեց իր նախորդ տարվա արդյունքները, իսկ Եվրոպայի առաջնությունում զբաղեցրեց 8-րդ հորիզոնականը։
2008-2009 թվականների մրցաշրջանում Ա. Լուտայը հանդես է եկել «Trophée Eric Bompard»-ում։ Ելույթ ունենալով սերիայում՝ Ֆրանսիայում դարձավ 11-րդը, Ճապոնիայում` 8-րդը։ Ազգային առաջնությունում գրավեց երրորդ տեղը և մտավ ազգային հավաքականի կազմ՝ Եվրոպական առաջնությանը մասնակցելու համար։ 2009 թվականի Աշխարհի առաջնությանը՝ առաջին անգամ իր կարիերայի ընթացքում, ընդգրկվեց տասնյակում և Ռուսաստանի համար ապահովեց երկու տեղ՝ Վանկուվերում կայանալիք Օլիմպիական խաղերի համար։
Ձերբակալում ԱՄՆ-ում[խմբագրել | խմբագրել կոդը]
2009 թվականի նոյեմբերին՝ Skate America մրցաշարի ավարտից հետո, որտեղ զբաղեցրեց 10-րդ հորիզոնականը, Անդրեյ Լուտայը ձերբակալվեց Լեյք Փլեսիդ (Նյու Յորք (նահանգ), ԱՄՆ) քաղաքի ոստիկանների կողմից՝ ավտոմեքենաների գողության և հարբած վիճակում ավտոմեքենա վարելու համար[1]։ Գեղասահորդը բանտարկվեց, իսկ նրան ազատելու համար նշանակվեց 200 հազար դոլար գրավ։ Նոյեմբերի 19-ին Լուտայն ազատ արձակվեց՝ գործի նախնական լսումներից հետո[2]։ Ավտոմեքենայի գողության մեղադրանքները հանվեցին, սակայն երթևեկության կանոնների խախտման մասին մեղադրանքները մնացին։ Անդրեյ Լուտայի գործի հաջորդ դատական նիստը հետաձգվեց, քանի որ մեղադրող կողմը դատարան չներկայացավ[3]։ Գեղասահորդին բաց թողեցին Ռուսաստան՝ ստորագրություն վերցնելով, որ նա առաջին իսկ պահանջի դեպքում կվերադառնա Լեյք Փլեսիդի[4]։
2009 թվականի նոյեմբերի 25-ին Ռուսաստանի Գեղասահքի ֆեդերացիայի նախագահությունը սպորտային ռեժիմը խախտելու համար Անդրեյ Լուտային հանեց 2009-2010 թվականների մրցաշրջանի ազգային հավաքականի կազմից և զրկեց նրան համառուսական ու միջազգային մրցումներին մասնակցելու իրավունքից՝ մինչև 2010 թվականի նոյեմբերի 15-ը[5]։
Մարզչական կարիերա[խմբագրել | խմբագրել կոդը]
Որակազրկումից հետո Անդրեյը սպորտ չվերադարձավ։ Ներկա պահին նա աշխատում է Բուլղարիայում՝ որպես գեղասահքի մարզիչ։ Մասնավորապես, նա մարզում է վրացական ծագումով բուլղարացի գեղասահորդ Գեորգի Քենչաձեին[6]։
Անձնական կյանք[խմբագրել | խմբագրել կոդը]
2010 թվականի ապրիլին Անդրեյն ամուսնացավ բուլղարացի գեղասահորդուհու՝ Իննա ԴԵմիրևայի (Իննան Ալբենա Դենկովայի քույրն է) հետ[7][8]։ Վերջինս նախկինում հանդես էր գալիս Յուրի Կուրակիի հետ։ 2010 թվականի սեպտեմբերին ծնվեց նրանց դուստրը՝ Սիլվիան։
Սպորտային ձեռքբերումներ[խմբագրել | խմբագրել կոդը]
Մրցումներ/մրցաշրջան | 2002-2003 | 2003-2004 | 2004-2005 | 2005-2006 | 2006-2007 | 2007-2008 | 2008-2009 | 2009-2010 |
---|---|---|---|---|---|---|---|---|
Գեղասահքի աշխարհի առաջնություն | 20 | 10 | ||||||
Գեղասահքի Եվրոպայի առաջնություն | 5 | 8 | 7 | |||||
Գեղասահքի Ռուսաստանի առաջնություն | 8 | 4 | 7 | 7 | 2 | 2 | 3 | |
Գրան-Պրիի փուլեր. Cup of Russia | 9 | |||||||
Գրան-Պրիի փուլեր. Trophée Eric Bompard | 11 | |||||||
Գրան-Պրիի փուլեր. Skate America | 7 | 10 | ||||||
Գրան-Պրիի փուլեր. NHK Trophy | 9 | |||||||
Finlandia Trophy մրցաշարեր | 8 | |||||||
Կարլ Մեմորի հուշամրցաշար | 1 |
Ծանոթագրություններ[խմբագրել | խմբագրել կոդը]
- ↑ Russian skater gets stolen car, DWI charge in NY(չաշխատող հղում) (անգլ.)
- ↑ Российский фигурист Андрей Лутай, арестованный в США, выпущен из-под стражи (ռուս.)
- ↑ Российского фигуриста Андрея Лутая могут не выпустить из США
- ↑ Лутай вернулся в Россию
- ↑ «Постановление Президиума Федерации «Об Андрее Лутае»». Արխիվացված է օրիգինալից 2009 թ․ դեկտեմբերի 19-ին. Վերցված է 2019 թ․ փետրվարի 11-ին.
- ↑ Г.Кенчадзе(անգլ.) Չմշկորդների միջազգային միության պաշտոնական կայքում
- ↑ Сборная тропа хоро на сватба в София Արխիվացված 2012-11-22 Wayback Machine (բուլղ.)
- ↑ Алексей Мишин: «В условиях смены первых номеров сборной России у Лутая есть шанс»
Արտաքին հղումներ[խմբագրել | խմբագրել կոդը]
- Андрей Лутай на fsnews Արխիվացված 2009-08-26 Wayback Machine(ռուս.)
- Официальный сайт А.Лутая (ռուս.)