Քարեն Ալեն

Քարեն Ալեն; անգլ.՝ Karen Allen
	Ալենը 2010 թվականի Տորոնտոյի կինոփառատոնին
Ծնվել է	հոկտեմբերի 5, 1951 (73 տարեկան)
Ծննդավայր	Քերոլթոն, Իլինոյս, ԱՄՆ
Կրթություն	Լի Ստրասբերգի թատրոնի և կինոյի ինստիտուտ, Տեխնոլոգիայի նորաձևության ինստիտուտ, Դյուվալ բարձրագույն դպրոց, Մերիլենդի համալսարան և Ջորջ Վաշինգտոն համալսարան
Քաղաքացիություն	ԱՄՆ
Մասնագիտություն	Դերասանուհի
Աշխատավայր	Բարդ Քոլեջ
Ակտիվ շրջան	1978 - այժմ
Ամուսին(ներ)	Քեյլ Բրաուն
Պարգևներ և մրցանակներ	Թատերական համաշխարհային մրցանակ
	karenallen-fiberarts.com
	Քարեն Ալեն՝ Վիքիպահեստ

Քարեն Ալեն (անգլ.՝ Karen Jane Allen, հոկտեմբերի 5, 1951(1951-10-05)^[1]^[2], Carrollton, Իլինոյս, ԱՄՆ), ամերիկացի դերասանուհի, Ինդիանա Ջոնսի արկածների մասին ֆիլմերում Մերիոն Ռեյվենվուդի դերակատարը։

Կենսագրություն

Ալենը ծնվել է Իլինոյս նահանգի Քերոլթոն քաղաքում, ուսուցչուհի Ռատրիսիա Հոուելի և ՀՖԲ-ի գործակալ Քերոլ Թոմփսոն Ալենի ընտանիքում։ Նա իր կյանքի առաջին 10 տարին անցկացրել է ճանապարհորդելով երկրում իր ծնողների և երկու քույրերի հետ։ DuVal Senior High School դպրոցը Մերիլենդում ավարտելուց հետո, ապագա դերասանուհին տեղափոխվում է Նյու Յորք, որտեղ ուսումնասիրում է արվեստ և դիզայն Fashion Institute of Technology-ում։ Նաև հաճախել է Մերիլենդի համալսարան և ժամանակ է անցկացրել ճանապարհորդելով Հարավային և Կենտրոնական Ամերիկայում։ 1974 թվականին Ալենը միացել է թատերական խմբի, իսկ երեք տարի անց վերադարձել է Նյու Յորք, որպեսզի սկսի սովորել Լի Ստրասբերգի Թատերական ինստիտուտում։

Կարիերա

1978 թվականին կայացել է Ալենի դեբյուտը «Գազանանոց» ֆիլմում, իսկ 1981 թվականին Սթիվեն Սփիլբերգի «Ինդիանա Ջոնս։ Կորուսյալ տապանը որոնելիս» ֆիլմում դերը դերասանուհուն բերում հաղթանակ «Սատուրն» մրցանակաբաշխությանը «Լավագույն դերասանուհի» կատեգորիայում։

1982 թվականին Ալենը առաջին անգամ խաղացել է Բրոդվեյի թատրոնում, Ուիլյամ Գիբսոնի «Երկուշաբթի հրաշքից հետո» պիեսում։ Մի քանի փոքր դերերից դերերից հետո 1984 թվականին նա նկարահանվում է գիտաֆանտաստիկ «Մարդը աստղից» ֆիլմում՝ խաղալով գլխավոր դերերից մեկը Ջեֆ Բրիջեսի հետ։ Ջենի Հեյդենի դերի համար Ալենը առաջադրվում է «Սատուրն» մրցանակի։

Ընդմիջումից հետո, որի ընթացքում դերասանուհին խաղացել է հիմնականում բեմում, 1987 թվականին նա մասնակցում է Թենեսի Ուիլյամսի «Ապակե գազանանոց» պիեսի կինոտարբերակում, որի ռեժիսորը Փոլ Նյումանն էր, իսկ գլխավոր դերերում էին Ջոն Մալկովիչը և Ջոան Վուդվարդը։ Մեկ տարի անց խաղում է Բիլ Մյուրեյի հերոսի ընկերուհու դերը «Նոր սուրբծննդյան հեքիաթ» ֆիլմում։

2000 թվականին Քարեն Ալենը նկարահանվում է «Օրենք և կարգ. Հատուկ կորպուս» սերիալի երկրորդ սեզոնի 21-րդ սերիայում։

2008 թվականին Ալենը կրկին վերադառնում է էկրաններ Ինդիանա Ջոնսի ընկերուհու դերում, «Ինդիանա Ջոնսը և բյուրեղապակյա գանգերի թագավորությունը» ֆիլմում։

Անձնական կյանքը

1989 թվականին Ալենը ամուսնացել է ամերիկացի դերասան Կեյլ Բրաունիի հետ, ում հետ խաղացել է «Մրցակից» ֆիլմում։ 1990 թվականին զույգն ունեցել է որդի՝ Նիկոլասը, իսկ 1998 թվականին Ալենը և Բրաունին ամուսնալուծվել են։

Որդու ծնունդից հետո դերասանուհին կենտրոնացած է եղել նրա դաստիարակության վրա և հայտնվել է միայն փոքր դերերում։

Ֆիլմագրություն

Տարի		Հայերեն անվանում	Բնօրինակ անվանում	Դեր
1979	ֆ	Թափառականներ	The Wanderers	Նինա
1980	ֆ	Փնտրողը	Cruising	Նենսի
1981	ֆ	Դրախտից արևելք	East of Eden	Աբրա
1981	ֆ	Ինդիանա Ջոնս։ Կորուսյալ տապանը որոնելիս	Raiders of the Lost Ark	Մերիոն Ռեյվենվուդ
1982	ֆ	Նկարահանել Լուսինը	Shoot the Moon	Սենդի
1984	ֆ	Մարդը աստղից	Starman	Ջենի Հեյդեն
1987	ֆ	Ապակե գազանանոց	The Glass Menagerie	Լորա Ուինգֆիլդ
1987	ֆ	Ի պատասխան կրակ	Backfire	Մառա Մեկենդրյու
1988	ֆ	Նոր սուրբծննդյան հեքիաթ	Scrooged	Քլեր Ֆիլիփս
1991	ֆ	Սիրահարված շրջագայողը	Sweet Talker	Ջուլի Մագուայր
1993	ֆ	Ուրվականը մեքենայում	Ghost in the Machine	Թերի Մոնրո
1993	ֆ	Բլրի արքան	King of the Hill	միս Մեթի
1997	ֆ	Փախչող սեր	Til There Was You	Բեթթի
1998	ֆ	Ընկնող երկինք	Falling Sky	Ռիսսի Նիկոլսոն
2000	ֆ	Կատարյալ փոթորիկ	The Perfect Storm	Մելլիսա Բրաուն
2001	ֆ	Իմ սարսափելի տարին	My Horrible Year!	Բելինդա Ֆոլկներ
2001	ֆ	Ննջասենյակում	In the Bedroom	Մառլա Քիզ
2003	ֆ	Սպանել Էդգարին	Briar Patch	Լի
2004	ֆ	Երբ ինձ կսիրեն	When Will I Be Loved	Ալեքսանդրա Բարրի
2008	ֆ	Ինդիանա Ջոնսը և բյուրեղապակյա գանգերի թագավորությունը	Indiana Jones and the Kingdom of the Crystal Skull	Մերիոն Ռեյվենվուդ

Ծանոթագրություններ

↑ ^1,0 ^1,1 Internet Broadway Database — 2000.
↑ ^2,0 ^2,1 filmportal.de — 2005.
↑ Theatre World Award Recipients

Արտաքին հղումներ

«Karen Allen — Fiber Arts»

Վիքիպահեստն ունի նյութեր, որոնք վերաբերում են «Քարեն Ալեն» հոդվածին։

[_733f27553a2a8e9e-1] 1,0 ^1,1 Internet Broadway Database — 2000.

[_6969b09a33414e82-2] 2,0 ^2,1 filmportal.de — 2005.

[_3347d608f49eeea0-3] Theatre World Award Recipients

[1]

[2]

[3]