Վալենտինա Գորինևսկայա

Վալենտինա Գորինևսկայա
Ծնվել է	1882
Ծննդավայր	Սանկտ Պետերբուրգ, Ռուսական կայսրություն
Մահացել է	սեպտեմբերի 25, 1953(1953-09-25)
Մահվան վայր	Մոսկվա, ԽՍՀՄ
Քաղաքացիություն	ԽՍՀՄ
Կրթություն	Սանկտ Պետերբուրգի կանանց բժշկական ինստիտուտ (1908)
Մասնագիտություն	բժիշկ և վիրաբույժ
Գիտական աստիճան	բժշկական գիտությունների դոկտոր և պրոֆեսոր
Ծնողներ	հայր՝ Վալենտին Գորինևսկի
Պարգևներ	և

Վալենտինա Գորինևսկայա (ռուս.՝ Валентина Валентиновна Гориневская, 1882, Սանկտ Պետերբուրգ, Ռուսական կայսրություն - սեպտեմբերի 25, 1953(1953-09-25), Մոսկվա, ԽՍՀՄ), ռուսական վնասվածքաբանության հիմնադիրներից, բժշկական գիտությունների դոկտոր (1935), պրոֆեսոր, ՌԽՖՍՀ գիտության վաստակավոր գործիչ (1943), բժշկական ծառայության գնդապետ։ Ավելի քան 100 գիտական աշխատությունների հեղինակ։

Կենսագրություն

Վալենտինա Գորինևսկայան ծնվել է 1882 թվականին Սանկտ Պետերբուրգում, պրոֆեսոր Վ. Վ. Գորնիևսկու ընտանիքում։ 1908 թվականին ավարտել է Կանանց բժշկական ինստիտուտը։ Առաջին համաշխարհային պատերազմի ժամանակ աշխատել է որպես վիրաբույժ Արևմտյան ռազմաճակատի հոսպիտալներում։ 1920 թվականին, երբ Սամարայում Պետական համալսարանի բազայի վրա ստեղծվեց ընդհանուր վիրաբուժության ամբիոնը, ամբիոնի վարիչ նշանակվեց այդ ժամանակաշրջանում ճանաչված ռուս վնասվածքաբան Վալենտինա Վալենտինովնա Գորինևսկայան։ Գիտական կադրերի պատրաստման նպատակով Գորինևսկայայի կողմից ստեղծվեց ուսանողական գիտական խմբակ, որը 1923 թվականին դարձավ համալսարանի բժշկական ֆակուլտետի Ուսանողական գիտական խորհուրդ։

1925 թվականին Գորինևսկայան վերադարձավ Մոսկվա և 1931 թվականին դարձավ Մոսկվայի Բուժական-պրոտեզավորման ինստիտուտի վնասվածքաբանության բաժամունքի վարիչ։ 1932 թվականին Գորինևսկայան դարձավ Սկլիֆասոֆսկու անվան շտապ օգնության ԳՀԻ վնասվածքաբանության բաժամունքի վարիչի առաջին տեղակալը, գլխավորելով այն մինչև 1939 թվականը։ Միաժամանակ ղեկավարել է Բժիշկների կատարելագործման կենտրոնական ինստիտուտի վնասվածքաբանության ամբիոնը և վնասվածքաբանություն է դասավանդել մոսկովյան ինստիտուտներում։ 1936 թվականին նա նկարագրեց որոշ ոսկորների կոտրվածքի ախտանիշները, որոնք կոչվեցին «Գորինևսկու ախտանիշեր»։

Հայրենական Մեծ պատերազմի տարիներին Վ. Վ. Գորինևսկայան Կարմիր Բանակի Գլխավոր ռազմասանիտարական Վարչության հրահանգիչ-խորհրդականն էր և զբաղվում էր երկրում թեթև վիրավորվածների համար հոսպիտալների ստեղծմամբ։ 1945 թվականին «Սովետական կին» ամսագրում հրապարակվեց նրա մասին հոդված «Վիրաբույժը ռազմաճակատում»։ 1944 թվականին լույս է տեսել նրա «Թեթև վիրավորվածների կոմպլեքս բուժումը հոսպիտալներում» մենագրությունը։ Մինչև 1953 թվականը Գորինևսկայան ղեկավարել է Բժիշկների կատարելագործման Կենտրոնական ինստիտուտի ռազմա-դաշտային վիրաբուժության ամբիոնը։

Մահ

Մահացել է 1957 թվականի սեպտեմբերի 25-ին Մոսկվայում։ Թաղված է Նովոդևիչյան գերեզմանատան աճյունասափորանոցում, հոր և քրոջ Վերոնիկայի հետ։

Պարգևներ

• Կարմիր Դրոշի շքանշան
• Կարմիր Աստղի շքանշան
• մեդալներ

Գրականություն

• Кнопов М. Ш., Тарануха В. К. Видный отечественный травматолог: (К 130-летию со дня рождения профессора В. В. Гориневской) // Вестник травматологии и ортопедии. — 2011. — № 4. — С. 87-90.

Արտաքին պատկերներ
	Գորինևսկայայի հուշատախտակը Նովոդևիչյան գերեզմանատանը

Արտաքին հղումներ

• Рассказываем о самарских врачах — Валентина Валентиновна Гориневская Արխիվացված 2017-12-06 Wayback Machine