Վալ դե Բոյի ռոմանական եկեղեցիներ

**Համաշխարհային ժառանգություն**
	Վալ դե Բոյի ռոմանական եկեղեցիներ
Iglesias románicas del Valle de Bohí*
ՅՈՒՆԵՍԿՕ-ի համաշխարհային ժառանգություն
Երկիր	Վալյե դե Բոի, Իսպանիա
Տիպ	Մշակութային
Չափանիշներ	ii, iv
Ցանկ	ՅՈՒՆԵՍԿՕ֊ի ցանկ
Աշխարհամաս**	Եվրոպա
	Ընդգրկման պատմություն
Ընդգրկում	2000 (24 նստաշրջան)
Համար	988
	* Անվանումը պաշտոնական անգլերեն ցանկում; ** Երկրամասը ըստ ՅՈՒՆԵՍԿՕ-ի դասակարգման
	Համաշխարհային ժառանգություն

Վալ դե Բոյի ռոմանական եկեղեցիներ;
Հիմնական տվյալներ
Տեսակ	եկեղեցի
Երկիր	Իսպանիա
Տեղագրություն	Վալյե դե Բոի
Կազմված է	Sant Feliu de Barruera?, Sant Joan de Boí?, Santa Eulàlia d'Erill la Vall?, Santa Maria de Cóll?, Santa María de Cardet?, La Nativitat de Durro?, Sant Quirc de Durro?, Santa Maria de Taüll? և Sant Climent de Taüll?
Ժառանգության կարգավիճակ	Համաշխարհային ժառանգություն
Ճարտարապետական ոճ	ռոմանական ճարտարապետություն
Մակերես	7,98 հեկտար, 3562 հեկտար
	Romanesque Churches of the Vall de Boí (World Heritage Site) Վիքիպահեստում

Վալ դե Բոյի ռոմանական եկեղեցիներ (իսպ.՝ Iglesias románicas del Valle de Bohí), ինը եկեղեցիներ Իսպանիայի Վալ դե Բոյ հովտում։ Կառուցված են ռոմանական ճարտարապետական ոճով։ Գտնվում են կատալոնական Ալտա Ռիբագորսա կոմարկայում (Լյեիդա պրովինցիա)։ Բոլոր եկեղեցիները ներառաված են ՅՈՒՆԵՍԿՕ-ի Համաշխարհային ժառանգության օբյեկտների ցանկում։

Համաշխարհային ժառանգության օբյեկտների ցանկ

2000 թվականին 9 եկեղեցիները ներառվել են ՅՈԻՆԵՍԿՕ-ի Համաշխարհային օբյեկտների ցանկում։

Կոդ	Անուն	Վայր	Կոորդինատներ
988-001	Սանտ Ֆելիու դե Բառուերա	Բառուերա	42°30′17″ հս․ լ. 0°48′13″ ավ. ե.^HGЯOL
988-002	Սանտ Խուան դե Բոյ	Բոյ	42°31′41″ հս․ լ. 0°50′01″ ավ. ե.^HGЯOL
988-003	Սանտա Մարիա դե Տաուլ	Տաուլ^[1]	42°31′01″ հս․ լ. 0°51′03″ ավ. ե.^HGЯOL
988-004	Սանտ Կլեմենտե դե Տաուլ	Տաուլ	42°30′59″ հս․ լ. 0°50′59″ ավ. ե.^HGЯOL
988-005	Սանտա Մարիա դե Կոլլ	Կոլլ	42°26′35″ հս․ լ. 0°44′43″ ավ. ե.^HGЯOL
988-006	Սանտա Մարիա դե Կարդետ	Կարդետ	42°29′03″ հս․ լ. 0°46′36″ ավ. ե.^HGЯOL
988-007	Լա Նաթիվաթեդ դե Դուրրո	Դուրրո	42°30′09″ հս․ լ. 0°49′19″ ավ. ե.^HGЯOL
988-008	Սանտ Քուիրս դե Դուրրո	Դուրրո	42°30′08″ հս․ լ. 0°49′25″ ավ. ե.^HGЯOL
988-009	Սանտա Էուլալիա դե Էրիլլ լա Վալլ	Էրիլ լա Վալլ	42°31′49″ հս․ լ. 0°49′55″ ավ. ե.^HGЯOL

Վալ դե Բոյ եկեղեցիների ֆրեսկոների պատմություն

20-րդ դարի սկզբին մեծ ջանքեր էին գործադրվել Վալ դե Բոյի եկեղեցիներում ռոմանական նկարներն ուսումնասիրելու համար։ Այս գործունեությունը իրականացվում էր ինչպես գիտնականների, այնպես էլ արվեստի դիլերների կողմից, որոնց միակ շարժառիթը ֆինանսական շահույթն էր։ 1905-1909 թվականներին Բարսելոնայի թանգարանների խորհուրդը տպագրեց Պիրենեյների ֆրեսկոների վերարտադրությունը։ 1919 թվականին շատ միջնորդներ ներգրավված էին այդ աշխատանքներիի գնման և վաճառքի մեջ, որոնց նպատակը դրանք ԱՄՆ թանգարաններում և մասնավոր հավաքածուներում։

Տաուլիի շրջանը բացառություն է դարձել այս միտումների համար, քանի որ տեղացիները հրաժարվել են թույլ տալ ֆրեսկոներն ու արվեստի այլ աշխատանքներ հեռացնել իրենց եկեղեցուց։ Արդյունքում համաձայնեցվեց, որ լավագույն որմնանկարները պահվեն Կատալոնական արվեստի ազգային թանգարանում։

Սանտ Կլեմենտե, Տաուլ

1123 թվականի դեկտեմբերի 10-ին Սանտ Կլեմենտե եկեղեցին օծվել է Ռոդա եպիսկոպոսի կողմից։ Եկեղեցին ունի երեք նավ, որը բաժանված է գլանաձև սյուներով։ Դրանք պատկանում է խորանին։ Երկհարկանի տանիքը կառուցված է փայտից։ Շենքի կողքին կա զանգակատուն։ Հիմնական մուտքը հարավային ճակատի կողմից է, և կամարաձև է։ Եկեղեցու ներսում կան շատ ֆրեսկոներ, որոնք արվել են անհայտ նկարչի կողմից։ Վերջինիս կոչել են Տաուլիի վարպետ։

Սանտա Մարիա, Տաուլ

Եկեղեցին օծվել է 1123 թվականին և եղել է Տաուլիի մունիցիպալիտետ։ Սանտա Մարիայի կառուցվածքը նման է Սանտա Կլեմենտեյի կառուցվածքին։ Բազիլիկ հատակագիծը բաղկացած է երեք նավից և երեք աբսիդից։

Զանգակատունը գտնվում է նավի կենտրոնում։ Դրա ներսում հայտնաբերվել են շատ ֆրեսկոներ, որոնք ուսումնասիրվել են 1907 թվականին Ժոզեպ Պուչի Կադաֆալկի կողմից։ Հատկանշական է Սուրբ Մարիամին իր որդու հետ ներկայացնող որմնանկարը, որը նույնպես ցուցադրվում է Կատալոնական արվեստի ազգային թանգարանում։

Սանտ Խուան դե Բոյ

Սանտ Խուան դե Բոյում նույնպես կա երեք նավ։ Սկզբում տանիքը պատրաստված է եղել փայտով, սակայն հետագայում այն փոխվել է քարե պատվածքով։ Զանգակատունը կառուցված է Լոմբարդ ճարտարապետական ոճով, որը կցված է հարավային կողմում գտնվող նավին։ Միայն երկու հարկերում է պահպանում բնօրինակը, իսկ ներկայիս զանգակատան վերջին հարկն ավելացվել է ավելի ուշ։ Պահպանվել է միայն եկեղեցու աբսիդը։ Եկեղեցում պահպանվել են 12-րդ դարի գեղանկարների հավաքածու, որոնցում հիմնականում ներկայացված են առասպելական կենդանիներ։

Սանտա Էուլալիա դե Էրիլլ լա Վալլ

Կառույցն ունի մեկ նավ և կիսալուսնաձև աբսիդ։ Արտաքին մասում կա նախասրահ, որը ձևավորված է գլանաձև սյուներով։ Զանգակատունը Լոմբարդ ճարտարապետության տիպիկ օրինակ է, ունի 6 հարկ, և բարձրությունը 23 մետր է։ Պատուհանները երկակի են՝ կամարաձև շրջանակով։ Եկեղեցու ավանդատանը գտնվել է 12-րդ դարի El Davallament արձանախումբը։ Այն ներկայումս պահվում է Վիկի Եպիսկոպոսական թանգարանում։

Սանտ Ֆելիու դե Բառուերա

Սանտ Ֆելիու եկեղեցին առաջին անգամ հիշատակվում է 13-րդ դարում, բայց պատմության մեջ շատ քիչ բան է հայտնի։ Տեղակայված է Բառուերայի մունիցիպալիտետում։ Եկեղեցին բաղկացած է մեկ նավից։ Այն ամբողջանում մեկ կիսաշրջանաձև աբսիդով։

Լա Նաթիվաթեդ դե Դուրրո

Լա Նաթիվիաթեդ եկեղեցին կառուցված է Դուրրո փոքրիկ քաղաքում, 1386 մ բարձրության վրա։ Եկեղեցու մասին առաջին անգամ հիշատակվել է 11-րդ դարում։ Ոճապես և առանձնահատկություններով այն շատ նման է վերը նշված եկեղեցներին։ Ունի մեկ նավ և մեկ աբսիդ, իսկ կողքին՝ 5 հարկանի զանգակատուն։

Սանտ Քուիրս դե Դուրրո

Սանտ Քուիրս եկեղեցին փոքրիկ ճարտարապետական կոթող է։ Նավը ծածկված է գլանաձև կամարով և ամբողջանում է պրեսբիտերիումում, որ փոքր-ինչ բարձր է նավի մնացյալ հատվածից։ Մուտքի դուռը շրջանակված է կամարաքարով։

Սանտա Մարիա դե Կարդետ

Այս եկեղեցին ևս փոքր է, բաղկացած է մեկ նավիս։ Քանի որ կառուցված է զառիթափի վրա, աբսիդն ու երկու հարկերն ավելի բարձր են, քան նավը։ Աբսիդը հիմքում կա նկուղ։

Սանտա Մարիա դե Կոլլ

Սանտա Մարիա դե Կոլլ եկեղեցին ունի մեկ նավ։ Զանգակատունը քառակուսի է և բաղկացած է 2 հարկից։ Առաջին պատուհաններ են, իսկ զանգերը գտնվում են երկրորդ հարկում։ Ենթադրվում է, որ կառուցվել է 13-րդ դարի կեսերին։