Վազգեն Ամիրբեկյան

Վազգեն Ամիրբեկյան
Ծնվել է	մարտի 24, 1915 կամ 1915
Ծննդավայր	Ղարաքիլիսա, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն
Վախճանվել է	հոկտեմբերի 18, 1984 կամ 1984
Վախճանի վայր	Երևան, Հայկական ԽՍՀ, ԽՍՀՄ
Մասնագիտություն	խմբագիր և արձակագիր
Գիտական աստիճան	գիտությունների թեկնածու
Անդամակցություն	ԽՍՀՄ Գրողների միություն
Աշխատավայր	Ավանգարդ, Սովետական Հայաստան, Բանվոր և ՀՀ ԳԱԱ պատմության ինստիտուտ
	Վազգեն Ամիրբեկյան Վիքիքաղվածքում
	Վազգեն Ամիրբեկյան Վիքիդարանում

Վազգեն Միքայելի Ամիրբեկյան (մարտի 24, 1915(1915-03-24) կամ 1915^[1], Ղարաքիլիսա, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն - հոկտեմբերի 18, 1984(1984-10-18) կամ 1984^[1], Երևան, Հայկական ԽՍՀ, ԽՍՀՄ), հայ արձակագիր, լրագրող, բանասիրական գիտությունների թեկնածու, ԽՍՀՄ գրողների միության անդամ 1958 թվականից։

Կենսագրություն

Ծնվել է Ղարաքիլիսա (այժմ՝ Վանաձոր) քաղաքում։ Աշխատանքային գործունեությունն սկսել է 1931 թվականից։ Եղել է տեղի յոթնամյա դպրոցի ուսուցիչ, ապա աշխատել է Ալեքսանդր Մյասնիկյանի անվան քիմիական կոմբինատում որպես «Քիմիայի ճակատում» բազմատպաքանակ թերթի պատասխանատու քարտուղար։ 1934-1940 թվականներին եղել է «Ավանգարդ» թերթի բաժնի վարիչ, 1940-1944 թվականներին՝ ՀԼԿԵՄ Կիրովականի շրջկոմի քարտուղար, 1944-1949 թվականներին՝ «Սովետական Հայաստան» օրաթերթի արդյունաբերության և տրանսպորտի բաժնի վարիչ, 1949-1950 թվականներին՝ Լենինականի «Բանվոր» քաղաքային թերթի խմբագիր։ 1953 թվականին ավարտել է ՍՄԿԿ Կենտկոմին առընթեր կուսակցական բարձրագույն դպրոցը։ 1954-1960 թվականներին եղել է ՀԿԿ կենտկոմի մամուլի սեկտորի վարիչը։ 1960-1974 թվականներին աշխատել է ՀԽՍՀ ԳԱ պատմության ինստիտուտում՝ որպես հայ պարբերական մամուլի պատմության բաժնի ավագ գիտաշխատող։ 1965 թվականին «Սովետական տեղական մամուլը» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։ 1974-1976 թվականներին ՀԽՍՀ ԳԱ պատմության ինստիտուտում աշխատել է որպես ավագ գիտաշխատող։ Մահացել է Երևանում^[2]։

Վ. Ամիրբեկյանի երկերի մատենագիտություն

Անքուն գիշերներ, Երևան, Հայպետհրատ, 1949, 180 էջ։
Վաչե Չինարյան (վիպակ), Երևան, Հայպետհրատ, 1958, 180 էջ։
Կոմերիտականները (վիպակ), Երևան, Հայպետհրատ, 1959, 284 էջ։
Կոլտնտեսային բազմատիրաշ թերթերը, Երևան, Հայպետհրատ, 1961, 104 էջ։
Վաչե Չինարյան (վիպակ), Երևան, Հայպետհրատ, 1963, 228 էջ։
Սովետահայ տեղական մամուլը (1921-1925 թթ.), Երևան, ՀՍՍՀ ԳԱ, 1964, 220 էջ։
Հայաստանի մամուլը Հայրենական մեծ պատերազմի տարիներին (1941-1945), Երևան, ՀՍՍՀ ԳԱ, 1971, 287 էջ։
Մենավոր ծառը (վեպ), Երևան, «Հայաստան», 1974, 284 էջ։
Ժողովուրդների եղբայրության դրոշով, Երևան, «Գիտելիք», 1979, 48 էջ։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ 40.

Վիքիքաղվածքն ունի նյութեր, որոնք վերաբերում են «Վազգեն Ամիրբեկյան» հոդվածին։

Վիքիդարանն ունի նյութեր, որոնք վերաբերում են «Վազգեն Ամիրբեկյան» հոդվածին։

[_cc6bc7f60983dc11-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[2] Հայկ Խաչատրյան (1986). Գրական տեղեկատու. Երևան: «Սովետական գրող». էջ 40.

[1]

[2]