Սփյուռքի թանգարան

Սփյուռքի թանգարան
Տեսակ	թանգարան, առցանց տվյալների բազա և պատմության թանգարան
Երկիր	Իսրայել
Տեղագրություն	Թել Ավիվ
Վայր	Թել Ավիվի համալսարան
Կազմված է	Memi De-Shalit Database of Jewish Family NamesII?
Հասցե	6139202
Հիմնադրվել է	մայիսի 15, 1978
Տնօրեն	Irina Nevzlin?
Կայք	anumuseum.org.il(եբրայերեն)(անգլ.)(ռուս.)

Սփյուռքի թանգարան- Հրեա ժողովրդի թանգարան (եբրայերեն՝ ‏בית התפוצות‏‎‎), Նահում Գոլդմանի անվան հրեական սփյուռքի թանգարան Թել Ավիվի համալսարանի տարածքում։

Պատմություն

Թանգարանը բացվել է 1978 թվականի մայիսին և համարվել է այդ շրջանի ժամանակակից նորարարական թանգարաններից մեկը։ Սփյուռքի տան ստեղծման գաղափարն առաջարկել է Հրեական համաշխարհային կոնգրեսի հիմնադիր և նախագահ Նախում Գոլդմանը, որը ձգտում էր ստեղծել հրեական սփյուռքի անցյալի և ներկայի հուշարձան։ Այդ ժամանակ այն համարվում էր աշխարհի ամենաժամանակակից թանգարաններից մեկը^[1]։

Թանգարանում ներկայացված է հրեական սփյուռքի դարավոր պատմությունը՝ սկսած 2600 տարի առաջ Իսրայել Երկրից հրեաների արտաքսման պահից մինչև մեր օրերը։

Բանաստեղծ Աբբա Կովների առաջարկով թանգարանը բաժանված է 6 թեմատիկ մասերի։ Ցուցադրությունները կազմակերպվում են թեմատիկ հիմունքներով, յուրաքանչյուր հարկում տեղակայված են ուսումնական սենյակներ։

2011 թվականին Իսրայելի կառավարությունը հավանություն տվեց նոր տեխնոլոգիաների կիրառմամբ թանգարանի արդիականացման և ընդլայնման նախագծին։ Թանգարանում իրականացվում է ցուցանմուշների վերակազմավորում, որով ներկայացվում են հրեական և իսրայելական մշակույթում և հասարակական կյանքում կատարված փոփոխություններն արտացոլել նոր թանգարանային տեխնոլոգիաների միջոցով։ Նոր թանգարանը ներկայացնում է հրեական պատմությունը բիբլիական ժամանակներից մինչև մեր օրերը, առավելապես ուշադրություն դարձնելով հրեական կյանքի և ինքնության ժամանակակից դրսևորումներին^[2]։

Ցուցադրություններ

Թանգարանում գործում է մշտական ցուցադրություն, իսկ նոր թևում՝ հինգ ցուցասրահներն են։ Նոր թևաշենքի երկու մշտական ինստալյացիաները ներառված են Ալֆրեդ Հ. Մովսես և Ընտանեկան սինագոգ սրահ ու Հերոսներ պատկերասրահը։ Նոր թևում կան նաև երեք ժամանակավոր, պտտվող ցուցասրահներ։ Ցուցահանդեսները կենտրոնանում են հրեական ինքնության և բազմակարծության հարցերի վրա^[3]։

Ալֆրեդ Հ. Մովսես և Ընտանեկան սինագոգ սրահ (մշտական)
Հերոսներ՝ հրեական ժողովրդի քրոնիկները (մշտական)
- Ինտերակտիվ ցուցադրություն է՝ նախատեսված է 6-12 տարեկան երեխաների և նրանց ընտանիքների համար։ Այցելուները կհանդիպեն պատմության ընթացքում տարբեր հրեա հերոսների, ներառյալ գիտնականներ, մտավորականներ, առաջնորդներ, հեղափոխականներ, մշակութային գործիչներ, մարզիկներ և այլն` եզակի տաղանդ ունեցող տղամարդկանց ու կանանց։
Թող լինի ծիծաղ՝ Հրեական հումոր աշխարհով մեկ (ժամանակավոր)