«Վահե Կարապետյան»–ի խմբագրումների տարբերություն

Վահե Կարապետյան;
Ծնվել է	1940
Ծննդավայր	Լիբանան
Քաղաքացիություն	ԱՄՆ
Մասնագիտություն	գործարար

Դիտել պատմությունը

← Նախորդ տարբ Հաջորդ տարբ →

Content deleted Content added

ՎիզուալԵլատեքստ

Գծային

08:54, 25 հունվարի 2022-ի տարբերակ

Վահե Կարապետյան (1940, Լիբանան)^[1]^[2], արդյունաբերող, ամերիկյան «AA Cater Truck» կորպորացիայի և «VAHE ENTERPRISES» ընկերության հիմնադիր ու սեփականատեր, հասարակական սննդի կազմակերպման, նորագույն տեխնոլոգիաների մշակման մասնագետ, բարերար, «Հայաստան» համահայկական հիմնադրամի ներդրողներից^[3]։

Կենսագրություն

Վահե Կարապետյանը ծնվել է 1940 թվականին Լիբանանում։ Տատը մահացել է Հայոց ցեղասպանության ժամանակ։ Վեց երեխաների խնամքը մնացել է պապի վրա, ում թուրքերը հաց են առաջարկել, փոխարենը տարել Վահեի մորը և կնքել թուրքական անունով՝ Բախտիար։ 1919 թվականին մայրը փախչում է թուրքի ընտանիքից և նրան որդեգրում են Նշան Տեր-Ղազարյանների ընտանիքը։ Նրա անունը փոխում են և անվանում Ազնիվ։ Տեր-Ղազարյանների ընտանիքի հետ մայրը տեղափոխվում է Կիպրոս, այնուհետև Բեյրութ։

Վահեի հայրը ծնվել է 1893 թվականին Կիլիկիայի Տարսոն քաղաքում։ Ավարտել է Տարսոնի «Սենթ Փոլ» ամերիկյան ինստիտուտը, որից հետո անցել է աշխատանքի ոստիկանությունում։ Հայոց ցեղասպանության ժամանակ ոստիկանապետը զգուշացնում է հորը, որ ընտանիքով հեռանան Տարսոնից։ Նրանք տեղափոխվում են Դամասկոս, և հայրը ծառայության է անցնում ֆրանսիական բանակում որպես թարգմանիչ։ 28 տարեկանում հայրը հաշմանդամ է դառնում՝ կորցնելով ոտքը։ Շուտով ամուսնանում է Ազնիվի հետ, և ունենում են, ունենում են 6 երեխա՝ 3 աղջիկ, 3 տղա^[4]։

1946 թվականին Սփյուռքահայերի հայրենադարձության ժամանակ վեց երեխաներով Հայաստան են գալիս նաև նրանց ընտանիքը։ Երևանում Վահեն ստանում է միջնակարգ կրթություն, այնուհետև ուսումը շարունակում է Երևանի պոլիտեխնիկական ինստիտուտում։ 1965 թվականին նրանց ընտանիքը բնակության նպատակով տեղափոխվում է Բաքու, երկու տարի անց Ֆրանսիա, այնուհետև Բեյրութ։ 1968 թվականին Վահեի ընտանիքը վերջնականապես հաստատվում է Ամերիկայի Միացյալ Նահանգներում։ ԱՄՆ-ում Կարապետյանը իր գործունեությունը սկսում է մեքենաշինության ոլորտում։ Նա գնում էր պատրաստի մեքենաներ, քանդում և պատրաստում խոհանոց-մեքենա։ Դրանք հատուկ մեքենաներ էին, որոնք սնունդ էին մատակարարում տարբեր վայրեր։ Կարճ ժամանակահատվածում այդպիսի մեքենաների պահանջարկը շատացավ ԱՄՆ-ում, և նրա ձեռնարկությունը սկսեց արտադրել ավելի շատ մեքենաներ, որոնք արտահանվում են նաև երկրից դուրս։

Բարեգործություն

Վահե Կարապետյանը կատարել է բազմաթիվ բարեգործական աշխատանքներ։ 1974 թվականին, երբ արդեն կայացել էր որպես բիզնսմեն, մասնակցելն է Հոլիվուդում եկեղեցական, դպրոցաշինության աշխատանքներին։ Նախաձեռնել է Սուրբ Կարապետ եկեղեցու կառուցումը Հոլիվուդում^[5] և 850 աշակերտ ունեցող «Ռոզ և Ալեքս Փիլիպոս» վարժարանի քառահարկ շենքի կառուցումը^[6]։ Ֆինանսավորել է «Արցախի ձայն» երաժշտական նախագծով խմբի ամերիկյան շրջագայության, մասնակցել է UCLA համալսարանի հայագիտական ամբիոնի ստեղծմանը, ֆինանսական աջակցություն է ցուցաբերել Լաչինի Սուրբ Նահատակաց եկեղեցու կառուցմանը։ Հիմնել է ճանապարհաշինական կազմակերպություն և կառուցել Գորիս-Ստեփանակերտ ճանապարհը^[7]։ Նախաձեռնել է Ամարասի ճանապարհի կառուցումը։ Մասնակցություն է ունեցել Լեռնային Ղարաբաղի Հյուսիս-Հարավ ավտոճանապարհի շինարարական աշխատանքներին։ Մոտ կես միլիոն ԱՄՆ դոլարի սարքավորումների և ավտոմեքենաների նվիրատվություն է կատարել Հայաստանի ոստիկանությանը։ Խոշոր նվիրատվություններով մասնակցում Է «Հայաստան» համահայկական հիմնադրամի կազմակերպած ամենամյա հեռուստամարաթոններին^[8]։ Լոս Անջելեսում հիմնել և վարել է «Բացահայտում» հեռուստաժամը։ ԱՄՆ-ում և Հայաստանում հիմնադրել է հասարակական կազմակերպություններ։ Գյումրիում բնակարաններ է նվիրել անօթևան երեք ընտանիքների։ 2014 թվականին ՀԲԸՄ-ին տրամադրել է 5500 քառակուսի մետր մարմարապատ տարածք՝ «ՀԲԸՄ Վահե Կարապետյան կենտրոնի» շենքը^[9], որի կառուցումն ու ձևավորումը կատարել են ինքն ու իր կինը՝ Վերոնիկան։

Պարգևներ

Հայոց ցեղասպանության 100-րդ տարելիցին նվիրված միջոցառումների կազմակերպման և անցկացման աշխատանքներին ցուցաբերած գործուն աջակցության համար Հայաստանի նախագահի կողմից արժանացել է Երախտագիտության մեդալի^[10]։
Հայրենիքի կառուցման գործում, Հայաստանում, սփյուռքում և Արցախում ծավալված բարեսիրական հայրենանվեր գործունեության, հայապահպանության, Հայրենիք-Սփյուռք գործակցության զարգացման շնորհակալ գործում ունեցած իր ավանդի համար, ծննդյան 70-ամյակի կապակցությամբ Հայաստանի Սփյուռքի նախարարության կողմից արժանացել է Ոսկե մեդալի^[11]։
«ՀԲԸՄ Վահե Կարապետյան կենտրոն»-ի բացման շրջանակներում ՀԲԸՄ-ի կողմից շնորհվել է ՀԲԸՄ-ան բարերար անդամի կոչում և պարգևատրվել ՀԲԸՄ ոսկե մեդալով^[12]։

Ծանոթագրություններ

Աղբյուրներ

Վահե Կարապետյան. «Կամք, որ հայինն է»

Տես նաև

[1] President Bako Sahakyan to Be Honored with ANCA WR Freedom Award at Annual Gala Banquet

[2] ANCA-WR to Bestow Vahe Karapetian with the Legacy Award at its 2014 Annual Gala Banquet

[3] AGBU_HighRes

[4] Հարցազրույց՝ Վահե Կարապետյանի հետ

[5] ՃԱՆԱՊԱՐՀՆԵՐԸ, ՈՐՈՆՔ ՏԱՆՈՒՄ ԵՆ ԴԵՊԻ ՏԱՃԱՐ(չաշխատող հղում)

[6] Տիգրան Ղանալանյան ՍՓՅՈՒՌՔԻ ՆԵՐՔԻՆ ՏԵՂԱՇԱՐԺԵՐԸ 1950-1980-ԱԿԱՆ ԹՎԱԿԱՆՆԵՐԻՆ

[7] Հայաստանը պետք է դառնա համահայկական միջուկ, «Դե Ֆակտո» N113 (2015թ.)

[8] Վահե եւ Վերոնիկա Կարապետյաններ, ԱՄՆ, 1 միլիոն դոլար

[9] ՎԱՀԵ ԿԱՐԱՊԵՏՅԱՆ ԿԵՆՏՐՈՆԻ ՊԱՇՏՈՆԱԿԱՆ ԲԱՑՈՒՄԸ ԵՐԵՎԱՆՈՒՄ

[10] Հայրենիք, Սփյուռք, Արցախ միասնաբար գործեցին. Վահե Կարապետյան

[11] Ամերիկահայ բարերար Վահե Կարապետյանին շնորհվել է Ոսկե մեդալ

[12] ՀՀ Նախագահը ներկա է գտնվել «ՀԲԸՄ Վահե Կարապետյան կենտրոն»-ի բացմանը

[1]

[2]

[3]

[4]

[5]

[6]

[7]

[8]

[9]

[10]

[11]

[12]

@@ Տող 12. / Տող 12. @@
 == Բարեգործություն==
 Վահե Կարապետյանը կատարել է բազմաթիվ բարեգործական աշխատանքներ։ [[1974]] թվականին, երբ արդեն կայացել էր որպես բիզնսմեն, մասնակցելն է [[Հոլիվուդ]]ում եկեղեցական, դպրոցաշինության աշխատանքներին։
-Նախաձեռնել է Սուրբ Կարապետ եկեղեցու կառուցումը Հոլիվուդում<ref>[http://www.armworld.am/detail.php?paperid=3559&pageid=110871&lang= ՃԱՆԱՊԱՐՀՆԵՐԸ, ՈՐՈՆՔ ՏԱՆՈՒՄ ԵՆ ԴԵՊԻ ՏԱՃԱՐ]</ref> և 850 աշակերտ ունեցող «Ռոզ և Ալեքս Փիլիպոս» վարժարանի քառահարկ շենքի կառուցումը<ref>[http://www.noravank.am/upload/pdf/Tigran_Ghanalanyan_the_book.pdf Տիգրան Ղանալանյան ՍՓՅՈՒՌՔԻ ՆԵՐՔԻՆ ՏԵՂԱՇԱՐԺԵՐԸ 1950-1980-ԱԿԱՆ ԹՎԱԿԱՆՆԵՐԻՆ]</ref>։
+Նախաձեռնել է Սուրբ Կարապետ եկեղեցու կառուցումը Հոլիվուդում<ref>[http://www.armworld.am/detail.php?paperid=3559&pageid=110871&lang= ՃԱՆԱՊԱՐՀՆԵՐԸ, ՈՐՈՆՔ ՏԱՆՈՒՄ ԵՆ ԴԵՊԻ ՏԱՃԱՐ]{{Չաշխատող արտաքին հղում|bot=InternetArchiveBot }}</ref> և 850 աշակերտ ունեցող «Ռոզ և Ալեքս Փիլիպոս» վարժարանի քառահարկ շենքի կառուցումը<ref>[http://www.noravank.am/upload/pdf/Tigran_Ghanalanyan_the_book.pdf Տիգրան Ղանալանյան ՍՓՅՈՒՌՔԻ ՆԵՐՔԻՆ ՏԵՂԱՇԱՐԺԵՐԸ 1950-1980-ԱԿԱՆ ԹՎԱԿԱՆՆԵՐԻՆ]</ref>։
 Ֆինանսավորել է «Արցախի ձայն» երաժշտական նախագծով խմբի ամերիկյան շրջագայության, մասնակցել է UCLA համալսարանի հայագիտական ամբիոնի ստեղծմանը, ֆինանսական աջակցություն է ցուցաբերել Լաչինի Սուրբ Նահատակաց եկեղեցու կառուցմանը։
 Հիմնել է ճանապարհաշինական կազմակերպություն և կառուցել Գորիս-Ստեփանակերտ ճանապարհը<ref>[http://www.df.am/news/2248/vahe_karapetian_113.html Հայաստանը պետք է դառնա համահայկական միջուկ, «Դե Ֆակտո» N113 (2015թ.)]</ref>։