Սերգեյ Բուռնազյան

Սերգեյ Ավդեյի Բուռնազյան
1918, մայիսի 28 - 1943, ապրիլի 15
Ծննդավայր	Նոր Նախիջևան
Մահվան վայր	Բորիսոգլեբսկ, Վորոնեժի մարզ
Գերեզման	Բորիսոգլեբսկ
Քաղաքացիություն	ԽՍՀՄ
Զորատեսակ	կործանիչ ավիացիա
Կոչում	ավագ լեյտենանտ
Պաշտոն	էսկադրիլիայի հրամանատար
Մարտեր/ պատերազմներ	Հայրենական մեծ պատերազմ
Կրթություն	Ալեքսանդր Պուշկինի անվան թիվ 8 դպրոց
Պարգևներ	և

Սերգեյ Ավդեյի Բուռնազյան (1918, մայիսի 28, Նոր Նախիջևան (այժմ՝ Դոնի Ռոստով քաղաքի շրջագծում) - 1943, ապրիլի 15, Բորիսոգլեբսկ, Վորոնեժի մարզ), հայ օդաչու, Խորհրդային Միության հերոս (հետմահու, 02.08.1944), ավագ լեյտենանտ։

Կենսագրություն

1931 թվականից բնակվել է Երևանում։

Ավարտել է Խերսոնի ավիաուսումնարանը։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների ժամանակ ծառայել է կործանիչ ավիացիայում (1942 թվականի հոկտեմբերից՝ էսկադրիլիայի հրամանատար)։

Մասնակցել է Բրյանսկի, Խարկովի շրջաններում մղված մարտերին, Ստալինգրադյան և Հարավային ռազմաճակատների գործողություններին։

Սերգեյ Բուռնազյանի հուշատախտակը Երևանի Կողբացու փողոցում

Կատարել է 244 մարտական թռիչք, ոչնչացրել թշնամու 24 ինքնաթիռ, որոնցից 10-ը միայն մեկ օրվա՝ 1942 թվականի սեպտեմբերի 8-ի ընթացքում։

Հիշատակ

Սերգեյ Բուռնազյանի անունով են կոչվել Հայաստանի ավիամարզական ակումբը, Երևանի փողոցներից մեկը։

Աղբյուրներ

• «Ով ով է. Հայեր», կենսագրական հանրագիտարան, հատոր 1, Երևան, 2005։