«Ռուբեն Հլղաթյան»–ի խմբագրումների տարբերություն
Նոր էջ «{{Անձ}} '''Ռուբեն Մուշեղի Հլղաթյան''' ({{ԱԾ}}), հայ մանկավարժ: Հայրենական մեծ պատերազմի մասնակից:...»: |
(Տարբերություն չկա)
|
18:33, 23 Հոկտեմբերի 2020-ի տարբերակ
| Ռուբեն Հլղաթյան | |
|---|---|
| Ծնվել է | 1915 |
| Ծննդավայր | Մուշի գավառ, Բիթլիսի վիլայեթ, Օսմանյան կայսրություն |
| Մահացել է | անհայտ |
| Մասնագիտություն | մանկավարժ |
| Պարգևներ և մրցանակներ |  և  |
Ռուբեն Մուշեղի Հլղաթյան (1915, Մուշի գավառ, Բիթլիսի վիլայեթ, Օսմանյան կայսրություն - անհայտ), հայ մանկավարժ: Հայրենական մեծ պատերազմի մասնակից:
Կենսագրություն
Ռուբեն Հլղաթյանը ծնվել է 1915 թվականին, Մշո գավառի Յոթնջուր գյուղում, չքավոր գյուղացու ընտանիքում: 1915 թվականին թուրքական կոտորածից փրկվելու համար նրա ծնողները Արևմտյան Հայաստանից գաղթել են Լենինական: 1936 թվականին ավարտելով Լենինականի մանկավարժական տեխնիկումը, ուսուցչական աշխատանքի է նշանակվել Ամասիայի շրջանում: Մինչև 1942 թվականը Ռուբեն Հլղաթյանն աշխատել է Գետաշեն, Բանդիվան գյուղերում, եղել է դպրոցի տնօրեն[1]:
1942 թվականին Ռուբենը զորակոչվել է կարմիր բանակ և ծառայությունն սկսել է 89-րդ հայկական հրաձգային դիվիզիայում, որի կազմում Կովկասյան նախալեռներից մարտերով հասել է Բեռլին: Սկզբում եղել է գնդացրորդ, իսկ 1943 թվականին ավարտել է քաղաշխատողների կարճատև դասընթացները, ստացել լեյտենանտի կոչում, նշանակվել է գնդացրային վաշտի հրամանատարի քաղաքական գծով տեղակալ, այնուհետև՝ հակատանկային դասակի հրամանատար: 1944 թվականի հունվար-փետրվար ամիսներին 89-րդ հայկական հրաձգային դիվիզիան համառ մարտեր է մղել Կերչ քաղաքի ուղղությամբ, Գարագոռնի բարձունքի գրավման համար: Ռուբենի դասակը մասնակցել է նաև Կերչ, Սևաստոպոլ քաղաքների ազատագրմանը: 1944 թվականի սեպտեմբերին հայկական դիվիզիան փոխադրվել է Լեհաստան, համալրվելուց հետո անցել Վիսլա գետը և շարունակել մարտերը: Լեհաստանի սահմանագլխին Ռուսկի բրուտ գյուղի շրջակայքում խիզախության համար Հլղաթյանը պարգևատրվել է Հայրենական պատերազմի 1-ին աստիճանի շքանշանով: Հետագայում Ռուբենի վաշտը մարտերով հասել է Էլբա գետը: Հլղաթյանը պարգևատրվել է Կարմիր աստղի երեք շքանշաններով և մի շարք այլ մեդալներով[1]:
1946 թվականին Հլղաթյանը զորացրվել է բանակից և աշխատանքի անցել ՀԿԿ Ախուրյանի շրջկոմում՝ որպես բաժնի վարիչ: Այնուհետև ավարտել է ՀԿԿ Կենտկոմին առընթեր կուսակցական դպրոցը և աշխատել տարբեր բնագավառներում, պատմություն է դասավանդել դպրոցում[1]:
1976 թվականին Հլղաթյանը անցել է կենսաթոշակի և ղեկավարել է Հայրենական պատերազմի վետերանների Ախուրյանի շրջանային խորհուրդը[1]:
Պարգևներ
- Կարմիր աստղի շքանշան (եռակի)
- Հայրենական պատերազմի 1-ին աստիճանի շքանշան