«Ջրային կուլտուրաներ»–ի խմբագրումների տարբերություն
Նոր էջ «մինի|256px|Բացօթյա [[ձկնաբուծարան Խորվաթիայում]] '''Ակվակուլտ...»: |
չ Narek75 տեղափոխեց էջը «Ակվակուլտուրա»-ից «Ջրատնտեսություն» |
(Տարբերություն չկա)
|
23:04, 2 Դեկտեմբերի 2015-ի տարբերակ
Ակվակուլտուրա, ջրային կուլտուրա, վերահսկվող պայմաններում[1] ջրային օրգանիզմների (ձկներ, խեցգետնանմաններ, փափկամարմիններ, ջրային բույսեր) բուծման պրակտիկաների ամբողջություն[2][3]։ Ներառում է քաղցրաջրային և աղաջրային պոպուլյացիաների աճեցումը՝ հակադրվելով կոմերցիոն ձկնորսությանը, որն իրենից ներկայացնում է միայն վայրի պայմաններում ձկների զանգվածային որսը։ Պարզունակ ձկնորսության նկատմամբ ունի այն նույն արդիականացնող նշանակությունը, ինչը ժամանակին ունեցել է գյուղատնտեսությունը՝ պարզունակ որսորդության ու հավաքչության համար։
Հանդիսանում է մեծ տեմպերով աճող արդյունաբերություն՝ ահռելի դերակատարում ունենալով ձկնամթերքների հանդեպ առկա համաշխարհային մեծ պահանջարկի բավարարման հարցում[1]։ Արդյունաբերության վերելքը պայմանավորված է անվտանգ և մատչելի սննդի հանդեպ հանրային պահանջի աճով, ինչպես նաև կոմերցիոն ձկնորսության ոլորտում առկա գերորսի և ջրերի աղտոտվածության պատճառով[1]։
Ակվակուլտուրայի ենթատեսակներից են համարվում ձկնաբուծությունը, խեցգետնաբուծությունը, ոստրեբուծությունը, ջրիմուռաբուծությունը,ծովաբուծությունը (մարիկուլտուրա) և դեկորատիվ ձկնապահությունը։ Հիբրիդային եղանակներից է ակվապոնիկան (բույսերի աճեցումն առանց հողի), որի դեպքում համադրվում են ակվակուլտուրան և հիդրոպոնիկան՝ ջրային միջավայրում բույսերի աճեցման համար որպես օրգանական պարարտանյութ օգտագործելով ձկների արտաթորանքը[4]։
Ծանոթագրություններ
- ↑ 1,0 1,1 1,2 «Ձկնաբուծությունը ռեցիրկուլյացիոն ակվակուլտուրային համակարգերում (ՌԱՀ)»(անգլ.)
- ↑ Ակվակուլտուրայի ազդեցությունը շրջակա միջավայրի վրա(անգլ.)
- ↑ Aquaculture's growth continuing: improved management techniques can reduce environmental effects of the practice.(UPDATE)." Resource: Engineering & Technology for a Sustainable World 16.5 (2009): 20-22. Gale Expanded Academic ASAP. Web. 1 October 2009.(անգլ.)
- ↑ «Ակվապոնիկա՝ գյուղատնտեսական նոու-հաու.«Բիզնեսի անատոմիա»». «Lratvakan.am». հուլիսի 24, 2015.
Արտաքին հղումներ
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ակվակուլտուրա կատեգորիայում։ |
- Էջը DMOZ ցանցում(անգլ.)