Սերգեյ Ալեքսեև (գրող)

Սերգեյ Ալեքսեև
Ծնվել է	ապրիլի 1, 1922
Ծննդավայր	Պլիսկով (գյուղ, Պոգրեբիշչեի շրջան), Lipovets County, Կիևի նահանգ, Ուկրաինական ԽՍՀ
Վախճանվել է	մայիսի 16, 2008 (86 տարեկան)
Վախճանի վայր	Մոսկվա, Ռուսաստան
Գերեզման	Պերեդելկինոյի գերեզմանատուն
Մասնագիտություն	մանկագիր
Լեզու	ռուսերեն
Քաղաքացիություն	ԽՍՀՄ և Ռուսաստան
Ժանրեր	վիպակ
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Պարգևներ	; և
	Սերգեյ Ալեքսեև Վիքիդարանում

Սերգեյ Ալեքսեև (ռուս.՝ Алексеев, Сергей Петрович, ապրիլի 1, 1922(1922-04-01)^[1], Պլիսկով (գյուղ, Պոգրեբիշչեի շրջան), Lipovets County, Կիևի նահանգ, Ուկրաինական ԽՍՀ - մայիսի 16, 2008(2008-05-16)^[1], Մոսկվա, Ռուսաստան), խորհրդային և ռուս գրող, ԽՍՀՄ Պետական մրցանակի դափնեկիր (1984 թվական)։

Կենսագրություն

Ծնվել է 1922 թվականի ապրիլի 1-ին, Կիևի նահանգի (այժմ` Վիննիցայի մարզի Պոգրեբիշչեի շրջան) Պլիսկով գյուղում, գյուղական բժշկի ընտանիքում։ 10 տարեկան հասակից ապրել է Մոսկվայում։ Դպրոցից հետո, 1940 թվականին ընդունվել է Պոստավա քաղաքի ավիացիոն ուսումնարան (Արևմտյան Բելառուսում)։ Պատերազմի սկսվելու ժամանակ նա եղել է դաշտային ճամբարում, սահմանի մոտ, բայց կուրսանտ Ալեքսեևը գործուղվել է Օրենբուրգի օդաչուական ուսումնարան։

Առանց ռազմական ուսումնարանում ուսումից կտրվելու ընդունվել է Օրենբուրգի մանկավարժական համալսարանի պատմական ֆակուլտետ, 1 տարի և 5 ամսվա ընթացքում անցել է ամբողջ կուրսը և 1944 թվականին դիպլոմ է ստացել։ Ուսումնարանն ավարտելուց հետո մնացել է այնտեղ որպես հրահանգիչ և մինչև պատերազմի ավարտը զբաղվել է կուրսանտների պատրաստմամբ։ 1945 թվականից եղել է Խորհրդային Միության կոմունիստական կուսակցութան անդամ։ 1945 թվականի վերջին զորացրվել է վնասվածքի պատճառով, որն ստացել էր ուսումնական թռիչքի ժամանակ։ Եղել է «Մանկական գրականություն» հրատարակչության խմբագիրը, 1950 թվականից` պատասխանատու քարտուղար, ավելի ուշ` ԽՍՀՄ գրողների միության մանկական գրականության հանձնաժողովի նախագահ։ 1958 թվականին դարձել է գրողների միության անդամ^[2]։ Մանկական գրականության զարգացման հարցերի վերաբերյալ հոդվածների հեղինակ է։ 1965-1996 թվականներին եղել է «Մանկական գրականություն» ամսագրի գլխավոր խմբագիրը։

Սերգեյ Ալեքսեևի առաջին` «ԽՍՀՄ-ի պատմությունը։ Դասագիրք 4-րդ դասարանի աշակերտների համար» (Վլադիմիր Կարցովի հետ համահեղինակությամբ) գիրքը լույս է տեսել 1955 թվականին։ Ալեքսեևը նաև երեխաների համար նախատեսված «Հարյուր հեքիաթ պատերազմի մասին» գրքի հեղինակն է^[3]։ 40 տարում գրել է ավելի գան 30 գիրք` նվիրված Ռուսաստանի պատմությանը (16-րդ դարի կեսերից մինչև 20-րդ դարի կեսերը), որոնք հրատարակվել են 50 լեզուներով։

Մահացել է 2008 թվականի մայիսի 16-ին, Մոսկվայում^[4]^[5]^[6]^[7]։ Թաղված է Պերեդելկինո գերեզմանոցում։

Պարգևներ և մրցանակներ

Արժանացել է ԽՍՀՄ Պետական մրցանակի (1984 թվական)՝ «Բոգատիրյան ազգանուններ» գրքի համար (1978)
Արժանացել է ՌԽՍԴՀ Ն. Կրուպսկայայի անվան պետական մրցանակին (1970)` «Հարյուր պատմվածք ռուսական պատմությունից» գրքի համար (1966)
Արժանացել է Համամիութենական Լենինյան Կոմերիտմիության մրցանակի (1979)` «Ընթանում է ժողովրդական պատերազմը», «Բոգատիրյան ազգանուններ», «Հոկտեմբերը քայլում է աշխարհով» մանկական գրքերի համար
Արժանացել է Հանս Քրիստիան Անդերսենի միջազգային դիպլոմի
Արժանացել է Մանկական գրքի միջազգային խորհրդի (IBBY) պատվավոր դիպլոմին` «Հարյուր պատմվածք ռուսական պատմությունից» գրքի համար (1978)
ՌԽՍԴՀ մշակույթի վաստակավոր գործիչ^[4]։

Մատենագրություն

Собрание сочинений в трёх томах. — М.: Детская литература, 1982-1984:

Ծանոթագրություններ

↑ ^1,0 ^1,1 ^1,2 ^1,3 ^1,4 ПроДетЛит (ռուս.) — 2019.
↑ Новые члены Союза // Московский литератор, 6 декабря 1958 г.
↑ Карасёв А. Критик — это как в армии замполит Արխիվացված 2013-08-16 Wayback Machine // АПН-Нижний Новгород. — 28.06.2007.
↑ ^4,0 ^4,1 Утраты // Литературная газета — 21.05.2008.
↑ заглавие=Алексеев Сергей Петрович|автор=Чёрная Г. А.|страницы=23—26
↑ Коваленко С. А. Сергей Алексеев: [Для старшего школьного возраста]. — М.: Советская Россия, 1985. — 143 с.
↑ Миримский С. Алексеев Сергей // Кукумбер.

Արտաքին հղումներ

Վիքիդարանն ունի նյութեր, որոնք վերաբերում են «Սերգեյ Ալեքսեև (գրող)» հոդվածին։

[_742828be05c06af2-1] 1,0 ^1,1 ^1,2 ^1,3 ^1,4 ПроДетЛит (ռուս.) — 2019.

[2] Новые члены Союза // Московский литератор, 6 декабря 1958 г.

[3] Карасёв А. Критик — это как в армии замполит Արխիվացված 2013-08-16 Wayback Machine // АПН-Нижний Новгород. — 28.06.2007.

[ЛГ-4] 4,0 ^4,1 Утраты // Литературная газета — 21.05.2008.

[5] заглавие=Алексеев Сергей Петрович|автор=Чёрная Г. А.|страницы=23—26

[6] Коваленко С. А. Сергей Алексеев: [Для старшего школьного возраста]. — М.: Советская Россия, 1985. — 143 с.

[М-7] Миримский С. Алексеев Сергей // Кукумбер.

[1]

[2]

[3]

[4]

[5]

[6]

[7]