Սա ի՞նչ թռչուն է
 ռուս.՝ Это что за птица? | |
|---|---|
 | |
| Տեսակ | մուլտֆիլմ |
| Ռեժիսոր | Եվգենի Միգունով |
| Հնչյունավորում | Գեորգի Վիցին, Գրիգորի Շպիգել, Ելենա Պոնսովա, Միխայիլ Պոգորժելսկի և Լեոնիդ Պիրոգով |
| Երաժշտություն | Նիկիտա Բոգոսլովսկի |
| Օպերատոր | Նիկոլայ Վոինով |
| Երկիր | .svg){kind=small} ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Թվական | 1955 |
«Սա ի՞նչ թռչուն է» (ռուս.՝ «Это что за птица?»), խորհրդային կարճամետրաժ երգիծական մուլտիպլիկացիոն ֆիլմ սնափառության մասին։ Նկարահանվել է 1955 թվականին ռեժիսոր Եվգենի Միգունովի կողմից «Սոյուզմուլտֆիլմ» ստուդիայում[1][2]։
Սյուժե[խմբագրել | խմբագրել կոդը]
Նախանձոտ Սագն այլ թռչունների հետ փոխանակում է այն ամենը, ինչ իրեն դուր է գալիս. նա վերցնում է Կարապի վիզը, Ձկնկուլի կտուցը, Ագռավի թևերը, Կռունկի ոտքերը, Սիրամարգի պոչը, ինչպես նաև Աքաղաղի կատարն ու «ծուղրուղուն»։ Սագը դառնում է բոլորից տարբեր, սակայն բոլորը ծիծաղում են նրա վրա։
Խորհրդով օգնում է Ագռավը՝ առաջարկելով Սագի հիմարությունը փոխել Բվի իմաստության հետ։ Բվից էլ Սագն իմանում է, որ «Իմաստուն թռչունին պատշաճ չէ ուրիշի փետուրներով պարծենալը»։ Գիտակցելով իր սխալը՝ Սագը ամեն ինչ վերադարձնում է։
Մուլտֆիլմն ավարտվում է բարոյախրատական հարցով՝ «Դուք կյանքում հադիպե՞լ եք նման թռչունի», ինչը 1955 թվականի իրականության մեջ նկատի ուներ «ստիլյագաներին»։
Տարբերություններ գրքից[խմբագրել | խմբագրել կոդը]
Մուլտֆիլմում Սագը նախ հանդիպում է ագռավին, հետո կռունկին, իսկ գրքում հակառակն է։
Մուլտֆիլմում Սագն իր սխալը հասկանում է Բուի շնորհիվ, գրքում՝ դա նրան ստիպում է աղվեսի հետ հանդիպումը։
Ստեղծողներ[խմբագրել | խմբագրել կոդը]
| Ռեժիսոր | Եվգենի Միգունով |
| Կոմպոզիտոր | Մ. Վայնբերգ |
| Բեմադրող նկարիչներ | Եվգենի Միգունով, Բորիս Կորնեև |
| Օպերատոր | Նիկոլայ Վոինով |
| Հնչյունային օպերատոր | Նիկոլայ Պրիլուցկի |
| Ռեժիսորի օգնական | Ա. Կովալևսկայա |
| Մոնտաժողի օգնական | Նինա Մայորովա |
| Նկարիչ-մուլտիպլիկատորներ | Ֆեոդոր Խիտրուկ, Վյաչեսլավ Կոտյոնոչկին, Վլադիմիր Պեկար, Դմիտրի Բելով, Բորիս Բուտակով, Իգոր Պոդգորսկի, Լիդիա Ռեզցովա |
| Նկարիչ-դեկորատորներ | Լանա Ազարխ, Իրինա Սվետլիցա |
| Երգի տեքստի հեղինակ | Եվգենի Միգունով |
| Դերերը հնչյունավորել են | Գեորգի Վիցին - սագ (տիտրերում նշված չէ) |
Վերաթողարկում[խմբագրել | խմբագրել կոդը]
Մուլտֆիլմը բազմիցս վերաթողարկվել է VHS-ով և DVD-ով մուլտֆիլմերի հավաքածուներում.
- «Լավագույն խորհրդային մուլտֆիլմեր», Studio PRO Video, 1990-ական թվականներ,
- «Հեքիաթներ երեխաների համար։ Վ. Սուտեև» (Վ. Սուտեևի հեքիաթների հիման վրա նկարահանված մուլտֆիլմերի հավաքածու), «Սոյուզմուլտֆիլմ», DVD, տարածող՝ «Союз»,
- «Թռչնակներ» (ռուս.՝ «Птички»), «Սոյուզմուլտֆիլմ», DVD, տեղայնացնող՝ «Союз», սկավառակում ընդգրկված մուլտֆիլմեր՝ «Պինգվիններ» (ռուս.՝ «Пингвины», 1968), «Երեք պինգվին» (ռուս.՝ «Три пингвина», 1961), «Խածկտիկ» (ռուս.՝ «Снегирь», 1983), «Սա ի՞նչ թռչուն է» (ռուս.՝ «Это что за птица?», 1955), «Բազեի երգը» (ռուս.՝ «Песня о соколе», 1967), «Շվիկի ու թռչնակի մասին» (ռուս.՝ «Про дудочку и птичку», 1977), «Կամ թռչուն է, կամ էլ գազան» (ռուս.՝ «То ли птица, то ли зверь», 1984), «Սիրահարկոտ ագռավը» (ռուս.՝ «Влюбчивая ворона», 1988), «Աքաղաղն ու ներկերը» (ռուս.՝ «Петух и краски», 1964)։
Ծանոթագրություններ[խմբագրել | խմբագրել կոդը]
- ↑ «Սա ի՞նչ թռչուն է»(անգլ.) ֆիլմը Internet Movie Database կայքում
- ↑ «Սա ի՞նչ թռչուն է» մուլտֆիլմը «Անիմատոր.ռու» կայքում
Գրականություն[խմբագրել | խմբագրել կոդը]
- Сутеев В. Сказки-мультфильмы В. Сутеева. — АСТ, 2011. — 160 с. — (Сказки-мультфильмы). — ISBN 978-5-17-073721-5, 978-5-17-073720-8
- «Это что за птица?» Цветные иллюстрации Владимира Сутеева, 116 c.
|
