Ռուսեթ Հովհաննիսյան

Ռուսեթ Հովհաննիսյան
Ծնվել է	օգոստոսի 15, 1907; Արտամետ, Վանի վիլայեթ, Օսմանյան կայսրություն
Մահացել է	փետրվարի 24, 1971 (63 տարեկան); Երևան, Հայկական ԽՍՀ, ԽՍՀՄ
Գերեզման	Թոխմախի գերեզմանատուն
Քաղաքացիություն	Օսմանյան կայսրություն և ԽՍՀՄ
Ազգություն	հայ
Մասնագիտություն	գրականագետ և համալսարանի դասախոս
Հաստատություն(ներ)	Երևանի պետական համալսարան և ՀԿԿ
Անդամակցություն	ԽՍՀՄ Գրողների միություն
Ալմա մատեր	ԵՊՀ պատմության ֆակուլտետ (1930) և Լենինգրադի պատմության, փիլիսոփայության, գրականության և լեզվի ինստիտուտ
Կոչում	պրոֆեսոր
Գիտական աստիճան	բանասիրական գիտությունների դոկտոր (1948)
Տիրապետում է լեզուներին	հայերեն և ռուսերեն
Պարգևներ	; և
Կուսակցություն	ԽՄԿԿ

Ռուսեթ Հովհաննեսի Հովհաննիսյան (օգոստոսի 15, 1907(1907-08-15)^[1], Արտամետ, Վանի վիլայեթ, Օսմանյան կայսրություն^[1] - փետրվարի 24, 1971(1971-02-24)^[1], Երևան, Հայկական ԽՍՀ, ԽՍՀՄ^[1]), հայ գրականագետ, բանասիրական գիտությունների դոկտոր, պրոֆեսոր (1848), ՀԽՍՀ գիտության վաստակավոր գործիչ (1965), ԽՍՀՄ գրողների միության անդամ 1949 թվականից։

Կենսագրություն

Ծնվել է Արևմտյան Հայաստանի Վանի նահանգի Արտամետ գյուղում։ Մանկուց զրկվել է ծնողներից։ 1918-1925 թվականներին եղել է Երևանի մանկատներում։ 1926 թվականին ավարտել է Երևանի Ալ. Մյասնիկյանի անվան երկրորդ աստիճանի դպրոցը, 1930 թվականին՝ Երևանի պետական համալսարանի պատմագրական ֆակուլտետը։ Այնուհետև սովորել է ասպիրանտուրայում (Լենինգրադ)։ 1936-1971 թվականներին, առանց ընդմիջման, ռուս գրականություն է դասավանդել Երևանի համալսարանում։ Միաժամանակ 1948-1949 թվականներին բաժնի վարիչ էր ՀԿԿ Կենտկոմում։ 1949-1951 թվականներին եղել է համալսարանի պրոռեկտորը, 1941 թվականից՝ ռուս գրականության ամբիոնի վարիչը։

1940 թվականին «Բելինսկին որպես Գոգոլի քննադատ» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան 1947 թվականին «Ռուս գրականությունը հայ հասարակական մտքի գնահատմամբ» թեմայով դիսերտացիա է պաշտպանել և ստացել բանասիրական գիտությունների դոկտորի աստիճան։

Ռուսերեն լույս է տեսել նրա «Ռուս գրականությունը հայ հասարակական մտքի գնահատմամբ» գիրքը (Երևան, 1952)։

Պարգևատրվել է «Պատվո նշան» շքանշանով։ ԽՄԿԿ անդամ 1941 թվականից։

Մահացել է Երևանում^[2]։

Ռ. Հովհաննիսյանի երկերի մատենագրություն

Նյութեր ռուսաց գրականությունն ուսումնասիրողների համար, պրակ Ա, Երևանի մանկավարժական ինստիտուտի հրատարակչություն, 1939, 62 էջ։
Նյութեր ռուսաց գրականությունն ուսումնասիրողների համար, պրակ Բ, Երևան, Երևանի մանկավարժական ինստիտուտի հրատարակչություն, 1939, 62 էջ։
Լերմոնտովի կյանքը և գրական ստեղծագործությունը, Երևան, Պետհրատ, 1941, 192 էջ։
Բելինսկին որպես Գոգոյի քննադատ, Երևան, 1941, 120 էջ։
Հայրենիքը և ռուս գրականությունը, Երևան, Հայպետհրատ, 1942, 165 էջ։
Վ. Գ. Բելինսկու կյանքն ու քննադատական գործունեությունը, Երևան, Հայպետհրատ, 1948, 106 էջ։
Ռուս մեծ բանաստեղծ Ա. Ս. Պուշկինը, Երևան, ՀԽՍՀ ԳԱ, 1949, 44 էջ։
Ռուս գրականությունը հայ հասարակական մտքի գնահատմամբ, Երևան, Երևանի պետական համալսարանի հրատարակչություն, 1949, 406 էջ։
Ա. Պ. Չեխով (կենսագրական ակնարկ), Երևան, Հայպետհրատ, 1954, 47 էջ։
Գորկին որպես պրոլետարական գրականության հիմնադիր, Երևան, «Գիտելիք», 1956, 40 էջ։
Ռուս գրականության ուրվագծեր, Երևան, Հայպետհրատ, 1960, 497 էջ։
Լև Տոլստոյը և հայ գրական կյանքը, Երևան, Հայպետհրատ, 1964, 139 էջ։
Ի. Ա. Գոնչարով, Երևան, Երևանի պետական համալսարանի հրատարակչություն, 1964, 45 էջ։
Գրականությունը և երիտասարդության կոմունիստական դաստիարակությունը, Երևան, «Գիտելիք», 1965, 23 էջ։

Աղբյուրներ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 314-315.

Արտաքին հղումներ

Ռուսեթ Հովհաննիսյանին նվիրված Արմեն Մերուժանյանի «Ազնիվ դասախոսն ու գրականագետը» հոդվածը «Ազգ» օրաթերթի 2007-ի սեպտեմբերի 12-ի համարում(չաշխատող հղում)

Վիքիդարանն ունի նյութեր, որոնք վերաբերում են «Ռուսեթ Հովհաննիսյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 573)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[2] Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 314-315.

[1]

[2]