Ռեուվեն Ռուբին

Ռեուվեն Ռուբին
Ի ծնե	ռումիներեն՝ Rubin Zelicovici
Ծնվել է	նոյեմբերի 13, 1893[…]
Ծննդավայր	Գալաց, Ռումինիա
Վախճանվել է	հոկտեմբերի 13, 1974 (80 տարեկան)
Մահվան վայր	Թել Ավիվ, Իսրայել
Քաղաքացիություն	Ռումինիա և Իսրայել
Կրթություն	Բեցալելի անվան արվեստի և դիզայնի ակադեմիա (1912) և Փարիզի Գեղեցիկ արվեստների ազգային բարձրագույն դպրոց
Մասնագիտություն	դիվանագետ և նկարիչ
Թեմաներ	գեղանկարչություն
Պարգևներ	և Դիզենգոֆի մրցանակ
	Reuven Rubin Վիքիպահեստում

Ռեուվեն Ռուբինը (ի ծնե Ռուբին Զելկիովիչ^[5], եբրայերեն՝ ראובן רובין‎ նոյեմբերի 13, 1893(1893-11-13)^[1]^[2]^[3]^[…], Գալաց, Ռումինիա - հոկտեմբերի 13, 1974(1974-10-13)^[2]^[4], Թել Ավիվ, Իսրայել), իսրայելցի նկարիչ-մոդեռնիստ, իսրայելական գեղանկարչության հիմնադիրներից մեկն է։

Կենսագրություն և ստեղծագործություն

Ծնվել է 1893 թվականին Գալացում, Ռումինիա, մեծացել է Ֆելտիչենիում։ Ծնողներն են Իոել և Ֆեյգա Զելիկովիչները։ Նկարել սկսել է դեռևս դպրոցում։ 1912 թվականին ուղևորվել է Պաղեստին, որը դեռևս մտնում էր Օսմանյան կայսրության կազմի մեջ և այնուհետև որոշում է ընդունում գաղթել այնտեղ։ 1912 թվականին սովորել է Երուսաղեմի Բեցալելյան դպրոցում, Պաղեստինի առաջատար գեղարվեստական հաստատությունում, որտեղ հավաքված էին այն ժամանակվա առաջատար նկարիչները։ Սակայն անձամբ Ռուբինը որոշում է, որ իրեն հարկավոր է առավել հիմնավոր գեղարվեստական կրթություն և մեկնում է Փարիզ^[6]։

Փարիզում 1913-1914 թվականներին սովորել է Կոլարոսի ակադեմիայում և գեղարվեստի դպրոցում։ 1914 թվականին սկսվել է Առային համաշխարհային պատերազմը, և վերադարձը Պաղեստին անհնարին էր։ 1915 թվականին այցելելով Իտալիա՝ նկարիչը ուղևորվեց Ռումինիա, որտեղ աշխատել է 1916-1920 թվականներին։ Այնուհետև Ռուբիմնը ճանապարհորդել է ԱՄՆ, որտեղ անցկացվել է նրա առաջին խոշոր անհատական ցուցահանդեսը։ 1922 թվականից հաստատվել է Թել Ավիվում, թեև մինջև կյանքի վերջը շատ էր ճանապարհորդել։

Բավական արագ Ռուբինը ճանաչվել է Պաղեստինի առաջատար նկարիչներից մեկը։ 1920-ական թվականներից Ռուբինը մշակել է սեփական ոճը՝ մոտ մոդեռնիզմին, բայց հիմնված պաղեստինական թեմատիկայի վրա։ Այս շրջանի նկարները տարբերվում էին վառ գույներով և հստակ կոմպոզիցիայով։ 1922 թվականին նա ստեղծել է իր հայտնի աշխատանքներից մեկը՝ «Առաջին պտուղները» տրիպտիխը։ 1924 թվականին անցկացվել են նրա առաջին անհատական ցուցահանդեսները Երուսաղեմում և Գալացում, 1926 թվականի՝ անհատական ցուցահանդես Բերնհեյմի պատկերասրահում Փարիզում։ Հետագայում նրա անհատական ցուցահանդեսները անցկացվել են գրեթե ամենամյա։ Այսպես 1933-1934 թվականներին նրա անհատական ցուցահանդեսը դարձել է առաջինը Թել Ավիվում բացված կերպարվեստի թանգարանում։

1929 թվականին Թել Ավիվում Ռուբինն ամուսնանում է Էսթեր Դևիսի հետ։ 1945 թվականին Նյու Յորքում ծնվում է նրանց որդի Դավիդը, 1952 թվականին, նույնպես Նյու Յորքում, նրանց դուստր Արիելան։

1948 թվականին Ռեուվեն Ռուբինը նշանակվում է Իսրայելի առաջին դեսպանը Ռումինիայում^[7] և զբաղեցրել է այդ պաշտոնը մինչև 1950 թվականը, որից հետո վերադարձել է Թել Ավիվ։

1940-1950-ական թվականներին նրա գեղարվեաստական ոճը ամբողջությամբ փոխվում է։ Ռուբինը ամբողջովին հեռանում է ֆիգուրատիվ գեղանկարչությունից և սկսում է նկարել սիմվոլիզմիյն մոտ ոճով։ 1966-1967 թվականներին անցկացվում են նրա խոշորագույն ռետրոսպեկտիվցուցահանդեսները Իսրայելի երկու խոշոր թանգարաններում՝ Թել Ավիվում և Երուսաղեմում։ 1969 թվականին նա վիտրաժներ է պատրաստել Իսրայելի նախագահի նստավայրի ընդունելությունների սրահի համար։ 1973 թվականին Ռեուվեն Ռուբինն արժանացել է Իսրայելի պետական մրցանակի արվեստի ոլորտում ձեռքբերումների համար։

Նկարիչը մահացել է 1974 թվականի հոկտեմբերի 13-ին և թաղվել է Թել Ավիվի հին գերեզմանատանը։

Հիշատակի հավերժացում

Թել-Ավիվում՝ Ռուբինի տանը (Հայիմ Նախման Բյալիկի անվան փողոց, 14), բացվել է նրա տուն թանգարանը։

Ծանոթագրություններ

↑ ^1,0 ^1,1 Benezit Dictionary of Artists — OUP, 2006. — ISBN 978-0-19-977378-7
↑ ^2,0 ^2,1 ^2,2 ^2,3 ^2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,0 ^3,1 Rubin, Reuven // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — doi:10.1093/GAO/9781884446054.ARTICLE.T074358
↑ ^4,0 ^4,1 ^4,2 Կերպարվեստի արխիվ — 2003.
↑ Falticeni
↑ «Reuven Rubin». Արխիվացված է օրիգինալից 2019 թ․ ապրիլի 15-ին. Վերցված է 2016 թ․ փետրվարի 3-ին.
↑ Rosenfeld, Jeannie (2008 թ․ ապրիլի 14). «Demand for Reuven Rubin is rising. So are the prices». Haaretz. Վերցված է 2008 թ․ մայիսի 31-ին.

Մատենագրություն

Dalia Manor, "The Dancing Jew and Other Characters: Art in the Jewish Settlement of Palestine during the 1920s", Journal of Modern Jewish Studies, 1(1), 2002, pp. 73–89.
Dalia Manor, "Imagined Homeland: Landscape Painting in Palestine in the 1920s", Nations and Nationalism Արխիվացված 2011-06-07 Wayback Machine, 9 (4), 2003, pp. 533–554.
Dalia Manor, 'Art in Zion: The Genesis of Modern National Art in Jewish Palestine, London & New York, Routledge, 2005, esp. chapters 6, 7.
Claus Stephani: Das Bild des Juden in der modernen Malerei. Eine Einführung. / Imaginea evreului în pictura modernă. Studiu introductiv. (Zweisprachige Ausgabe, deutsch-rumänisch. Ediţie bilingvă, româno-germană.) Editura Hasefer: Bucharest, 2005. ISBN 973-630-091-9

Արտաքին հղումներ

Ռեուվեն Ռուբինը՝ հոդվածը Հրեական էլեկտրոնային հանրագիտարանում (ռուս.)
Jewish Virtual Library
Կենսագրություն Ռուբինի թանգարանի կայքում Արխիվացված 2012-01-11 Wayback Machine (անգլ.)

Վիքիպահեստն ունի նյութեր, որոնք վերաբերում են «Ռեուվեն Ռուբին» հոդվածին։

[_dc34d6f4691b0e5d-1] 1,0 ^1,1 Benezit Dictionary of Artists — OUP, 2006. — ISBN 978-0-19-977378-7

[_411287ec83c23591-2] 2,0 ^2,1 ^2,2 ^2,3 ^2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_3cacf261b6212968-3] 3,0 ^3,1 Rubin, Reuven // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — doi:10.1093/GAO/9781884446054.ARTICLE.T074358

[_d8c185d665ed2474-4] 4,0 ^4,1 ^4,2 Կերպարվեստի արխիվ — 2003.

[5] Falticeni

[6] «Reuven Rubin». Արխիվացված է օրիգինալից 2019 թ․ ապրիլի 15-ին. Վերցված է 2016 թ․ փետրվարի 3-ին.

[Haaretz-7] Rosenfeld, Jeannie (2008 թ․ ապրիլի 14). «Demand for Reuven Rubin is rising. So are the prices». Haaretz. Վերցված է 2008 թ․ մայիսի 31-ին.

[1]

[2]

[3]

[4]

[5]

[6]

[7]