Պաուլ Լանդերս
| Պաուլ Լանդերս | |
|---|---|
 | |
| Հիմնական տվյալներ | |
| Բնօրինակ անուն | գերմ.՝ Heiko Paul Hirsche |
| Ի ծնե անուն | գերմ.՝ Heiko Paul Hiersche |
| Ծնվել է | դեկտեմբերի 9, 1963 (60 տարեկան), Բեռլին,  ԳերմանիաՏրեպտով Քյոպենիկ, Արևելյան Գերմանիա |
| Երկիր | Գերմանիա և  Արևելյան Գերմանիա |
| Ժանրեր | Neue Deutsche Härte, ինդաստրիալ-մետալ, ալտերնատիվ մետալ |
| Մասնագիտություն | կիթառահար, երաժիշտ, կոմպոզիտոր և երգիչ |
| Գործիքներ | կիթառ |
| Գործունեություն | 1983–ներկա |
| Լեյբլ | Motor Music, Universal |
| Անդամակցություն | Ռամշթայն, Feeling B? և First Arsch? |
| Կապված | Rammstein, Feeling B, First Arsch, Die Firma |
| Կայք | rammstein.de |
 Paul H. Landers Վիքիպահեստում | |
Պաուլ Լանդերս (գերմ.՝ Paul Landers, ի ծնե անվանումը՝ Հայկո Պաուլ Հիրշե (գերմ.՝ Heiko Paul Hirsche, դեկտեմբերի 9, 1964[1], Տրեպտով Քյոպենիկ, Արևելյան Գերմանիա), գերմանական հանրաճանաչ Rammstein NDH-խմբի ռիթմ-կիթառահարն է։
Կենսագրություն
[խմբագրել | խմբագրել կոդը]Մանկություն
[խմբագրել | խմբագրել կոդը]Պաուլի մանկությունը անցել է Բեռլինի Բաումշուլենվեգ թաղամասում, որը հայտնի էր միայն այնտեղ գտնվող դիահերձարանով։ Դպրոցում թերի էր սովորում և հաճախակի էր հիվանդանում։ Մեկ տարի ապրել է Մոսկվայում, ուր ԳԴՀ դեսպանությանը կից դպրոցում ռուսաց լեզուն է սովորել, որին մինչ այժմ էլ տիրապետում է[2]։
Պաուլը ունի քույր, որն երեք տարով մեծ է, և դպրոցական տարիներին դաշնամուր նվագել է սովորել։ Պաուլը նույնպես փորձում էր դաշնամուր նվագել սովորել, սակայն նրա երաժշտության ուսուցչուհին դժգոհ էր տղայի վատ պահվածքից։ Հետո, ծնողների դրդմամբ, կարճ ժամանակ կլառնետի դասընթացների է հաճախել։
16 տարեկան հասակում խորթ հոր հետ հաճախակի վեճերի պատճառով լքում է հայրական տունը։
Անձնական կյանքը
[խմբագրել | խմբագրել կոդը]1980-ականների սկզբին Հիդենզե քաղաքում Լանդերսը հանդիպում է իր ապագա կնոջը՝ Նիկկի Լանդերսին (ծնված Լայպցիգում)։ Նրանք ամուսնացան 1984 թվականին և այդ ժամանակ Պաուլը իրեն վերցրեց կնոջ ազգանունը։ Դա երկար չտևեց, և շուտով նրանք ամուսնալուծվեցին։
Նրա և Իվոննա Ռայնքե համատեղ որդի Էմիլը ծնվել է 1990 թվականին։ Պաուլի երկրորդ երեխան՝ Լիլին ծնվել է 2001 թվականին՝ Ռամշթայն խմբի դիմահարդար Արիելլա Թրոսսից։ Այժմ Պաուլը բնակվում է Բեռլինում իր երկու երեխաների հետ միասին։
Երաժշտական կարիերան
[խմբագրել | խմբագրել կոդը]1983 թ. Լանդերսը՝ Ֆլակեի և Ալյոշա Ռոմպեի հետ համատեղ հիմնում է «Feeling B» փանկ-ռոկ խումբը։ 1986 թվականին մասնակցում է «First Arsch» խմբի ստեղծմանը՝ Թիլլ Լինդեմանի և Ռիխարդ Քրուսպեի հետ համատեղ։ Պաուլը նաև նվագում էր «Die Firma»-ն ու «Die Magdalene Keibel Combo» խմբերում։
1994 թվականին Լինդեմանը, Քրուսպեն ու բաս-կիթառահար Օլիվեր Ռիդելը մասնակցում և հաղթում են «Berlin Senate Metro Beat Contest» մրցույթում, որը իրենց հնարավորություն տվեց մասնագիտական ստուդիայում ձայնագրեն 4 դեմո-երգեր։ Շուտով նրանց են միանում Լանդերսն ու Ֆլակեն, և այսպես հիմնվում է Ռամշթայն խումբը։
Կիթառներ
[խմբագրել | խմբագրել կոդը]- Gibson Paul Landers Signature Les Paul (2011-2012 թթ. համերգներին նրա հիմնական կիթառը).
- Gibson Les Paul Studio EMG.
- ESP Eclipse II White.
- ESP Eclipse PL.
- Music Man Axis (օգտագործում էր 1994-2004 թթ.)
- Gibson Les Paul Studio
Ձայնադարան
[խմբագրել | խմբագրել կոդը]- Feeling B խմբի կազմում
- 1989 - Hea Hoa Hoa Hea Hea Hoa
- 1991 - Wir kriegen euch alle
- 1993 - Die Maske des Roten Todes
- 2007 - Grün & Blau
- Rammstein խմբի կազմում՝
- 1995 - Herzeleid (Սրտախտ)
- 1997 - Sehnsucht (Կարոտ)
- 2001 - Mutter (Մայր)
- 2004 - Reise, Reise (Ճանապարհորդություն, ճանապարհորդություն)
- 2005 - Rosenrot (Վարդագույն վարդ)
- 2006 - Völkerball
- 2009 - Liebe ist für alle da (Սերը բոլորի համար է)
Ծանոթագրություններ
[խմբագրել | խմբագրել կոդը]- ↑ ČSFD (չեխերեն) — 2001.
- ↑ Պաուլ Լանդերսը հարցազրույց է տալիս ռուսերենով - YouTube
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Պաուլ Լանդերս» հոդվածին։ |
| ||||||
