Ուղևորություն դեպի Ղարաբաղ
Ուղևորություն դեպի Ղարաբաղ მოგზაურობა ყარაბახში | |
|---|---|
| Հեղինակ | Ակա Մորչիլաձե |
| Տեսակ | գրական ստեղծագործություն |
| Ժանր | պոստմոդեռնիզմ |
| Բնօրինակ լեզու | վրացերեն |
| Կերպար(ներ) | Ջիո |
| Էջեր | 222 էջ |
| Երկիր | Վրաստան |
| Հրատարակիչ | Դելքեյ Արխիվ Պրես |
| Հրատարակման տարեթիվ | 1992 |
| Թարգմանիչ | Էլիզաբեթ Հեյվեյ |
Ուղևորություն դեպի Ղարաբաղ (վրաց.՝ მოგზაურობა ყარაბახში), 1992 թվականին Ակա Մորչիլաձեի կողմից գրված վեպ է։ Կինոռեժիսոր Լևան Թութբերիձեն վեպի հիման վրա 2005 թվականին ֆիլմ է նկարահանել։ Մորչիլաձեի շատ հայտնի վեպը հրատարակվելուց հետո եղել է լավ վաճառվող գրքերից։ Գիրքն ազատություն ձեռք բերելու և այն ճանաչելու բարդ գործընթացի մասին է։
Բովանդակություն
[խմբագրել | խմբագրել կոդը]Ջիոն՝ մի երիտասարդ վրացի, սիրահարվում է մի մարմնավաճառի և նրա հետ անցկացնում է իր կյանքի ամենաերջանիկ երկու ամիսները։ Երբ հայրը ստիպում է նրան խզել հարաբերությունները մարմնավաճառի հետ, նա խորապես ճնշված է զգում։ Նա ուղեկցում է մի ընկերոջ, որը ցանկանում էր թմրանյութ ձեռք բերել Ադրբեջանում։ Նրանք դուրս են գալիս երկրի սահմաններից և մթության մեջ մոլորվելով՝ ձերբակալվում Ադրբեջանական պարեկատանը։ Նրանք Ղարաբաղում էին՝ պատերազմի մեջտեղում։ Թբիլիսիից եկած երիտասարդները չգիտեին, թե ինչ է կատարվում։ Նրանք զրկվել էին գումարներից և մեքենայից և ձերբակալված էին։ Բանտում էր նաև մի հայ։ Իրադարձությունները զարգանում են կայծակնային արագությամբ։ Հայ ազատամարտիկները բանտից ազատում են իրենց ընկերոջը և նրա հետ՝ երիտասարդներին նույնպես։ Ջիոն հայտնվում է հայկական գյուղում, որտեղ նրա հետ վատ չէին վարվում, բայց անընդհատ հետևում էին։ Երբ ռուս լրագրողները գալիս են գյուղ, Ջիոն երկու ադրբեջանցի գերիների հետ փախչում է և ետ դառնում դեպի ադրբեջանական տարածք, որտեղ նա արժանանում է հերոսի կոչման։ Ընկերներով միասին էին, և մանուշակագույն Լադան նույնպես տեղում էր, միայն չկային փողերը։ Ընկերը նրան տալիս է դեղերի փաթեթը և ատրճանակ՝ որպես փոխհատուցում։ Նրանք վերադառնում են Թբիլիսի և բնակվում այնտեղ[1]։
Թարգմանություններ
[խմբագրել | խմբագրել կոդը]Վեպը թարգմանվել է մի քանի լեզուներով՝ ներառյալ անգլերեն, ռուսերեն, ուկրաիներեն և իտալերեն լեզուները։
Ծանոթագրություններ
[խմբագրել | խմբագրել կոդը]- ↑ gratzfeld. ch
Արտաքին հղումներ
[խմբագրել | խմբագրել կոդը]- Վեպը Goodreads.com-ում
- Վեպը Amazon.com-ում
- Վեպը Dalkeyarchive.com Արխիվացված 2016-08-24 Wayback Machine-ում