Պոստմոդեռնիզմ

Վիքիպեդիայից՝ ազատ հանրագիտարանից

Պոստմոդեռնիզմ (ֆր.՝ postmodernisme` հետարդիություն) քսաներորդ դարի վերջում ծագած շարժում է արվեստներում, ճարտարապետությունում և գրաքննադատության մեջ, որը սկզբունքայնորեն անկախ է մոդեռնիզմից[1][2]։ Պոստմոդեռնիզմը ներառում է սկեպտիկ մոտեցում մշակույթին, գրականությանը, արվեստին, փիլիսոփայությանը, պատմությանը, տնտեսագիտությանը, ճարտարապետությանը, գրաքննադատությանը։ Պոստմոդեռնիզմը սերտ կապակցված է պոստստրուկտուրալիզմի հետ, քանի որ այն ծագել է ուշ քսաներորդ դարում, երբ լայնորեն տարածում էր գտնում պոստսրուկտուրալ միտքը։ Պոստմոդերնիզմ եզրը լայնորեն կիրառվում է թե՛ երաժշտության, թե՛ արվեստի և թե՛ այլ ոլորտներում, նպատակ հետապնդելով հակադրվել մոդեռնիստական տենդենցներին։

Պատմություն[խմբագրել | խմբագրել կոդը]

Պոստմոդեռնիզմ եզրը առաջին անգամ կիրառվել է 1870-ական թվականներին։ Ջոն Ուաթքինս Չեփմենը առաջարկել է «Նկարելու պոստմոդեռն ոճը», որպես ֆրանսիական իմպրեսիոնիզմին փոխարինող ոճ։[3] The Hibbert Journal-ը օգտագործել է այս եզրը բնութագրելու համար արեւմտյան աշխարհում տեղի ունեցող աշխարհայացքային եւ հավատքի փոփոխությունները կրոնի նկատմամբ։ 1921 և 1925 թվականներին պոստմոդեռնիզմ բառը կիրառվում էր նկարագրելու համար երաժշտության եւ արվեստի նոր ուղղությունները։ 1971 թվականին Լոնդոնի Ժամանակակից արվեստի ինստիտուտում իր դասախոսության ժամանակ Մել Բոչները կարծիք է հայտնել, որ պոստմոդեռնիզմի հիմնադիրը Ջեսփեր Ջոնսն է։

Ծանոթագրություններ[խմբագրել | խմբագրել կոդը]

  1. http://www.oxforddictionaries.com/us/definition/american_english/postmodernism
  2. Ruth Reichl, Cook's November 1989; American Heritage Dictionary's definition of "postmodern"
  3. The Postmodern Turn, Essays in Postmodern Theory and Culture, Ohio University Press, 1987. p12ff