Ոչինչ չգնելու օր
| Ոչինչ չգնելու օր | |
|---|---|
 | |
| Տեսակ | տոն և հակատոնակատարություն |
| Ենթադաս | իրադարձություն և օր |
| Ամսաթիվ | նոյեմբերի չորրորդ ուրբաթ և նոյեմբերի չորրորդ շաբաթ օր |
| Հաստատված | 1992 |
Ոչինչ չգնելու օրը սպառողականությանն ուղղված ոչ պաշտոնական տոն է, որ սերտորեն կապված է Միացյալ Նահանգների ազգային տոնի՝ Գոհաբանության տոնի հետ և նշվում է Սև ուրբաթի հաջորդ օրը՝ նոյեմբերի վերջին շաբաթ օրը[1][2]։ Հյուսիսային Ամերիկայից բացի «Ոչինչ չգնելու օրը» նշվում է նաև Միացյալ Թագավորությունում, Ֆինլանդիայում և Շվեդիայում։ Ոչինչ չգնելու օրը նշելու ավանդույթը սկիզբ է դրվել Վանկուվերում՝ նկարիչ Թեդ Դեյվի կողմից[3], իսկ հետագայում աջակցություն է ստացել կանադական բնապահպանական «Adbusters» կազմակերպության կողմից[4]։ Առաջին «Ոչինչ չգնելու օրը» կազմակերպվել է 1992 թվականի սեպտեմբերին Կանադայում, «որպես հասարակության գերսպառման խնդիրը քննարկելու օր»։ 1997 թվականին այն տեղափոխեցին ամերիկյան Գոհաբանության տոնի ուրբաթ օրը, որը նաև կոչվում է սև ուրբաթ և Միացյալ Նահանգներում ամենաշատ գնումներ գրանցող օրերից մեկն է[5]։ 2000 թվականին «Adbusters» կազմակերպության կողմից «Ոչինչ չգնելու օրվա» գովազդային հոլովակները, բացառությամբ CNN-ի[1] մերժվեցին գրեթե բոլոր խոշոր հեռուստաընկերությունների կողմից։ Շուտով արշավներ սկսվեցին Միացյալ Նահանգներում, Իսրայելում, Ավստրիայում, Գերմանիայում, Նոր Զելանդիայում, Ճապոնիայում, Նիդերլանդներում, Ֆրանսիայում, Նորվեգիայում, Ֆինլանդիայում։
Օրվա զբաղմունքներ[խմբագրել | խմբագրել կոդը]
.jpg)
«Ոչինչ չգնելու օրը», ի նշան բողոքի գերսպառման դեմ, կազմակերպվում են տարբեր հավաքներ և բողոքի ակցիաներ։
- Անվճար, շահույթ չհետապնդող փողոցային հավաքույթներ
- Նստացույցեր
- «Ոչինչ չգնելու օրվա» քայլարշավ, որի մասնակիցները տոնում են երկրագնդի և բնության տոնը.
- «Ոչինչ չգնելու օրվա» վերարկուների փոխանակություն։ Ամբողջ նոյեմբերի ընթացքում հավաքվում են վերարկուներ այն մարդկանցից, որոնք ցանկանում են բարեգործություն անել, և յուրաքանչյուր նահանգում կուտակում տարբեր վայրերում՝ բարեգործական խանութներում և այլուր։ Գոհաբանության տոնի հաջորդ օրը շատերը հրաժարվում են գնումներ կատարելուց և փոխարենը բարեգործություն կամ կամավորական աշխատանք են կատարում։ Բոլոր նրանք, ում ձմեռային վերարկու է հարկավոր, կարող են փոխանակել իրենց վերարկուն կամ պարզապես գալ և վերարկու վերցնել։ Այս ավանդույթը սկիզբ է առել Ռոդ Այլենդ նահանգի Փրովիդենս քաղաքում, ապա տարածվել Կենտուկի, Յուտա և Օրեգոն նահանգներում։
Ոչինչ չգնելու Սուրբ Ծնունդ[խմբագրել | խմբագրել կոդը]
«Ոչինչ չգնելու Սուրբ Ծնունդը» սկսել են ոչ պաշտոնապես նշել 1968 թվականից, երբ Էլլի Քլարկը և իր ընտանիքը որոշեցին հրապարակայնորեն անտեսել Սուրբ Ծննդյան տոնի բուռն առևտուրը[6]։ Միևնույն ժամանակ, «Adbusters» կազմակերպությունն առաջարկեց ամբողջ Սուրբ Ծնունդի տոնակատարության ժամանակաշրջանը հայտարարել «Ոչինչ չգնելու» օրեր[7]։ Շարժումը պաշտոնական դարձրեցին մի խումբ կանադացի մենոնիտականներ, որոնք ստեղծեցին շարժման կայքէջը և նրան անուն տվեցին[8]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 "Campbell, Duncan (2000 թ․ նոյեմբերի 24). «Internet spreads word as networks shun adverts for Buy Nothing Day». The Guardian.
- ↑ "Buy Nothing Day Արխիվացված Նոյեմբեր 21, 2018 Wayback Machine"Adbusters.org
- ↑ Crook, Barbara. "Can you say bye to buying 1 day a year?" Vancouver Sun. September 25, 1991
- ↑ Glasner, Joanna (2000 թ․ նոյեմբերի 22). «Click Here to Buy Nothing». Wired.
- ↑ Verdon, Joan. «The 10 Busiest Shopping Days At Stores: Why They Now Matter More To Stores Than Shoppers». Forbes (անգլերեն). Վերցված է 2020 թ․ ապրիլի 7-ին.
- ↑ «About Us». Buynothingchristmas.org. Վերցված է 2017 թ․ հունվարի 3-ին.
- ↑ Susan Alessandri (2012), Mary Kosut (ed.), Encyclopedia of Gender in Media, SAGE, էջ 398, ISBN 9781506338286
- ↑ Priesnitz, Wendy. "A Buy Nothing Christmas." Արխիվացված 2020-07-27 Wayback Machine Natural Life Magazine, November/December 2006. Retrieved 27 November 2008.