Յուլիա Սանինա
| Յուլիա Սանինա | |
|---|---|
.jpg) | |
| Ծնվել է | հոկտեմբերի 11, 1990 (34 տարեկան) Կիև, Ուկրաինական ԽՍՀ |
| Երկիր |  ԽՍՀՄ և  Ուկրաինա |
| Ժանրեր | ալտերնատիվ ռոք |
| Մասնագիտություն | երգչուհի, կոմպոզիտոր և դերասանուհի |
| Երգչաձայն | կոնտրալտո |
| Գործիքներ | վոկալ և դաշնամուր |
| Կրթություն | Շևչենկոյի անվան համալսարան |
| Անդամակցություն | The Hardkiss |
 Julia Sanina Վիքիպահեստում | |
Յուլիա Սանինա (ուկրաիներեն՝ Юлія Саніна, ուկրաիներեն՝ Ю́лія Олекса́ндрівна Голова́нь, իսկական անունը՝ Յուլիա Ալեքսանդրովնա Գոլովան, հոկտեմբերի 11, 1990, Կիև, Ուկրաինական ԽՍՀ), ուկրաինացի երգչուհի, The Hardkiss ուկրաինական խմբի մենակատար։
Կենսագրություն
[խմբագրել | խմբագրել կոդը]Յուլիա Գոլովան ծնվել է 1990 թվականի հոկտեմբերի 11-ին Կիևում՝ երաժիշտների ընտանիքում։ Երեք տարեկանում հոր համույթի ուղեկցությամբ առաջին անգամ ելույթ է ունեցել բեմում։ Կատարումներով հանդես է եկել մանկական շոու խմբերում։ Եղել է մենակատար, հանդես է եկել նաև ջազային խմբում։
2005 թվականին Յուլիան ավարտել է մանկական երաժշտական դպրոցի ջազային և էստրադային բաժինը։ Այնուհետև ընդունվել է Կիևի Տարաս Շևչենկոյի անվան ազգային համալսարան (որն ավարտել է 2013 թ. հունիսին, ֆոլկլորագիտության մագիստրոսի աստիճանով)[1]։ Ուսումնառության տարիներին տարվել է լրագրողականությամբ[2]։ 2006-2008 թթ. եղել է Sister Siren խմբի մենակատար։
2011 թվականի սեպտեմբերին Յուլիա Սանինան և երաժշտական պրոդյուսեր Վալերի Բեբկոն ստեղծել են Val & Sanina փոփ-դուետը։ Ձայնագրվել է թեստային տեսահոլովակ և մի քանի երգեր, այդ թվում՝ «Սերը եկավ» (խոսքերը՝ Ռոման Ռոժդեստվենսկուի, երաժշտությունը՝ Ռայմոնդ Պաուլսի)[3]։
Շուտով նրանք փոխեցին խմբի իմիջն ու անունը, սկսեցին երգել անգլերեն, ծնվեց «The Hardkiss» խումբը։ Վալերին ու Յուլիան իրենք են գրում երաժշտությունը և բառերը[2]։ Նույն թվականի աշնանը խումբը թողարկել է մի քանի երգ և նկարահանել է Babylon երգը։ Մինչև 2011 թվականի ավարտը խումբը թողարկել է «Dance with me» տեսահոլովակը։
2012 թվականի փետրվարին The Hardkiss-ը պայմանագիր է կնքում Sony BMG լեյբլի հետ։ Կոլեկտիվն արագորեն ժողովրդականություն նվաճեց Ուկրաինայում և արտերկրում և արժանացավ մի շարք մրցանակների։
2014 թվականի դեկտեմբերին Յուլիա Սանինան սկսեց է YouTube-ում թողարկել իր կենսագործունեության մասին վիդեոբլոգներ և The Hardkiss խմբի աշխատանքը[4][5]։
2016 թվականին Յուլիա Սանինան դարձել է ՍՏԲ հեռուստաընկերությամբ հեռարձակվող «X-Factor (Ուկրաինա)»-ի 7-րդ եթերաշրջանի ժյուրիի անդամ։
«Սմուրֆիկներ։ Կորսված գյուղ» մուլտֆիլմի ուկրաիներեն կրկնօրինակման մեջ հնչյունավորել է Սմուրֆետայի[6]։
Ընտանիք
[խմբագրել | խմբագրել կոդը]Յուլիան ամուսնացած է The Hardkiss-ի ստեղծագործական պրոդյուսեր և կիթառահար Վալերի Բեբկոյի հետ։ Նրանք իրենց հարաբերությունները թաքցնում էին 5 տարի (2009 թվականից)։ Ամուսնացել են ծանոթությունից երեք տարի անց։ Հարսանիքը կատարվել է ուկրաինական ոճով[2]։
2015 թվականի նոյեմբերի 21-ին ծնվել է նրանց որդին՝ Դանիելը[7]։
Մրցանակներ
[խմբագրել | խմբագրել կոդը]- «Սև ծովի խաղեր 1999» փառատոնի դիպլոմ
- «Крок до зiрок 2001» հեռուստատեսության մրցույթի հաղթող (Քայլ դեպի աստղեր)
- «Քրիստոսն իմ սրտում» փառատոնի դափնեկիր
- «Երիտասարդների աշխարհ 2001» միջազգային փառատոնի ІІ մրցանակի դափնեկիր (Բուդապեշտ)
- «Ջազի ռիթմեր» փառատոնի դափնեկիր
- «Սլավյանսկի բազարչիկ 2002» միջազգային մանկական փառատոնի І մրցանակի դափնեկիր
- Ուտյոսովի անվան մանկական ջազ փառատոնի դիպլոմ (Օդեսա, 2004 թ.)
- «Атлант М» մանկական ջազ փառատոնի դափնեկիր (2003, 2004 թթ.)
- «Ուզում եմ աստղ լինել» հեռուստատեսային մրցույթի եզրափակչի մասնակից (2006 թ.)
Ծանոթագրություններ
[խմբագրել | խմբագրել կոդը]- ↑ Юлия Санина стала магистром филологии(չաշխատող հղում)
- ↑ 2,0 2,1 2,2 Ирина Татаренко. Солисты The Hardkiss Юлия Санина и Валерий Бебко впервые рассказали о своей свадьбе: интервью Viva! // Viva!, 22.06.2014. (ռուս.)
- ↑ Юлия Санина «Любовь настала»
- ↑ Солістка гурту The Hardkiss запустила власний відеоблог Արխիվացված 2014-12-25 Wayback Machine // www.aif.ua - 23 декабря 2014(ռուս.)
- ↑ The HARDKISS - Guten Morgen - 18.03.2014
- ↑ Солистка группы The Hardkiss и Дзидзьо превратились в смурфиков
- ↑ Габрук Майя. Учасниця гурту «THE HARDKISS» Юлія Саніна хрестила сина (фото) // Glamurchik, 16 квітня 2016.
Արտաքին հղումներ
[խմբագրել | խմբագրել կոդը]- The HARDKISS TV — канал Юлии Саниной на сайте YouTube
- Յուլիա Սանինայի կենսագրությունը Արխիվացված 2023-03-22 Wayback Machine
 | Վիքիպահեստն ունի նյութեր, որոնք վերաբերում են «Յուլիա Սանինա» հոդվածին։ |
| ||||||
