Յովաննա (երգչուհի)
| Յովաննա | |
|---|---|
 | |
| Բնօրինակ անուն | հուն․՝ Γιοβάννα |
| Ի ծնե անուն | հուն․՝ Ιωάννα Φάσσου Καλπαξή |
| Ծնվել է | նոյեմբերի 14, 1938[1] (85 տարեկան) Ամալյաս |
| Երկիր |  Հունաստան |
| Ժանրեր | փոփ |
| Մասնագիտություն | երգչուհի և գրող |
| Գործիքներ | վոկալ |
| Կրթություն | Աթենքի կոնսերվատորիա |
| Կայք | yovannakalpaxi.wixsite.com/official |
 Yovanna Վիքիպահեստում | |
Յովանա (ի ծնե Իոանա Ֆասու Կալպակսի (հուն․՝ Ιωάννα Φάσσου Καλπαξή, նոյեմբերի 14, 1938[1], Ամալյաս), հույն երգչուհի և գրող, Եվրատեսիլ 1965 երգի մրցույթում Շվեյցարիայի ներկայացուցիչ։ Ճանաչված հույն նկարիչ Կոստատ Ֆասոսի դուստրը։
Կենսագրություն
[խմբագրել | խմբագրել կոդը]Աթենքում ավարտելով երաժշտական ակադեմիայի օպերային երաժշտության բաժինը, երգչուհին որոշում է սկսել փոփ կատարողի կարիերա։ 1950-ական թվականներին սկսում է մասնակցել երաժշտական փառատոներին, ինչպես տեղական, այնպես էլ ուրիշ երկրներում։ Առավել հայտնի է դառնում Խորհրդային միության տարածքում, հատկապես Վրաստանի ԽՍՀ-ում[2]։
1965 թվականին Յովանան մասնակցում է Շվեյցարիայում կայանալիք Եվրատեսիլի մասնակցի ընտրության մրցույթին։ Կատարում է «Non, à jamais sans toi» (հայերեն՝ Ո՛չ, ես երբեք քեզ հետ չեմ լինի) երգը, և ընտրվում որպես երկրի ներկայացուցիչ Եվրատեսիլի տասերորդ մրցույթում, որը կայանալու էր Նեապոլում[3]։ Երգը կատարվել է վերջում և զբաղեցրել ութերորդ հորիզոնականը՝ տասնութից[4][5]։
Յովանան շարունակում է հանդես գալ ելույթներով հիմնականում Հունաստանում և Գերմանիայում՝ մինչև 1980-ական թվականները, երբ որոշում է նվիրվել գրական ստեղծագործություններին։ Նա լույս է ընծայում բանաստեղծությունների ժողովածու, իսկ 1986 թվականին հրապարակում է իր առաջին վեպը՝ «Άντε γεια» վերնագրով (հայերեն՝ Առայժմ), որը Հունաստանում ճանաչվում է բեսթսելեր և որի հիման վրա նկարահանվում է ֆիլմ։ Նա այժմ հրապարակել է արդեն յոթ գրական աշխատանքներ, որոնցից մի քանիսը նույնպես հարմարեցվում են հեռուստատեսությանը։
Ծանոթագրություններ
[խմբագրել | խմբագրել կոդը]- ↑ 1,0 1,1 Discogs — 2000.
- ↑ «unused». Արխիվացված է օրիգինալից 2016 թ․ հունվարի 13-ին. Վերցված է 2018 թ․ օգոստոսի 20-ին.
- ↑ Free Web Hosting, Affordable Shared Hosting, and Domain Names by 50Webs
- ↑ «Eurovision Song Contest : Details : Switzerland 1965 : Yovanna, Non A Jamais Sans Toi». Արխիվացված է օրիգինալից 2018 թ․ օգոստոսի 17-ին. Վերցված է 2018 թ․ օգոստոսի 20-ին.
- ↑ Non — à jamais sans toi — lyrics — Diggiloo Thrush
Արտաքին հղումներ
[խմբագրել | խմբագրել կոդը]- Պաշտոնական կայք (անգլ.)
 | Վիքիպահեստն ունի նյութեր, որոնք վերաբերում են «Յովաննա (երգչուհի)» հոդվածին։ |
| ||||||||||||||||||||
