Հարություն Զաքիև

Հարություն Զաքիև
Ծնվել է	մարտի 24, 1874(1874-03-24)
Ծննդավայր	Նոր Նախիջևան, Եկատերինոսլավի նահանգ, Ռուսական կայսրություն
Մահացել է	հունվարի 25, 1945(1945-01-25) (70 տարեկան)
Վախճանի վայր	Երևան, Հայկական ԽՍՀ, ԽՍՀՄ
Կրթություն	Ռիգայի պոլիտեխնիկ համալսարան (1908)

Հարություն Խաչատուրի Զաքիև (Զաքյան) (մարտի 24, 1874(1874-03-24), Նոր Նախիջևան, Եկատերինոսլավի նահանգ, Ռուսական կայսրություն - հունվարի 25, 1945(1945-01-25), Երևան, Հայկական ԽՍՀ, ԽՍՀՄ), ճարտարապետ, ԵՊՀ և ԵՊԻ պրոֆեսոր։ Հայաստանի ճարտարապետների միության անդամ (1935)։

Կենսագրություն

1908 թվականին ավարտել է Ռիգայի պոլիտեխնիկական ինստիտուտը։ 1908-1910 թվականներին Ռիգայում նախագծել և կառուցել է Բլյումի ռեալական դպրոցը, «Եղբայրական օգնություն» ընկերության տունը։ 1917 թվականին եղել է Դոնի Ռոստովի քաղաքագլուխ։ 1928 թվականից բնակվել է Երևանում։ 1928-1930 թվականներին դասավանդել է Երևանի պետական համալսարանում, եղել ԵՊՀ շինարարական ֆակուլտետի ամբիոնի վարիչը, 1930-1945 թվականներին՝ ԵՊԻ շինարարական ֆակուլտետի դեկան։ 1930-ական թվականներին եղել է Երքաղշինհսկողության նախագահ, 1930-1932 թվականներին՝ Ալեքսանդր Թամանյանի օգնականը (Երևանի օպերայի և բալետի թատրոնի, Անատոմիկումի շենքերի շինարարության ղեկավար)։ Եղել է ԵՊԻ կազմակերպիչներից, Հայաստանում շինարարական նոր տեխնիկայի ներդնողներից։

Ստեղծագործություններ

Շիրմանի եկամտաբեր տուն

Հարություն Զաքիևի նախագծերով Նոր Նախիջևանում և Դոնի Ռոստովում կառուցվել են՝

• Ալաջալովի, Անտոնովի, Սրապիոնովի տները, 1910-1912
• Առևտրի աշխատողների ակումբը (այժմ՝ Սպայի տուն), 1912-1915
• «Պալաս-Օթել» և «Ինտերնացիոնալ» հյուրանոցներ, 1914-1915
• «Աշխատասիրություն» ընկերության տունը, 1915
• Սարգիս Կիստովի եկամտաբեր տունը (այժմ՝ համալսարան), 1916-1919
• Իգական գիմնազիան (Թագուշ Գրիգորի Բերբերովայի գիմնազիա), 1915
• Երևանում՝ թիվ 3 հիվանդանոց
• Շիրմանի եկամտաբեր տուն

Գրականություն

• Донская Армения. Вып.1. Ростов-на-Дону, 2007, ISBN 5 901377-18-4.