Կորինա Բիյ

Կորինա Բիյ
Ծնվել է	օգոստոսի 29, 1912[…]
Ծննդավայր	Լոզան, Շվեյցարիա
Վախճանվել է	հոկտեմբերի 24, 1979[…] (67 տարեկան)
Վախճանի վայր	Սիեր, Վալե, Շվեյցարիա
Մասնագիտություն	գրող և բանաստեղծուհի
Լեզու	ֆրանսերեն
Քաղաքացիություն	Շվեյցարիա
Կրթություն	Ցյուրիխի տեխնիկական բարձրագույն դպրոց
Պարգևներ	Գոնկուրյան մրցանան վեպի համար

Կորինա Բիյ (ֆր.՝ Corinna Bille, օգոստոսի 29, 1912(1912-08-29)^[1]^[2]^[3]^[…], Լոզան, Շվեյցարիա - հոկտեմբերի 24, 1979(1979-10-24)^[1]^[2]^[3]^[…], Սիեր, Վալե, Շվեյցարիա^[4]), շվեյցարացի բանաստեղծուհի, արձակագիր։ Բանաստեղծ Մորիս Շապայի կինն է։ Գրել է ֆրանսերեն։

Կենսագրություն[խմբագրել | խմբագրել կոդը]

Բիյ Ստեֆանի Կորինան ծնվել է Լոզանում 1912 թվականին։ Ստեֆանին ընտրել է Կորինա անունը՝ ի պատիվ իր մոր ծննդավայր Կորին գյուղի։ Սովորել է Սիերի առևտրական դպրոցում, այնուհետև հաճախել է Ցյուրիխի Օրիորդաց բարձրագույն դպրոցը և Դաշնային պոլիտեխնիկ դպրոցում մասնակցել գրականության դասընթացին։ 1934 թվականին «Ռապտ» ֆիլմի նկարահանման ժամանակ ծանոթացել է դերասան Վիտալ Գեյմոնի հետ, ամուսնացել և տեղափոխվել Փարիզ։ 1936 թվականին լքել է նրան և վերադարձել Վալե։ Նույն թվականին հիվանդացել է թոքախտով։ 1942 թվականին թողել է Գլերոլ դղյակը և Ժորժ Բորժոյին, որի հետ ապրում էր այդ ժամանակ, որպեսզի Մորիս Շապայի հետ հաստատվի Վալեում։ 1947 թվականին նա երկրորդ անգամ է ամուսնացել։ Ունեցել է երեք երեխա։ Ամուսինները երկար ժամանակ ստիպված են եղել տեղափոխվել մի բնակարանից մյուսը։

Նրա առաջին ստեղծագործությունները հրատարակվել են դեռևս 1937 թվականին «Ռոմանիայի երտասարդ պոետների անթոլոգիայում»։ 1953 թվականին նա լույս է ընծայել «Գեղջկուհու տառապանքներ» նովելների ժողովածուն, «Գաղտնի երկիրը» (1961) պոեմների գիրքը, «Սև ելակը» (1968, նովելներ), «Հարյուր սարսափելի փոքրիկ պատմություններ» (արձակ պատմություններ, 1973), «Վայրի օրիորդը» (1975, որը նրան ճանաչում է բերում) նովելի համար ստանում է Գոնկուր կրթաթոշակ, «Օվալաձև սալոնից» հետո (բարոկկո նովելներ և հեքիաթներ, 1976) և «Երկու կիրք» (պատմվածքներ, 1979)։

Նրա բոլոր ստեղծագործություններում առկա է սիրո և մահվան, Կրքի և ցանկության զուգորդումը և, ինչպես ասում է Պիեռ ժան Ժուվը, վերերկրային ողբերգությունը։ Նրա կյանքում հսկայական տեղ է գրավում երազանքը, որի արդյունքում էլ ծնվում են իր ստեղծագործությունները։

Կորինա Բիյը նախընտրում է խոսքի հակիրճ և զուսպ արվեստը՝ ցույց տալու համար ցանկության պայթյունն ու ավերիչ ուժը։

Կորինան շատ է ճանապարհորդել Աֆրիկայում, Գերմանիայում, Մեծ Բրիտանիայում, Ռուսաստանում։ Ռուսաստան կատարած երրորդ ճանապարհորդության ժամանակ, 1979 թվականին Սիբիրից մինչև Խաբարովսկ, հիվանդությունը վերջնականապես հաղթում է նրան։ Նա մահացել է Վեյրաս-սյուր-Սիերում (Վալե)^[5]։

Կորինա Բիյը հայերեն[խմբագրել | խմբագրել կոդը]

Երազը; Հանգույցը։ Մեծության կարիքը (XX դարի Շվեյցարիայի ռոմանական արձակ), Ե., «Գարուն», 2002, էջ 109-125։ Թարգմ.՝ Իրինա Հովսեփյան։

Աղբյուրներ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 FemBio տվյալների շտեմարան (գերմ.)
↑ ^3,0 ^3,1 ^3,2 ^3,3 ^3,4 NooSFere (ֆր.) — 1999.
↑ ^4,0 ^4,1 ^4,2 Bille, S. Corinna (գերմ.)
↑ Մեծության կարիքը (XX դարի Շվեյցարիայի ռոմանական արձակ), Ե., «Գարուն», 2002, էջ 108։

[_d6313bc8ed85638e-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_ce793ad8a9384751-2] 2,0 ^2,1 ^2,2 ^2,3 ^2,4 FemBio տվյալների շտեմարան (գերմ.)

[_4084a25b70047495-3] 3,0 ^3,1 ^3,2 ^3,3 ^3,4 NooSFere (ֆր.) — 1999.

[_3d87ef0706a5761a-4] 4,0 ^4,1 ^4,2 Bille, S. Corinna (գերմ.)

[5] Մեծության կարիքը (XX դարի Շվեյցարիայի ռոմանական արձակ), Ե., «Գարուն», 2002, էջ 108։

[1]

[2]

[3]

[4]

[5]