Կիլխբերգ (գերմ.՝ Kilchberg), համայնք Շվեյցարիայում՝ Ցյուրիխի կանտոնի Հորգեն շրջանում[2]։ Զբաղեցնում է 2,58 քառակուսի կիլոմետր տարածք։ Բնակչության թվաքանակը 2019 թվականի դեկտեմբերի 20-ի տվյալներով եղել է 7.087, բնակչության միջին խտությունը՝ 2.747 մարդ/կմ²։
Պատմական փաստաթղթերում Կիլխբերգն անգամ հիշատակվել է 1248 թվականին՝ Հիլխբերխ (Hilchberch) անվանումով։ 1250 թվականին հիշատակվել է որպես Կիլխպերխ (Kilchperch): Ուշ միջնադարում դարձել է Բենդլիկոն գյուղի թաղամասերից մեկը։
Կիլխբերգի բնակչության թվաքանակի փոփոխությունները ժամանակի ընթացքում.
Կիլխբերգում են գտնվում շոկոլադի արտադրությամբ հռչակված Lindt & Sprüngli ընկերության գլխավոր գրասենյակն ու գլխամասային ձեռնարկությունը։
Քաղաքում գործազրկության ցուցանիշը ցածր է՝ ընդամենը 1.64%: Ընդ որում՝ աշխատող բնակչության 65%-ն աշխատում է լրիվ ծանրաբեռնվածությամբ (full-time), 35%-ը՝ թերբեռնված (part-time)[3]:
Գերմանացի գրող Թոմաս Մանը կյանքի վերջին տարիներն անց է կացրել Կիլխբերգում և թաղվել է այդ քաղաքի գերեզմանատանը։
Շվեյցարացի գրող Կոնրադ Ֆերդինանդ Մայերը ծնվել է Ցյուրիխում (1825 թ. հոկտեմբերի 11-ին), մահացել Կիլխբերգում (1898 թ. նոյեմբերի 28-ին)։ Քաղաքում գործում է նրան նվիրված թանգարանը։
Շվեյցարա-գերմանական համբավավոր շոկոլադագործներ Դավիդ Շպրունգլի-Շվարցն ու նրա որդին, որ գործարաններ են nւնեցել Կիլխբերգում, այստեղ էլ մահացել են ու թաղվել։
Շվեյցարիա
