Jump to content

Լենե Էսպերսեն

Վիքիպեդիայից՝ ազատ հանրագիտարանից
Լենե Էսպերսեն
 
Կուսակցություն՝ Պահպանողական ժողովրդական կուսակցություն[1]
Կրթություն՝ Օրհուսի համալսարան և Lester B. Pearson College?
Մասնագիտություն՝ քաղաքական գործիչ, դիվանագետ և տնօրեն
Ծննդյան օր սեպտեմբերի 26, 1965(1965-09-26)[1][2][3] (59 տարեկան)
Ծննդավայր Hirtshals, Հյորինգ, Հյուսիսային Դանիա տարածաշրջան, Դանիա[1]
Քաղաքացիություն Դանիա
 
Պարգևներ

Լենե Ֆելտման Էսպերսեն (դան․՝ Lene Feltmann Espersen, սեպտեմբերի 26, 1965(1965-09-26)[1][2][3], Hirtshals, Հյորինգ, Հյուսիսային Դանիա տարածաշրջան, Դանիա[1]), դանիացի ձեռներեց, տնտեսագետ և նախկին քաղաքական գործիչ։ Տնտեսագիտության թեկնածու (cand.oceon.): Ճարտարապետական բյուրոյի դանիական ասոցիացիայի տնօրեն[5]։ Օլբորգի համալսարանի խորհրդի նախագահ Պահպանողական ժողովրդական կուսակցության անդամ, 2008—2011 թվականներին կուսակցության նախագահ[6] 2010–2011 թվականներին Դանիայի արտաքին գործերի նախարար[7]։ Եղել է առաջին կինը այս պաշտոնում[8]։ 2001-2008 թվականներին եղել է Արդարադատության նախարար, 2008-2010 թվականներին` Էկոնոմիկայի և արդյունաբերության նախարար, 1994-2014 թվականներին` Դանիայի պառլամենտի (Ֆոլկետինգ) անդամ։

Կենսագրություն

[խմբագրել | խմբագրել կոդը]

Լենե Էսպերսենը ծնվել է 1965 թվականի սեպտեմբերի 26-ին, Հիրթսհալսում, նավատեր Օլե Պիտեր Էսպերսենի և հաշվապահ Ինգե Թանգորդի ընտանիքում[8]։ Քույրը` Աննե Սոֆի Էսպերսենը (ծնվ. 1973), դերասանուհի է, քրոջ որդին` Սիլվեսթեր Էսպերսեն Բիդերն (ծն. 1999), դերասան է[9]։

1972-1981 թվականներին սովորել է Հիրթսհալսի կոմունայի տարրական դպրոցում, 1981-1982 թվականներին` Յորինգի գիմնազիայում։ 1982-1984 թվականներին Միջազգային Բակալավրիատ ծրագրով սովորել է Կանադայի Վանկուվեր կղզու Մետչոսինի Լեսթեր Պիրսոնի անվան UWC քոլեջում, Միացյալ Համաշխարհային Քոլեջներ շարժման քոլեջներից մեկում, 1984-1990 թվականներին` Օրհուսի համալսարանում[8]։ Ստացել է տնտեսագիտության թեկնածուի կոչում (cand.oecon.):

1991-1992 թվականներին աշխատել է Օրհուսի տպագրական կենտրոնում, 1992-1994 թվականներին` BEC-ում՝ բանկային տվյալների երեք խոշոր կենտրոններից մեկում՝ Զելանդիա կղզու Ռոսկիլդե քաղաքում։ 1985-1989 թվականներին Օրհուսի համալսարանի տնտեսական խորհրդում եղել է ուսանողության ներկայացուցիչ։ 1986-1988 թվականներին եղել է Պահպանողական ժողովրդական կուսակցության ուսանողական թևի փոխնախագահ։ 2008 թվականի սեպտեմբերի 9-ին դարձել է Պահպանողական ժողովրդական կուսակցության նախագահ։ 2011 թվականի հունվարի 13-ին հրաժարական է տվել որպես կուսակցության նախագահ[8]։ Հունվարի 14-ին Լարս Բարֆեդը[7] ընտրվել է նոր նախագահ։

1994 թվականի սեպտեմբերի 21-ին կայացած խորհրդարանական ընտրությունների արդյունքներով ընտրվել է պահպանողական ժողովրդական կուսակցության ֆոլկետինգի պատգամավոր։ Լենե Էսպերսենի հետ միասին Պահպանողական ժողովրդական կուսակցությունից ընտրվել են ևս երկու երիտասարդ կին՝ Հենրիետտա Կիերը և Գիտտե Սիբբերգը։ 1990-ականներին նրանց անվանում էին Kylle, Pylle og Rylle, դանիական նմանօրինակը` Սոլիի, Պոլիի և Դոլլիի, Դեյզի Դակի զարմիկները, Ուոլտ Դիսնեյ մուլտֆիլմի հերոսներ։ Նա թողել է Ֆոլկետինգը՝ 2014 թվականի նոյեմբերի 10-ին Դանիայի Ճարտարապետական բյուրոյի ասոցիացիայի տնօրեն տեղափոխվելու կապակցությամբ։ Մանդատն անցել է Դանիել Ռուգհոլմին։

2001 թվականի նոյեմբերի 27-ին ստացել է Արդարադատության նախարարի պորտֆելը Ֆոգ Ռասմուսենի երրորդ կաբինետում՝ Վարչապետ Անդերս Ֆոգ Ռասմուսենի ղեկավարությամբ։ 2008 թվականի սեպտեմբերի 10-ին փոխարինել է Բենդտ Բենդսենին որպես Պահպանողական ժողովրդական կուսակցության նախագահ և նույն կառավարությունում` որպես էկոնոմիկայի և արդյունաբերության նախարար։ Նա այդ պորտֆելը պահել է Լյոկ Ռասմուսենի հաջորդ առաջին կաբինետում՝ Լարս Լյոկ Ռասմուսենի ղեկավարությամբ։ 2010 թվականի փետրվարի 23-ին նույն կառավարությունում ստացել է Արտաքին գործերի նախարարի պորտֆելը և դարձել առաջին կինն այդ պաշտոնում[6]։

2014 թվականից Լենե Էսպերսենը Դանիայի Ճարտարապետական բյուրոյի ասոցիացիայի տնօրենն է[5], 2016 թվականի հուլիսի 1-ից` Օլբորգի համալսարանի խորհրդի նախագահը։

1999 թվականի հունիսի 12-ին Էսպերսենն ամուսնացել է Դանի Ֆելտման Էսպերսենի հետ, ում հետ նա ծանոթացել էր Կոպենհագենի Հոլմեն եկեղեցում, համալսարանում սովորելու ընթացքում` լրատվամիջոցների և մի շարք նշանավոր քաղաքական գործիչների ներկայությամբ։ Ունի երկու երեխա՝ Մարկուսը (ծն. 2001) և Ռոբերտը (ծն. 2003): 2005 թվականին Kroghs Forlag հրատարակչությունը լույս է ընծայել Լենե Էսպերսենի Stygge Krumpens skat մանկական գիրքը՝ Մարիա Բրամսենի նկարազարդումներով[10]։ Լենա Էսպերսենը և Վիլլի Սյովնդալը մասնակից են դարձել Լարս Վեստերգորի (Lars Vestergaard) «Կա մի գեղեցիկ երկիր Դանիա, Լենեի և Վիլիի հետ» (Der er et yndigt land - Danmark rundt med Lene og Villy) գրքին, որը հրատարակվել է 2008 թվականին Lindhardt og Ringhof հրատարակչության կողմից[11]։

2009 թվականին Documentas հրատարակչությունը հրապարակել է նրա կենսագրությունը՝ «Կոչիր ինձ պարզապես Լենե» (Bare kald mig Lene), որը գրվել է լրագրողներ Էսբեն Ագերլին Օլսենի և Կիմ Կրիստենսենի կողմից[12]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 1,5 1,6 http://www.ft.dk/folketinget/findmedlem/kflees.aspx
  2. ↑ 2,0 2,1 Store norske leksikon(նորվ.) — 1978. — ISSN 2464-1480
  3. ↑ 3,0 3,1 Munzinger Personen (գերմ.)
  4. ↑ Lene Espersen modtager Ting-Prisen — TV 2 Nyhederne, 2004.
  5. ↑ 5,0 5,1 «Sekretariat» (դանիերեն). Danske Arkitektvirksomheder. Վերցված է 2020 թ․ ապրիլի 4-ին.
  6. ↑ 6,0 6,1 «В Дании проведена масштабная реорганизация правительства». ИА REGNUM. 2010 թ․ փետրվարի 23. Վերցված է 2020 թ․ ապրիլի 5-ին.
  7. ↑ 7,0 7,1 «Консервативная народная партия Дании избрала своего нового председателя». Жэньминь жибао. 2011 թ․ հունվարի 17. Արխիվացված է օրիգինալից 2020 թ․ հունիսի 26-ին. Վերցված է 2020 թ․ ապրիլի 5-ին.
  8. ↑ 8,0 8,1 8,2 8,3 «Есперсен Лене». МГИМО. 2011-09. Վերցված է 2020 թ․ ապրիլի 4-ին.
  9. ↑ Sylvester Byder (անգլ.) Internet Movie Database կայքում
  10. ↑ Lene Espersen Stygge Krumpens skat // {{{заглавие}}} / Maria Bramsen. — Kroghs Forlag, 2005. — 50 p.
  11. ↑ Lars Vestergaard Der er et yndigt land - Danmark rundt med Lene og Villy. — København: Lindhardt og Ringhof, 2010. — 288 p. — ISBN 9788711411384
  12. ↑ Esben Agerlin Olsen, Kim Kristensen Bare kald mig Lene. Portræt af en politiker. — Hellerup: Documentas, 2009. — 263 p. — ISBN 9788770630627
Վիքիպահեստն ունի նյութեր, որոնք վերաբերում են «Լենե Էսպերսեն» հոդվածին։
Թվիթթեր (դան.)
Բառարաններ և հանրագիտարաններ
Չափորոշչային վերահսկողություն
VIAF: 307231609 · WorldCat VIAF: 307231609
Ստացված է «https://hy.wikipedia.org/w/index.php?title=Լենե_Էսպերսեն&oldid=9420227» էջից