Լավրենտ Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Լավրենտ Վարդանյան | |
|---|---|
| Ի ծնե | Լավրենտ Վարդանյան |
| Ծնվել է | փետրվարի 5, 1948 (76 տարեկան) |
| Ծննդավայր | Եղեգնաձոր, Հայկական ԽՍՀ, ԽՍՀՄ |
| Կրթություն | Փանոս Թերլեմեզյանի անվան գեղարվեստական ուսումնարան (1968) և Հայկական պետական մանկավարժական համալսարան (1972) |
| Մասնագիտություն | նկարիչ |
| Անդամակցություն | Հայաստանի նկարիչների միություն |
Լավրենտ Վարդանյան (փետրվարի 5, 1948, Եղեգնաձոր, Հայկական ԽՍՀ, ԽՍՀՄ), հայ գեղանկարիչ։ Հայաստանի նկարիչների միության և ՅՈՒՆԵՍԿՕ-ի Կերպարվեստի միջազգային ասոցիացայի անդամ։
Կենսագրություն
[խմբագրել | խմբագրել կոդը]Լավրենտ Վարդանյան ծնվել է 1948 թվականի փետրվարի 5-ին Եղեգնաձորի շրջանի Գանձակ գյուղում։ 1968 թվականին ավարտել է Փ. Թերլեմեզյանի անվան գեղարվեստի ուսումնարանը, 1972 թվականին՝ Խաչատուր Աբովյանի հայկական մանկավարժական ինստիտուտի նկարչության բաժինը։ 1976 թվականին ցուցադրվել է Հանրապետական և միջազգային ցուցահանդեսներում։ 1994 թվականին ստացել է հետազոտող ուսուցչի տարակարգ։
Աշխատանքները գտնվում են Հայաստանի նկարիչների միության ֆոնդերում, մի շարք երկրների անհատական հավաքածուներում և ցուցահանդեսներում՝ Ռուսաստան, Լեհաստան, Բուլղարիա, Ֆրանսիա, Իսպանիա, Արգենտինա, ԱՄՆ, Կանադա, Մեքսիկա և այլ երկրներում։ ՀՀ նկարիչների միության անդամ և կերպարվեստի միջազգային ասոցիացայի անդամ է (Յունեսկո)[1]։
Ցուցահանդեսներ
[խմբագրել | խմբագրել կոդը]- 1991 - անհատական ցուցահանդես Երևանում
- 1992 - խմբակային ցուցահանդես Փարիզում (Ֆրանսիա)
- 1993 - անհատական ցուցահանդես Երևանում
- 1993 - խմբակային ցուցահանդես Շվեյցարիայում «EUROP’ ART-93»
- 1994 - ստացել է հետազոտող ուսուցչի տարակարգ
Ծանոթագրություններ
[խմբագրել | խմբագրել կոդը]- ↑ «Zarkfoundation - Լավրենտ Վարդանյան». zarkfoundation.com.