Jump to content

Էրին Էնդրյուս

Վիքիպեդիայից՝ ազատ հանրագիտարանից
Էրին Էնդրյուս
Դիմանկար
Ծնվել էմայիսի 4, 1978(1978-05-04)[1] (46 տարեկան)
ԾննդավայրԼյուիսթոն, Անդրոսկոգին շրջան, Մեն, ԱՄՆ
Քաղաքացիություն ԱՄՆ
ԿրթությունՖլորիդայի համալսարան և Bloomingdale High School?
Մասնագիտությունլրագրող և մարզական մեկնաբան
ԱմուսինJarret Stoll?
Կայքerinandrews.com
 Erin Andrews Վիքիպահեստում

Էրին Ջիլ Էնդրյուս (անգլ.՝ Erin Jill Andrews, մայիսի 4, 1978(1978-05-04)[1], Լյուիսթոն, Անդրոսկոգին շրջան, Մեն, ԱՄՆ), ամերիկացի լրագրողուհի, սպորտային մեկնաբան, ֆոտոմոդել, և դերասանուհի[2][3]։

Կենսագրություն

[խմբագրել | խմբագրել կոդը]

Էրին Ջիլ Էնդրյուսը ծնվել է 1978 թվականի մայիսի 4-ին Լյուիսթոն քաղաքում՝ ուսուցչուհի Պաուլա Էնդրյուսի և հեռուստալրագրող Սթիվեն Էնդրյուսի ընտանիքում։ Էրինն ավարտել է Բլումինգդեյլ դպրոցը Վալրիկոյում (Ֆլորիդա նահանգ)։ 2000 թվականին ավարտել է Ֆլորիդայի համալսարանը՝ հեռահաղորդակցության ոլորտում արվեստի բակալավրի աստիճանով։ Ունի կրտսեր քույր՝ Կենդրան։

Էրինը ֆուտբոլային խաղի ժամանակ

Գործունեություն

[խմբագրել | խմբագրել կոդը]

Էրինը հեռուստատեսային գործունեությունն սկսել է 2000 թվականին «Fox Sports Florida» ալիքում՝ որպես հեռուստալրագրող։ 2004 թվականից մինչև 2012 թվականն աշխատել է «ESPN» հեռուստաալիքում[4]։ 2012 թվականի հունիսից Էրինն աշխատել «FOX Sports» հեռուստաալիքում[5]։

2010 թվականին Մաքսիմ Չմերկովսկու հետ զուգապարով մասնակցել է «Պարեր աստղերի հետ» (անգլ.՝ Dancing with the Stars) շոուի տասներորդ եթերաշրջանին և գրավել է երրորդ տեղը[6]։

2010 թվականին ըստ «Maxim» ամսագրի դասկարգման «Hot 100» ցուցակում զբաղեցրել է 58-րդ տեղը[7], իսկ 2011 թվականին՝ 91-րդ տեղը[8][9][10]։

2013 թվականին «Choice TV Personality: Female» անվանակարգում առաջադրվել է «Teen Choice Awards» մրցանակի[11]։

«2015 թվականի ամենացանկալի կանայք» ցանկում զբաղեցրել է 83-րդ տեղը՝ ըստ AskMen[12] առցանց պորտալի վիճակագրության[13]։

Անձնական կյանք

[խմբագրել | խմբագրել կոդը]

2017 թվականից հունիսի 24-ին Էրինն ամուսնացել է հոկեյիստ Ջարեթ Սթոլլի հետ։ Զույգը սկսել էր հանդիպել ամուսնությունից չորսուկես տարի առաջ[14]։

2016 թվականին Էրինի մոտ ախտորոշվել է արգանդի վզիկի քաղցկեղ։ Նա երկու վիրահատություն է տարել, և 2017 թվականի հունվարի դրությամբ հիվանդությունն արդեն սկսել է նահաջել[15]։ Քանի դեռ Էրինի բուժումը ընթացքի մեջ էր, ամուսինները երեխա ունենալու մասին չէին մտածում, սակայն Էրինը կարծում է, որ երեխաներն իրենց կյանքին նոր իմաստ կհաղորդեն։ Էրինը և Ջարեթը որոշել են դիմել արտամարմնային բեղմնավորման (IVF)[16]:

Քաղցկեղը հաղթահարելուց հետո Էրինը, հիվանդության վերաբերյալ ճանաչողական արշավ ձեռնարկելու նպատակով, սկսել է համագործակցել կանանց առողջության պահպանմամբ և իրազեկմամբ զբաղվող կազմակերպության հետ։ Կազմակերպության նշանաբանն էր. «Մենք կարող ենք փոխել այս կարգավիճակը»։ Նա կոչով դիմել է բոլոր կանանց և նրանց ամուսիններին, որպեսզի ամուսինները խրախուսեն կանանց՝ պարբերաբար բժշկական հետազոտություն անցնելու, ինչը թույլ կտա հիվանդությունը հայտնաբերել և կանխարգելել վաղ փուլում[17]։

Ֆիլմագրություն

[խմբագրել | խմբագրել կոդը]
Տարեթիվ Հայերեն անվանում Օրիգինալ անվանում Դեր
2012 ֆիլմ Նա իմ տղան է That's My Boy Ռենդել Մորգանի քարտուղար
2013 ֆիլմ Դյուկ Կարոլինա, Կապույտ արյունների մրցակցությունը Duke-Carolina: The Blue Blood Rivalry Fox Sport ալիքի հեռուստալրագրող

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Internet Movie Database — 1990.
  2. ↑ Michael David Barrett: Man Arrested In Erin Andrews Peeping Tom Case
  3. ↑ «Erin Andrews and Sen. Amy Klobuchar Introduce Tougher Federal Anti-Stalking Bill». Արխիվացված է օրիգինալից 2013 թ․ հոկտեմբերի 23-ին. Վերցված է 2020 թ․ հունիսի 18-ին.
  4. ↑ Ouch. ESPN’s Erin Andrews must give up Reebok deal next year
  5. ↑ FOX Sports hires Erin Andrews
  6. ↑ 'Dancing with the stars' 2010: Erin Andrews and Maksim Chmerkovskiy tie with Nicole Scherzinger
  7. ↑ Erin Andrews 2010
  8. ↑ «Erin Andrews 2011». Արխիվացված է օրիգինալից 2013 թ․ հոկտեմբերի 25-ին. Վերցված է 2013 թ․ հոկտեմբերի 22-ին.
  9. ↑ Erin Andrews
  10. ↑ «Erin Andrews». Արխիվացված է օրիգինալից 2013 թ․ հոկտեմբերի 25-ին. Վերցված է 2013 թ․ հոկտեմբերի 22-ին.
  11. ↑ Teen Choice Awards Արխիվացված 2014-08-12 Wayback Machine
  12. ↑ AskMen - Ավստրալիայում, Կանադայում, Մերձավոր Արևելքում, Միացյալ Թագավորությունում և Միացյալ Նահանգներում միջազգային վարկածներով տղամարդկանց անվճար առցանց պորտալ
  13. ↑ Erin Andrews
  14. ↑ Dancing with the Stars Host Erin Andrews and Hockey Player Jarret Stoll Tie the Knot
  15. ↑ Erin Andrews Kept Her Cancer Diagnosis, Treatment a Secret from DWTS Costars: Sources
  16. ↑ «Erin Andrews opens up about IVF after battle with cervical cancer». TODAY.com (ամերիկյան անգլերեն). Վերցված է 2018 թ․ ապրիլի 4-ին.
  17. ↑ Minton, Melissa. «How Erin Andrews Coped With Her Cervical Cancer Diagnosis: 'You Need the First 24-48 Hours for a Meltdown'». SELF (անգլերեն). Վերցված է 2018 թ․ ապրիլի 4-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Էրին Էնդրյուս» հոդվածին։
Ֆոտո, վիդեո և աուդիո
Թեմատիկ կայքեր
Չափորոշչային վերահսկողություն
LCCN: no2014166910 · VIAF: 313410102 · WorldCat VIAF: 313410102
Ստացված է «https://hy.wikipedia.org/w/index.php?title=Էրին_Էնդրյուս&oldid=10097004» էջից