Գևորգ Նախշքարյան
Գևորգ Նախշքարյան | |
---|---|
Ծնվել է | 1917 |
Ծննդավայր | Գուսանագյուղ, Ալեքսանդրապոլի գավառ, Երևանի նահանգ |
Մահացել է | անհայտ |
Քաղաքացիություն | Ռուսական կայսրություն և ԽՍՀՄ |
Կրթություն | Հայկական պետական մանկավարժական համալսարան |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Գևորգ Սարիբեկի Նախշքարյան (1917, Գուսանագյուղ, Ալեքսանդրապոլի գավառ, Երևանի նահանգ - անհայտ), հայ մանկավարժ։ ԽՄԿԿ անդամ (1941)։ Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Գևորգ Նախշքարյանը ծնվել է 1917 թվականին, Անիի շրջանի Գուսանագյուղ գյուղում։ Ավարտել է Լենինականի մանկավարժական տեխնիկումը և Անիպեմզայի և Մարալիկի դպրոցներում դասավանդել հայոց լեզու և գրականություն, միաժամանակ սովորել է Երևանի հեռակա մանկավարժական ինստիտուտի լեզվագրական ֆակուլտետում[1]։
1941 թվականին, երբ սկսվել է Հայրենական մեծ պատերազմը, Գևորգ Նախշքարյանը եղել է Ձորակապի դպրոցի ուսմասվարը։ 1941 թվականին ընդունվել է ԽՄԿԿ շարքերը, կամավոր մեկնել է բանակ։ Ավարտել է քաղաքական աշխատողների կարճատև դասընթացները և լեյտենանտի կոչումով մեկնել է Հյուսիսարևմտյան ռազմաճակատ՝ 200-րդ գունդը։ Կռվել է Ստարայա Ռուսիայի ուղղությամբ, Դեմյանսկի պլացդարմում։ 1943 թվականի հունվարին 76 մմ. հրանոթների մարտկոցով ոչնչացրել է թշնամու կենդանի ուժն ու տեխնիկան։ Բրյանսկի ռազմաճակատում ցուցաբերած խիզախության համար Նախշքարյանը պարգևատրվել է «Մարտական ծառայությունների համար» մեդալով, Կարմիր աստղի, Հայրենական պատերազմի 2-րդ աստիճանի շքանշաններով և մի շարք մեդալներով[1]։
1946 թվականին Նախշքարյանը զորացրվել է և զբաղվել մանկավարժական աշխատանքով։ Ընտրվել է ՀԿԿ Անիի շրջկոմի քարտուղար, 1952 թվականին՝ Անիի շրջխորհրդի գործկոմի նախագահ, ապա՝ ՀԿԿ Անիի շրջկոմի առաջին քարտուղարը։ 1958-1961 թվականներին եղել է Նոյեմբերյանի շրջխորհրդի գործկոմի նախագահը, 1961-1980 թվականներին՝ ՀԿԿ Նոյեմբերյանի շրջկոմի առաջին քարտուղարը։ Պարգևատրվել է Հոկտեմբերյան հեղափոխության, Աշխատանքային կարմիր դրոշի, «Պատվո նշան» շքանշաններով, ՀԽՍՀ Գերագույն խորհրդի նախագահության պատվոգրով[1]։
1980-1984 թվականներին Նախշքարյանը եղել է ՀԽՍՀ գյուղատնտեսական նախարարի տեղակալ, ՀԽՍՀ 4-րդ, 6-10-րդ գումարումների Գերագույն խորհրդի պատգամավոր, ՀԿԿ Կենտկոմի անդամ։ Եղել է Հայաստանի որսորդների միության նախագահը[1]։
Պարգևներ[խմբագրել | խմբագրել կոդը]
- Կարմիր աստղի շքանշան
- «Մարտական ծառայությունների համար» մեդալ
- Հայրենական պատերազմի 2-րդ աստիճանի շքանշան
- Հոկտեմբերյան հեղափոխության շքանշան
- Աշխատանքային կարմիր դրոշի շքանշան
- «Պատվո նշան» շքանշան
Ծանոթագրություններ[խմբագրել | խմբագրել կոդը]
- 1917 ծնունդներ
- Մահվան ամսաթիվը չորոշված անձինք
- ՀՊՄՀ շրջանավարտներ
- ԽՄԿԿ անդամներ
- Հոկտեմբերյան հեղափոխության շքանշանով պարգևատրվածներ
- Հայրենական պատերազմի 2-րդ աստիճանի շքանշանակիրներ
- Աշխատանքային կարմիր դրոշի շքանշանի ասպետներ
- Կարմիր աստղի շքանշանի ասպետներ
- Պատվո շքանշանի ասպետներ (ԽՍՀՄ)
- Անձինք այբբենական կարգով
- Հայ մանկավարժներ
- Հայրենական մեծ պատերազմի հայ մասնակիցներ
- «Մարտական ծառայությունների համար» մեդալով պարգևատրվածներ