Աննա Մոլկա Ահմեդ

Աննա Մոլկա Ահմեդ; ուրդու՝ اینا مولکا احمد‎‎
Ծնվել է	օգոստոսի 13, 1917[…]
Ծննդավայր	Լոնդոն, Մեծ Բրիտանիայի և Իռլանդիայի միացյալ թագավորություն
Վախճանվել է	ապրիլի 20, 1994 (76 տարեկան)
Մահվան վայր	Լահոր, Պակիստան
Քաղաքացիություն	Պակիստան և Բրիտանական Հնդկաստան
Կրթություն	Սուրբ Մարտինի արվեստի և դիզայնի կենտրոնական քոլեջ և Գեղարվեստի թագավորական ակադեմիա
Դավանանք	իսլամ
Մասնագիտություն	նկարչուհի և ուսուցչուհի
Թեմաներ	գեղանկար և ուսուցիչ

Աննա Մոլկա Ահմեդ (ուրդու՝ اینا مولکا احمد‎, օգոստոսի 13, 1917(1917-08-13)^[1]^[2]^[3]^[…], Լոնդոն, Մեծ Բրիտանիայի և Իռլանդիայի միացյալ թագավորություն^[4] - ապրիլի 20, 1994(1994-04-20)^[1]^[3]^[5], Լահոր, Պակիստան), պակիստանցի նկարչուհի, Փենջաբի համալսարանի արվեստի պրոֆեսոր^[6], նախագահական մրցանակի դափնեկիր (1979), Տամգա-և-Իմտիազի քաղաքացիական աստիճանի շքանշանի ասպետ^[7]։

Կենսագրություն

Ծննդյան անունը՝ Մոլլի Բրիդգեր, ծնվել է 1917 թվականին Լոնդոնում, հրեական ընտանիքում։ Մայրը ծագումով Լեհաստանից էր, հայրը՝ Ռուսաստանից։ Գեղանկարչություն, քանդակագործություն և դիզայն ուսումնասիրել է Սուրբ Մարտինի քոլեջում։ Ուսումնառության համար կրթաթոշակ է ստացել Գեղարվեստի թագավորական ակադեմիայից։

1935 թվականին, 18 տարեկան հասակում, ամուսնանում է պակիստանցի ուսանող Շեյխ Ահմադի հետ և ընդունում իսլամ։ Ուսումն ավարտելուց հետո 1939 թվականի հոկտեմբերին տեղափոխվում է Պակիստան։ 1940 թվականից բնակվել է Լահորում։ Չնայած 1951 թվականին ամուսնալուծվել է, շարունակել է մնալ Պակիստանում։

1940 թվականին, Աննա Մոլկայի ջանքերով Փենջաբի համալսարանում բացվում է գեղեցիկ արվեստների բաժին (այժմ՝ Գեղարվեստի և դիզայնի քոլեջ) Պակիստանում առաջին նմանատիպ հաստատությունը, որն ընդունում է կանանց։ Այդ դպրոցն ամբողջ Պակիստանում արագորեն դառնում է գեղարվեստի ուսուցման կենտրոն։ Պրոֆեսոր Ահմեդի աշակերտներից են եղել Կոլին Դավիդը, Շաուքաթ Մահմուդը, Աբրար Թերմիզին, Գուլյամ Ռասուլը, Շահնավ ազ-Զայիդը, Ջավեդ Իգբալը և այլ նշանավոր նկարիչներ։ Քոլեջի համար կարողանում է ստանալ բակալավրի և մագիստրոսի թոշակի նշանակման արտոնագիր։ Գրել է նաև բանաստեղծություններ։

Մահացել է 1994 թվականի ապրիլի 21-ին Լահորում։

Պարգևներ

Տամգի-և-Իմտիազի շքանշան (1963)^[7]
1979 թվականի նախագահական մրցանակ
Կուադ-Է-Ազամի մրցանակ (1982)
Խուդեյա-տուլ-Կուբրայի մրցանակ (1983)

Ընտանիք

Ամուսին՝ Շոյխ Ահմեդ, նկարիչ (ամուսնալուծվել են 1951 թվականին)
Դուստրեր՝ Թահիրա Այազ, Զարա Դավիդ

Հիշատակ

2006 թվականի օգոստոսի 14-ին Պակիստանի փոստային վարչությունը թողարկել է Անե Մոլկե Ահմեդին նվիրված նամականիշ։ 4 ռուփի անվանական արժեքով նամականիշը պակիստանյան նկարիչներին նվիրված 10 դրոշմանիշերի շարքից է։

Ծանոթագրություններ

↑ ^1,0 ^1,1 ^1,2 ^1,3 ^1,4 Միջազգային տիպօրինակ անունների նույնացուցիչ — 2012.
↑ ^2,0 ^2,1 Anna Molka Ahmed
↑ ^3,0 ^3,1 ^3,2 ^3,3 ^3,4 Anna Molka Ahmed — OUP, 2006. — ISBN 978-0-19-977378-7
↑ ^4,0 ^4,1 ^4,2 Union List of Artist Names — 2005.
↑ ^5,0 ^5,1 ^5,2 Artnet — 1998.
↑ «The First Female Painter of Pakistan». Արխիվացված է օրիգինալից 2016 թ․ մայիսի 4-ին. Վերցված է 2018 թ․ փետրվարի 12-ին.
↑ ^7,0 ^7,1 Աննա Մոլկա Ահմեդ

Արտաքին հղումներ

[_546354c2f139ec76-1] 1,0 ^1,1 ^1,2 ^1,3 ^1,4 Միջազգային տիպօրինակ անունների նույնացուցիչ — 2012.

[_0e484e1cbe8e991d-2] 2,0 ^2,1 Anna Molka Ahmed

[_25636eb035d014d5-3] 3,0 ^3,1 ^3,2 ^3,3 ^3,4 Anna Molka Ahmed — OUP, 2006. — ISBN 978-0-19-977378-7

[_dbbff158d6714b96-4] 4,0 ^4,1 ^4,2 Union List of Artist Names — 2005.

[_df2fe634b42a490f-5] 5,0 ^5,1 ^5,2 Artnet — 1998.

[6] «The First Female Painter of Pakistan». Արխիվացված է օրիգինալից 2016 թ․ մայիսի 4-ին. Վերցված է 2018 թ․ փետրվարի 12-ին.

[Աննա-7] 7,0 ^7,1 Աննա Մոլկա Ահմեդ

[1]

[2]

[3]

[4]

[5]

[6]

[7]