Անագրացիա Կոստանցա Կալաբրիա
| Անագրացիա Կոստանցա Կալաբրիա իտալ.՝ Annagrazia Calabria | |
|---|---|
 | |
| Ծնվել է | մայիսի 6, 1982 (42 տարեկան) |
| Ծննդավայր | Նյու Յորք, Նյու Յորք, ԱՄՆ |
| Քաղաքացիություն |  ԱՄՆ և  Իտալիա |
| Մայրենի լեզու | իտալերեն |
| Կրթություն | Ազատ միջազգային հասարակական գիտությունների համալսարան Գիդո Կարլի |
| Մասնագիտություն | քաղաքական գործիչ |
| Զբաղեցրած պաշտոններ | Իտալիայի Պատգամավորների պալատի անդամ, Իտալիայի Պատգամավորների պալատի անդամ և Իտալիայի Պատգամավորների պալատի անդամ |
| Կուսակցություն | Ազատության ժողովուրդ |
 Annagrazia Calabria Վիքիպահեստում | |
Անագրացիա Կոստանցա Կալաբրիա (իտալ.՝ Annagrazia Costanza Calabria, մայիսի 6, 1982, Նյու Յորք, Նյու Յորք, ԱՄՆ), իտալացի քաղաքական գործիչ, Իտալիայի Պատգամավորների պալատի պատգամավոր «Առա՛ջ, Իտալիա» կուսակցությունից։
Կենսագրություն
[խմբագրել | խմբագրել կոդը]Ծագում
[խմբագրել | խմբագրել կոդը]Աննագրացիա Կալաբրիան ծնվել է 1982 թվականի մայիսի 6-ին, Նյու Յորքում։ Նա ամերիկյան Merrill Lynch բանկի եվրոպական մասնաճյուղի ղեկավար Կարլո դի Կալաբրիայի թոռնուհին է։ Հայրը Լուիջի Կալաբրիան է (իտալ.՝ Luigi Calabria), Leonardo-Finmeccanica կազմակերպության ֆինանսական նախկին տնօրենը, մայրը` Սինտիա Ալֆոնսին (իտալ.՝ Cynthia Alfonsi), «Azzurro Donna» շարժման լացիոյի տարածաշրջանային համակարգողը։ Մանկության ընթացքում նա բազմիցս այցելել էր Հռոմ՝ մասնակցելու «Առա՛ջ, Իտալիա» կուսակցության քննարկումների ակումբի հանդիպումներին[1]։
Կրթություն և աշխատանք
[խմբագրել | խմբագրել կոդը]2006 թվականին ավարտել է LUISS համալսարանը` իրավագիտության որակավորմամբ, այնուհետև աշխատել է Allen & Overy իրավաբանական ընկերության Հռոմի մասնաճյուղում։ 2008 թվականից 2014 թվականներին եղել է Իտալիա-ԱՄՆ հիմնադրամի գիտական հանձնաժողովի քարտուղար։ 2009 թվականից աշխատում է Ասպենի ինստիտուտում` որպես կրտսեր գիտաշխատող[2][3]։
Քաղաքական գործունեություն
[խմբագրել | խմբագրել կոդը]2001 թվականին, 19 տարեկան հասակում, նա «Roma Nostra» ցուցակի կազմում մասնակցել է Հռոմում անցկացվող ավագանու ընտրություններին՝ ի պաշտպանություն Հռոմի քաղաքապետի թեկնածու Անտոնիո Տայանիի, բայց հավաքել է ընդամենը 135 ձայն[4]։ Հետագայում միացել է «Առա՛ջ Իտալիա. երիտասարդությունը հանուն ազատության» շարժմանը՝ նախագահելով երիտասարդական քաղաքականության հանձնաժողովը և ծառայել է որպես Լացիոյի տարածաշրջանային համակարգող։
Աննագրացիա Կալաբրիան պատգամավորների պալատ է ընտրվել 2008 թվականի ապրիլի 29-ին` Լացիո 1-ի խորհրդարանական ընտրությունների արդյունքում և դարձել է նոր խորհրդարանի ամենաերիտասարդ պատգամավորը։ Նա զբաղեցրել է Ջովանի Ալեմանոյի տեղը, ով հաղթել է Հռոմի քաղաքապետի ընտրություններում։ Պատգամավորների պալատի նիստերին Կալաբրիան աշխատել է որպես «Ազատության ժողովուրդ» խմբակցության անդամ[5]։ 2009 թվականի հունվարի 19-ին անդրազգային Արմատական կուսակցության անդամ է դարձել ԱՄՆ նախագահ Բարաք Օբամայի երդմնակալության առիթով և կոչ է արել շատերին հետևել իր օրինակին[6]։ Մարտի 27-ին բացել է «Ազատության ժողովուրդ» կուսակցության համագումարը[7]։
2013 թվականի մարտի 5-ին Կալաբրիան վերընտրվել է Պյեմոնտի I շրջանի հերթական ընտրություններում՝ մարտի 19-ին մտնելով Սիլվիո Բեռլուսկոնիի աջ կենտրոնամետ կոալիցիայի մեջ։ Հուլիսի 19-ից երեխաների և երիտասարդության հարցերի խորհրդարանի մշտական հանձնաժողովի անդամ է։ Նոյեմբերի 16-ին «Ազատության ժողովրդի» լուծարումից հետո տեղափոխվել է «Առա՛ջ, Իտալիա» կուսակցություն[8][9]` 2014 թվականի մարտի 24-ին դառնալով կուսակցության նախագահության կոմիտեի անդամ։
Դեռևս 2010 թվականի դեկտեմբերի 17-ին Աննագրացիան Ֆրանչեսկո Պասկուալիի հրաժարականից հետո, որը միացել էր «Ապագա և ազատություն Իտալիայի համար» կուսակցությանը, նշանակվել էր «Երիտասարդ Իտալիա» շարժման ազգային համակարգող։ Կալաբրիան սկսել է ղեկավարել շարժումը Ջորջա Մելոնիի հետ հավասար[10]։ Կալաբրիայի նշանակումը վրդովմունք է առաջացրել «Ազատության ժողովուրդ» կուսակցությունում, իսկ գլխավոր քննադատը դարձել է Վիրջիլիո Ֆալկոն՝ ուսանողական թևի նախկին ազգային համակարգողը, որը 2011 թվականի փետրվարի 10-ին իր բոլոր պաշտոններից հրաժարական է տվել ի նշան բողոքի[11][12][13][14][15]։ 2015 թվականի հուլիսի 21-ից Կալաբրիան աշխատում է առաջին հանձնաժողովում (Սահմանադրության, խորհրդի նախագահի և ներքին գործերի հարցերով) ։
Անագրացիայի մտերիմ ընկերուհիներից մեկը Մարիառոզարիա Ռոսսին է[16][17]։
Ծանոթագրություններ
[խմբագրել | խմբագրել կոդը]- ↑ Mi sembrava un angelo (իտալ.)
- ↑ «CV, Huffington Post». Արխիվացված է օրիգինալից 2017 թ․ մայիսի 28-ին. Վերցված է 2020 թ․ օգոստոսի 24-ին.
- ↑ La Notizia Giornale
- ↑ Preferenze (իտալ.)
- ↑ Annagrazia, onorevole «baby» al posto del sindaco (իտալ.)
- ↑ Notizia dell'adesione d'Annagrazia Calabria all'Obama Day indetto dal Partito Radicale Transnazionale Արխիվացված 2009-01-20 Wayback Machine (իտալ.)
- ↑ Nasce il Pdl, si parte con i giovani (իտալ.)
- ↑ Camera dei Deputati: Composizione del gruppo FORZA ITALIA - IL POPOLO DELLA LIBERTA' - BERLUSCONI PRESIDENTE (իտալ.)
- ↑ L'addio al Pdl (in frantumi), rinasce Forza Italia (իտալ.)
- ↑ Sole24Ore - Calabria coordina la Giovane Italia (իտալ.)
- ↑ POLITICA: FALCO LASCIA IL PDL E SCEGLIE CASINI Արխիվացված 2013-12-02 Wayback Machine (իտալ.)
- ↑ GOVERNO: FALCO (GIOVANI PDL): "LASCIO BERLUSCONI E SCELGO CASINI" Արխիվացված 2013-12-02 Wayback Machine (իտալ.)
- ↑ Falco (Giovani Pdl): “Lascio Berlusconi E Scelgo Casini, Nel Pdl Non C'È Meritocrazia” Արխիվացված 2013-04-13 archive.today (իտալ.)
- ↑ Sole24Ore - La prediletta di Berlusconi(իտալ.)
- ↑ Annagrazia Calabria, la prediletta di Berlusconi che ora coordina la Giovane Italia(իտալ.)
- ↑ Giorgio Dell’Arti (2014 թ․ փետրվարի 14). «Mariarosaria Rossi». Cinquantamila Giorni (իտալերեն). Corriere della Sera. Արխիվացված է օրիգինալից 2015 թ․ ապրիլի 14-ին. Վերցված է 2015 թ․ ապրիլի 8-ին.
- ↑ Emanuela Bertolone (2014 թ․ սեպտեմբերի 11). «Mariarosaria Rossi, tesoriere di Forza Italia, convoca una riunione per trovare soluzione stipendi» (իտալերեն). Donna Glamour. Արխիվացված է օրիգինալից 2015 թ․ ապրիլի 14-ին. Վերցված է 2015 թ․ ապրիլի 8-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Անագրացիա Կոստանցա Կալաբրիա» հոդվածին։ |
