PNL (ռեփ դուետ)
| PNL | |
|---|---|
_%2716_concert.jpg) Դուետը 2016 թվականին (ձախում՝ Էն.Օ.Էս, աջում՝ Ադեմո) | |
| Հիմնական տվյալներ | |
| Երկիր | Կորբեյ Էսոն, Իլ դը Ֆրանս,  Ֆրանսիա |
| Ժանրեր | Քլաուդ ռեփ, ալտերնատիվ ռեփ, թրեփ |
| Գործունեություն | 2014-ներկա |
| Լեյբլ | PNL Records (2014–2015) QLF Records (2015–ներկա) Musicast (2015–2018) Believe Digital (2018–ներկա) |
| Կայք | shop.qlf.fr |
| Անդամներ | |
| Ադեմո Էն.Օ.Էս | |
 PNL Վիքիպահեստում | |
PNL («Peace N' Lovés» [Խաղաղություն Ու Փող] բառի հապավումը), ֆրանսիական ռեփ դուետ, որի անդամներն են Ադեմոն (ֆր.՝ Ademo, իրական անունը՝ Թարիք Անդրիու ֆր.՝ Tarik Andrieu, ծնվ. 1986թ. դեկտեմբերի 26) և Էն.Օ.Էսը (ֆր.՝ N.O.S, իրական անունը՝ Նաբիլ Անդրիու ֆր.՝ Nabil Andrieu, ծնվ. 1989թ. ապրիլի 25)։ Եղբայրները ծագումով ալժիրցի են։
Դուետն հայտնի է մամուլում հարցազրույցների բացարձակ բացակայությամբ, ինչպես նաև իրենց նորարարական տեսահոլովակներով, որոնք նկարահանվել են Ճապոնիայում, ԱՄՆ-ում, Իտալիայում, Իսլանդիայում, Հարավային Աֆրիկայում, Նամիբիայում, Ջամայկայում և այլուր։
Գործունեություն
[խմբագրել | խմբագրել կոդը]Դուետը հիմնադրվել է 2014 թվականին, իսկ հաջորդ տարի թողարկել է իր «Le Monde Chico» անվանումը կրող դեբյուտային ստուդիական ալբոմը[1]։ 2016 թվականին թողարկվել է «Dans la légende» կոչվող երկրորդ ալբոմը, որը ունեցել է շուրջ է 1 միլիոն օրինակի վաճառք և ստացել է ադամանդե սերտիֆիկատ[2]։
2017 թվականին PNL-ն պետք է ելույթ ունենար ԱՄՆ-ում անցկացվող Coachella երաժշտական փառատոնին, սակայն Ադեմոյի դատվածության պատճառով մերժել էին նրանց մուտքն ԱՄՆ[3]։ 2019 թվականին դուետը թողարկեց իր «Deux frères» կոչվող երրորդ ալբոմը, որը առաջին շաբաթում վաճառվեց 100,000 օրինակով[4]։ 2020 թվականին Netflix-ում ներկայացվեց դուետի մեկ ժամանոց համերգային ֆիլմը, որը նկարահանվել է 2017 թվականի շրջագայության ընթացքում[5]։
Երաժշտական ոճ
[խմբագրել | խմբագրել կոդը]PNL-ը ստեղծագործում է քլաուդ ռեփ ոճում։ Ֆրանսիացի լրագրող Օլիվիե Կաշենն նրանց ոճն անվանել է «հում, հիպնոզացնող և հուզիչ», որն ըստ նրա թարմություն է տալիս ֆրանսիական ռեփին[6]։ Դուետի երգերի հիմնական թեմաներն են` փող, թմրանյութերի վաճառք, ընտանիք և այլ մարդկանցից տարբերվելու զգացողությունը[7]։
Սկավառակագրություն
[խմբագրել | խմբագրել կոդը]Ստուդիական ալբոմներ
[խմբագրել | խմբագրել կոդը]- «Le Monde Chico» (2015)
- «Dans la légende» (2016)
- «Deux frères» (2019)
Միքսթեյփեր
[խմբագրել | խմբագրել կոդը]- «Que la famille» (2015)
Ծանոթագրություններ
[խմբագրել | խմբագրել կոդը]- ↑ «PNL, nouvelle icône du rap français». Le Temps.
- ↑ «PNL entre Dans La Légende en battant ce nouveau record». Melty.
- ↑ «PNL au festival Coachella avec Beyoncé et Radiohead». The Huffington Post.
- ↑ «PNL : les chiffres stratosphériques de la première semaine de "Deux Frères"». Mouv.
- ↑ «PNL x Netflix : le concert de Bercy 2017 est disponible». Mouv.
- ↑ «PNL, le phénomène rap : cru, hypnotique et émouvant... Ils réinventent leur art». Le Nouvel Obs.
- ↑ «Quand une prof de français examine les paroles de PNL». Télérama.
Արտաքին հղումներ
[խմբագրել | խմբագրել կոդը]- Պաշտոնական կայք Արխիվացված 2021-03-21 Wayback Machine
 | Վիքիպահեստն ունի նյութեր, որոնք վերաբերում են «PNL (ռեփ դուետ)» հոդվածին։ |
| ||||||||||||||
