Erste Bank

Վիքիպեդիայից՝ ազատ հանրագիտարանից
Erste Bank
Erste Bank der oesterreichischen Sparkassen AG
Erste Bank Logo.svg
Տեսակ Բանկ
Ընկերության տեսակ Բաժնետիրական ընկերություն
Հիմնադրված է 1819թ.
Վայր Վիեննա
Երկիր Ավստրիա
Ծառայություններ Ֆիզիկական անձնաց մատուցվող ֆինանսական ծառայությունների փաթեթ, փոքր և միջին բիզնեսի ֆինանսավորում
Զուտ շահույթ 1.015.400 եվրո (2010)
Աշխատողների թիվ 50.272 մարդ (2010)
Մայր ընկերություն Erste Group
Կայք www.erstebank.at
Erste Bank Վիքիպահեստում

Erste Bank (պաշտոնական Erste Bank der oesterreichischen Sparkassen AG), ավստրիական մանրածախ բանկ է, որի շտաբ-գրասենյակը տեղակայված է Ավստրիայի մայրաքաղաք Վիեննայում: Հիմնադրվել է 1819 թվականին: Այն Erste Group Bank AG ֆինանսական խմբի հնագույն բանկն է: Բացի այդ, Erste Bank անվան ներքո հաճախ հասկացվում է նաև Erste Group Bank AG ֆինանսական խմբի ամբողջ բանկային բիզնեսը, Կենտրոնական և Արևելյան Եվրոպայում տեղակայված բազմաթիվ դուստր բանկերի հետ միասին: Erste Group Bank AG հոլդինգը Կենտրոնական և Արևելյան Եվրոպայում ֆինանսական ծառայությունների խոշոր մատակարարներից մեկն է[1][2][3]:

Erste Group Bank AG-ն, որը մասնագիտացած է մանրածախ բիզնեսի և փոքր ու միջին ձեռնարկություններին ֆինանսական ծառայություններ մատուցելու գործում, ունի ավելի քան 50.000 աշխատակից և 8 երկրներում (Ավստրիա, Չեխիա, Սլովակիա, Ռումինա, Հունգարիա, Խորվաթիա, Սերբիա և Ուկրաինա) ավելի քան 3200 մասնաճյուղ[4][1][5]:

Ձևավորման և զարգացման պատմություն[խմբագրել | խմբագրել կոդը]

Նապոլեոնյան պատերազմների դժվար տարիներից հետո Ֆրանց I կայսրը մտադրություն է հայտնում, որ Գերմանիայի և Մեծ Բրաիտանիայի նմանությամբ Ավստրիայում նույնպես ձևավորվեն խնայողական դրամարկղեր:

Առաջինն ով որոշում է կազմակերպել այդ գործը Վիեննայի Սուրբ Լեոպոլդ եկեղեցու վանահայրն Յոհան Վապտիստ Վեբերն էր: 1819 թվականին նա հիմնում է Verein der Ersten österreichischen Spar-Casse բանկային հաստատությունը, որի առաջին մասնաճյուղը բացվում է նույն թվականի հոկտեմբերի 4-ին[3]:

1993 թվականին, բանկերի մասին օրենքի փոփոխության համաձայն, ընկերությունը ձևափոխվում է՝ դառնալով Die Erste österreichische Spar-Casse-Bank AG անվանումով բաժնետիրական ընկերություն, կրճատ՝«Erste Bank»[3]:

Նախկին հոլդինգը (AVS) ընդհանուր առմամբ փոխում է իր անվանումը Die Erste österreichische Spar-Casse Anteilsverwaltungssparkasse (AVS) և հաճախ կրճատ անվանվում որպես «Erste Group»: 2003 թվականին AVS-ի հիմքի վրա ստեղծվում է DIE ERSTE österreichische Spar-Casse Privatstiftung-ը[3]:

Միաձուլումը GiroCredit- ի հետ[խմբագրել | խմբագրել կոդը]

1997 թվականից սկսած ժամանակահատվածում, երբ DIE ERSTE-ն թարմացնում է իր ռազմավարությունը, որպեսզի Կենտրանական և Արևելյան Եվրոպայում մանրածախ բիզնեսով զբաղվի, ընկերության հաճախորդների բազան 600 հազարից աճում է մինչև 17 միլիոնի: Դա առավելապես տեղի է ունենում մածաթիվ միաձուլումների և ձեռքբերումների արդյունքում, որոնցից ամենամեծը 1997 թվականին GiroCredit բանկի հետ միաձուլումն էր[3]:

1997 թվականի հունիսի 27-ի դրությամբ Die Erste-ին միաձուլման արդյունքում միանում է GiroCredit-ը: Die Erste-ն և AVS-ը ձեռք են բերում Anteilsverwaltungssparkasse Zentralsparkasse-ի բաժնետոմսերի 51,1 %-ը, որը գումարվում է դրանց տնօրինության տակ նախապես գտնվող 26 % բաժնետոմսերի փաթեթին[3]:

Ժառանգման ակտի միջոցով Die Erste-ն դառնում է GiroCredit-ի բոլոր իրավունքների և պարտավորությունների տնօրինողը: Միաձուլումը հավանության է արժանանում Die Erste-ի բաժնետերերի ընդհանուր ժողովի կողմից 1997 թվականի օգոստոսի 21-ին և իրավական ուժ է ստանում 1997 թվականի հոկտեմբերի 4-ին ձեռնարկությունների ռեգիստրում գրանցվելուց հետո: Միևնույն ժամանակ Die Erste österreichische Spar-Casse - Bank AG-ն անվանափոխվում է Erste Bank der Oesterreichischen Sparkassen AG-ի[3]:

Ընդլայնումը Կենտրոնական և Արևելյան Եվրոպայում[խմբագրել | խմբագրել կոդը]

Erste Bank-ի շտաբ-գրասենյակի շենքը, Վիեննա
Հունգարիայում բանկն ընդլայնվում է 1998 թվականին Hungarian Mezöbank-ի հետ միաձուլմամբ, որը մեծությամբ 5-րդ մասնաճյուղային ցանցն էր Հունգարիայում (արդյունքում անվանափոխվում է Erste Bank Hungary Rt.): Կենտրոնական և Արևելյան Եվրոպայում Erste Bank-ին լավ մեկնարկային դիրք է ապահովվում: 2003 թվականին Erste Group-ը շահում է Hungary Postabank-ի 99,94 % բաժնետոմսերը գնելու տենդերը, և 2004 թվականին միավորում այն Հունգարիայի Erste Bank-ի հետ: Միավորված նոր բանկը մեծությամբ երկրորդ մանրածախ բանկն է Հունգարիայում՝ 0,9 միլիոն հաճախորդների և շուկայում ֆիզիկական անձ հանդիսացող հաճախորդների 8 % մասնաբաժնով:
Խորվաթիայում 1999 թվականին Steiermärkische Bank und Sparkassen AG-ի հետ միասին Erste Group-ը հետևողականորեն ձեռք է բերում խորվաթական 3 ոչ խոշոր բանկերի (Bjelovarska banka, Trgovacka banka և Cakovecka banka) գլխավոր բաժնեմասը՝ միավորելով դրանք Erste & Steiermärkische բանկի կազմում: 2002 թվականին Erste Group-ը ձեռք է բերում նաև Riječka բանկի 85 % բաժնեմասը: Խորվաթական շուկայի գործառնությունների ծավալով երրորդ բանկի հետ միացման արդյունքն են դառնում 800.000 հավելյալ հաճախորդները և ավանդների ընդհանուր շուկայի 13 %-ի ձեռք բերում:
2000 թվականին Erste Bank-ը ձեռք է բերում Česká spořitelna բանկի 52 % բաժնեմասը (2002 և 2003 թվականներին հասցնելով 98 %): Česká spořitelna-ն հանդիսանում է Չեխիայի Հնարապետության առաջատար մանրածախ բանկը, որը սպասարկում էր 5,3 միլիոն հաճախորդ և ավանդների շուկայի 30 %-ն էր զբաղեցնում:
2001 թվականին Erste Bank-ը ձեռք է բերում Slovenská sporiteľňa բանկի 87 % բաժնեմասը (2005 թվականին հասցնելով 100 %). Slovenská sporiteľňa-ն Սլովակիայի խոշորագույն բանկն էր, որը սպասարկում էր 2,5 միլիոն հաճախորդի և ավանդների շուկայի շուրջ 28 %-ն էր գրավում:
2005 թվականի դեկտեմբերին Erste Group-ը շահում է Banca Comercială Română (BCR) 61,88% բաժնեմասը ձեռք բերելու տենդերը (2006 թվականին բաժնեմասը հասցնում է 69,17 %): BCR-ը Ռումինիայի խոշորագույն բանկն էր՝ 4,3 միլիոն հաճախորդներով և ավանդների շուկայի 23 % մասնաբաժնով:
Erste Group-ը Սերբիայում ձեռք է բերել Novosadska բանկի 83,3 % բաժնեմասը: Steiermärkische Sparkasse բանկի հետ ռազմավարական գործակցության պայմանագրով, Erste Group այժմ տնօրինում է միաձուլման արդյունքում ստեղծված Erste Bank Serbia’s-ի 80,49 % բաժնեմասը:
Erste Bank-ը գնել է ուկրաինական «Պրեստիժ» բանկի 100 % բաժնեմասը և անվանափոխել «Erste Bank Ուկրաինա»: Այն այժմ Ուկրաինայում ավանդների շուկայի 1 % մասնաբաժինն ունի:

Erste Group-ի նոր կառուցվածք[խմբագրել | խմբագրել կոդը]

Ընկերությունում նոր կառուցվածք ունենալու անհրաժեշտություն զգացվեց Կենտրոնական և Արևելյան Եվրոպայում ընդլայնվելու արդյունքում: 2008 թվականի օգոստոսի 9-ին ստեղծվեց Erste Group Bank AG հոլդինգը, որում դուստր ձեռնարկության իրավունքներով ներառվեց Erste Bank der österreichischen Sparkassen AG-ն, ինչպես նաև կենտրանական ու արևելաեվրոպական բանկերի մասնաճյուղերը:

Կենտրոնական և Արևելյան Եվրոպայում դուստր ձեռնարկություններ[խմբագրել | խմբագրել կոդը]

  • Erste Group Bank AG հոլդինգը ներառում է Կենտրանական և Արևելյան Եվրոպայի 8 երկրների տեղական բանկեր
  • Ավստրիա՝ Erste Bank der oesterreichischen Sparkassen AG
  • Չեխիայի Հնարապետություն՝ Česká spořitelna a.s.
  • Սլովակիա՝ Slovenská sporiteľňa
  • Հունգարիա՝ Erste Bank Hungary Zrt.
  • Խորվաթիա՝ Erste & Steiermärkische Bank d.d.
  • Սրբիա՝ Erste Bank Novi Sad
  • Ռումինիա՝ Banca Comerciala Romana
  • Ուկրաինա՝ Erste Bank Ukraine AT (մինչև 2013 թվականի կեսերը)

Ծանոթագրություններ[խմբագրել | խմբագրել կոդը]

  1. 1,0 1,1 Հիմնային տեղեկատվություն Erste Bank-ի մասին:(անգլ.)
  2. About Erste Bank.(անգլ.)
  3. 3,0 3,1 3,2 3,3 3,4 3,5 3,6 Company Overview of Erste Group Bank AG.(անգլ.)
  4. «Annual Report 2010 2010»։ Erste Group Bank։ Արխիվացված օրիգինալից-ից 2011-08-09-ին։ Վերցված է 2011-03-04  (անգլ.)
  5. 5,0 5,1 Unsere Filialen und Öffnungszeiten.(գերմ.)
  6. 6,0 6,1 6,2 6,3 6,4 6,5 Ընկերության գործունեության ընդգրկվածության մասին տեղեկատվություն:(անգլ.)