Խնայողական դրամարկղներ

Խնայողական դրամարկղներ, վարկային հիմնարկություններ, որոնց հիմնական ֆունկցիան բնակչության դրամական խնայողությունների և ժամանակավորապես ազատ դրամական միջոցների ներգրավումն է։

Ծագել են Եվրոպայում, 18-րդ դարի վերջին - 19-րդ դարի սկզբին՝ մասնավոր ընկերությունների, մունիցիպալիտետների և պետության կողմից։ Կապիտալիստական երկրներում խնայողական դրամարկղների միջոցներն օգտագործվում են ռազմական ծախսերը ֆինանսավորելու, բյուջեի դեֆիցիտը ծածկելու համար։ Ավանդների մեծ մասը պատկանում է ռանտյեներին, մանր ու միջին ձեռնարկատերերին։

20-րդ դարի վերջին ինտերնետային բանկինգի ի հայտ գալը նոր շունչ հաղորդեց խնայողական բանկային գործին, որն առավել բարձր տոկոսներ սկսեց վճարեց այն հաճախորդներին, ովքեր նախապատվությունը տվեցին իրենց ֆինասնական գործարքները միայն համացանցով իրականացնելուն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 60)։