Ֆրանգոկաստելո

Ֆրանգոկաստելո; հուն․՝ Φραγκοκάστελλο
	Նկարագրություն
Տեսակ	ամրոց
Տեղագրություն	Հունաստան, Կրետե
Վարչական միավոր	Սֆակիոն, Կրետե
Երկիր	Հունաստան
Կառուցված	1371
	Frangokastello Վիքիպահեստում

Ֆրանգոկաստելո ամրոց (հուն․՝ Φραγκοκάστελλο), վենետիկյան ամրոց Հունաստանի Կրետե կղզու վրա^[1]։ Նախկինում այս վայրում եղել է համանուն գյուղական բնակավայր, որը ներկայումս քանդված է։

Ֆրանգոկաստելոն համարվում է ամենալավ պահպանված վենետիկյա ամրությունը ոչ միայն Կրետեում, այլև ամբողջ Հունաստանում։ Ամրոցը գտնվում Կրետեի Ստաֆկիոնի նոմոսում՝ Խորա Ստաֆկիոն քաղաքից 15 կմ դեպի արևելք։

Պատմություն[խմբագրել | խմբագրել կոդը]

Ամրոցը կառուցվել է 1371-1374 թվականներին՝ վենետիկցիների կողմից։ Ֆրանգոկաստելոյի ամրոցը կառուցվել է ծովահենների հարձակումներից պաշտպանվելու և Ստաֆկիոնում կարգ ու կանոն հաստտելու համար։

Ամրոցի վենետիկյան անվանումն է Սուրբ Նիկիտայի ամրոց։ Այն կոչվել է ի պատիվ դրա շրջակայքում գտնվող եկեղեցու, որի ավերակները պահպանվել են Ֆրանգոկաստելոյի ամրոցից ոչ հեռու։ Ամրոցի «Ֆրանգոկաստելո» անվանումները տրվել է տեղացիների կողմից, որը բառացիորեն թարգմանաբար նշանակում է օտարերկրացիների ամրոց։ Ի վերջո այն դարձել է ամրոցի հիմնական անվանումը։

Վենետիկի հանրապետության տիրապետության շրջանում ամրոցը գրեթե չի օգտագործվել։ Առաջին անգամ այն օգտագործվել է Օսմանյան կայսրության տիրապետության շրջանում։

1770 թվականին ամրոցը ծառայել է Կրետեի ապստամբության համար։ 1827 թվականի մայիսի 17-ին մոտ հարյուր ձիավորներ և 600 զինվորներ՝ հույն անվանի զորավար Հատզիմիհալիս Դալիանիսի (հուն․՝ Χατζημιχάλης Νταλιάνης) գլխավորությամբ փորձել են ազատագրել Կրետեն և գրավել ամրոցը։

Այդ ժամանակ 8000 թուրքերը Մուստաֆա փաշայի գլխավորությամբ պաշարեցին Ֆրանգոկաստելոն և գազանաբար տապալեցին ապստամբներին։