Օլգա Լաններ

Վիքիպեդիայից՝ ազատ հանրագիտարանից
Jump to navigation Jump to search
Օլգա Լաններ
շվեդերեն՝ Olga Maria Lanner
Olga Lanner.jpg
Ծնվել էսեպտեմբերի 1, 1884(1884-09-01)
ԾննդավայրԿարլստադ, Շվեդիա
Վախճանվել էհուլիսի 26, 1961(1961-07-26) (76 տարեկան)
Մահվան վայրԿլարա ծխական համայնք, Շվեդիա
ՔաղաքացիությունFlag of Sweden.svg Շվեդիա[1]
Մասնագիտությունքանդակագործ

Օլգա Մարիա Լաններ (շվեդերեն՝ Olga Maria Lanner, սեպտեմբերի 1, 1884(1884-09-01), Կարլստադ, Շվեդիա - հուլիսի 26, 1961(1961-07-26), Կլարա ծխական համայնք, Շվեդիա), շվեդ նկարիչ, քանդակագործ և ոսկերիչ:

Կենսագրություն և ստեղծագործություն[խմբագրել | խմբագրել կոդը]

Օլգա Լանները ծնվել է 1884 թվականին Կարլստադում: Ընտանիքում կար ութ երեխա: 1903-1906 թվականներին Լանները սովորել է Ստոկհոլմի տեխնիկական դպրոցում (Tekniska skolan), այնուհետև ուսումը շարունակել է Գերմանիայում, Ֆրանսիայում և Իտալիայում: Շվեդիա վերադառնալուց հետո նա որոշ ժամանակ ապրել է Արվիկայում (Վերմլանդ), որտեղ շփվել է այսպես կոչված «ռակենյան խմբի» (Rackengruppen) նկարիչների և արհեստավորների հետ[2]: Օլգա Լաններն իր կարիերան սկսել է արծաթյա զարդերի պատրաստմամբ: 1909 թվականին նրա արտադրանքը ցուցադրվում էր Շվեդիայի արհեստավորների ասոցիացիայի (Svenska Slöjdföreningen) կազմակերպած ցուցահանդեսում: Այնուհետև, 1911 թվականին, Արվիկում կազմակերպած ցուցահանդեսում նա ներկայացրել է ինչպես սեփական արվեստանոցում պատրաստված պղնձե և արծաթյա զարդեր, այնպես էլ կռածո երկաթից մոմակալներ: Լանների այդ ժամանակաշրջանի գործերում զգացվում էր «յուգենդստիլ» ոճի ազդեցությունը նկարչի անհատական մեկնաբանությամբ: Շվեդիայի ազգային թանգարանում պահվում է 1913 թվականին նրա պատրաստած սարդի ցանցի տեսքով արծաթե զարդը, որի մեջ ընկած են չորս ճանճեր[2]:

1914 թվականին Օլգա Լանները բացել է իր արվեստանոցը Ստոկհոլմում, որտեղ նա զբաղվել է կռման և քանդակադրոշման աշխատանքներով: Նույն թվականին ստեղծել է յուրահատուկ զոհասեղան-քանդակ՝ յոթ արծաթե սկավառակով` այդ ժամանակ օծված Էնգելբրեկտ եկեղեցու համար: Բացի այդ, նա պատրաստել է նաև չորս հատակադիր երկաթակուռ ճյուղավոր ոսկեզօծ մոմակալներ նույն եկեղեցու համար: 1915 թվականին նա իր աշխատանքները ցուցադրել է Սան Ֆրանցիսկոյի Համաշխարհային ցուցահանդեսում[2]:

Քանդակագործական ժանրում Օլգա Լանները ստեղծեց բազմաթիվ պատկերներ և դիմաքանդակներ, այդ թվում` նկարիչ Հաննա Պաուլիի դիմաքանդակը: Օլգա Լանների «Mr G. som tennisspelare» (պարոն Գ. Թենիսիստ) քանդակի համար որպես բնորդ հանդես է եկել (կեցվածք է ընդունել) թագավոր Գուստավ V[2]:

Օլգա Լանները մահացել է 1961 թվականին Ստոկհոլմում: Թաղված է Կարլստադում[2]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]