Հաննա Հիրշ-Պաուլի
 շվեդ.՝ Hanna Hirsch-Pauli | |
|---|---|
 | |
| Ի ծնե | շվեդ.՝ Hanna Hirsch |
| Ծնվել է | հունվարի 13, 1864[1][2][3] |
| Ծննդավայր | Ստոկհոլմ, Շվեդիա[1][4] |
| Վախճանվել է | դեկտեմբերի 29, 1940[1][5][3] (76 տարեկան) |
| Մահվան վայր | Nacka församling, Նակկա, Ստոկհոլմի լեն, Շվեդիա[2][6] |
| Քաղաքացիություն |  Շվեդիա |
| Կրթություն | Կոլարոսսիի ակադեմիա (1887)[1], August Malmströms konstskola? (1879)[5][1] և Շվեդիայի գեղարվեստի թագավորական ակադեմիա (1885)[1] |
| Մասնագիտություն | նկարչուհի |
| Ուշագրավ աշխատանքներ | Ընկերներ, Նախաճաշի ժամանակը և Carin Wästberg. Study? |
| Աշակերտներ | Eda Douscha? և Հելգա Սթենհամար |
| Անդամակցություն | Շվեդական տուն և Tolfterna? |
| Հայր | Աբրահամ Հիրշ[4][1] |
| Մայր | Paulina Meyerson?[4] |
| Ամուսին | Գեորգ Պաուլի[1] |
 Hanna Pauli Վիքիպահեստում | |
Հաննա Հիրշ, ավելի ուշ՝ Հաննա Պաուլի[7] (շվեդ.՝ Hanna Pauli, հունվարի 13, 1864[1][2][3], Ստոկհոլմ, Շվեդիա[1][4] - դեկտեմբերի 29, 1940[1][5][3], Nacka församling, Նակկա, Ստոկհոլմի լեն, Շվեդիա[2][6]), շվեդ նկարչուհի, նկարել է հիմնականում կենցաղային ժանրում և դիմանկարներ։
Կենսագրություն
[խմբագրել | խմբագրել կոդը]Հաննա Հիրշ-Պաուլին ծնվել է 1864 թվականի հունվարի 13-ին Ստոկհոլմում, երաժշտական հրատարակիչ Աբրահամ Հիրշի (Abraham Hirsch) ընտանիքում, նրա հորեղբայրը՝ Ադոլֆ Հիրշը (Adolf Hirsch) բնանկարիչ էր։ Հաննան սկսել է գեղանկարչություն ուսումնասիրել տասներկու տարեկան հասակից։
Մանուկ հասակից Հաննան ընկերություն է արել Եվա Բոննիերի հետ (Eva Bonnier, 1857-1909), նրանք միասին որոշել են դառնալ նկարչուհիներ։ Սկզբում միասին սովորել են Ստոկհոլմի Օգոստոս Մալմստրոմի անվան (Օգոստոս Մալմստրոմ, 1829-1901) կանանց արվեստի դպրոցում, որտեղ Հաննան ընդունվել է 1880 թվականին։ Մեկ տարի անց Հաննան ընդունվել է Ստոկհոլմի Շվեդիայի գեղարվեստի թագավորական ակադեմիա, որտեղ նույնպես սովորել է Բոննիերի հետ։ Նրանց համակուրսեցին է եղել նաև Կարին Բերգուն, որն այդ ժամանակ Կարլ Լարսսոնի նախկին կինն էր։
1885 թվականին Հաննան «Ճրագի տակ» նկարի համար Թագավորական ակադեմիայից ստացել է ոսկե մեդալ և արտերկրում ուսումը շարունակելու համար կրթաթոշակ։ Նույն տարվա աշնանը, Հաննան, Եվայի ընկերակցությամբ մեկնել է Փարիզ, որտեղ ընդունվել է Կոլարոսի ակադեմիա։ Այնտեղ 1885-1887 թվականներին սովորել է Պասկալ Դանյան Բուվրեի և Ռաֆայել Կոլլինի արհեստանոցում։ 1886 թվականին Բարբիզոնում հանդիպել է իր ապագա ամուսնուն՝ նկարիչ Գեորգ Պաուլիի հետ։
1887 թվականին Հաննան և Գեորգը ամուսնացցել են և Իտալիայու անցկացրել իրենց մեղրամիսը։ 1889 թվականին Փարիզում կայացած համաշխարհային ցուցահանդեսում Հաննա Հիրշ-Պաուլին մեդալ է ստացել «Ընկերներ» աշխատության համար։
1905 թվականին Հաննա և Գեորգ Պաուլիները վիլլա են կառուցել Նակա մունիցիպալիտետում, որտեղ յուրաքանչյուրն ունեցել է իր սեփական ստուդիան, բնակվել են հենց վիլլայում։ Ունեցել են երեք երեխա. Տորստենը (1889), Գեորգը (1891) և Ռութը (1896)։ 1940 թվականին, նրաց որդի Գեորգն իր կնոջ՝ Լիզայի հետ, զոհվել է ավտովթարից։
Իր ստեղծագործական կյանքի ընթացքում նկարիչ Հաննա Հիրշ-Պաուլին ստեղծել է արվեստագետների և գրողների մի շարք դիմանկարներ, որոնք հիմնականում իր և ամուսնու ընկերներն էին։ Նրանց թվում էին նկարիչ Կարլ Նորդստրեմը (1890 թ., գտնվում է Բոննիերի, Ստոկհոլմի դիմանկարների հավաքածուում), գրող Վերներ ֆոն Հեյդենստամը, գրող Սելմա Լագերլյոֆը (1932, Ազգային թանգարան), խմբային` «Ընկերներ» դիմանկարում (1907 թ., Ազգային թանգարան) նույնպես պատկերել է իրենց ընկերոջը` գրող Էլլեն Կեյին։
1935 թվականին Գեորգ և Հաննա Պաուլի զույգը Յոնկոպինգի քաղաքային արվեստի թանգարանին է նվիրել նկարների հավաքածու։ Հաննա Հիրշ-Պաուլին մահացել է 1940 թվականի դեկտեմբերի 29-ին Շվեդական Սոլնա համայնքում։
Այժմ նկարչի աշխատանքները գտնվում են Յոնկոպինգի արվեստի թանգարանում, Շվեդիայի ազգային թանգարանում, Գյոթեբորգի արվեստի թանգարանում, Բոննիեր ընտանիքի արվեստի գործերի մասնավոր հավաքածուում։
Հիշատակ
[խմբագրել | խմբագրել կոդը]Ստոկհոլմի հարավ-արևմուտքում գտնվող փողոցներից մեկը նկարչի անունով անվանակոչվել է Հաննա Պաուլի փողոց։ Քաղաքի այս տարածքում կան նաև շատ այլ փողոցներ, որոնք անվանվել են 20-րդ դարի առաջին կեսին հայտնի կանանց պատվին։
Պատկերասրահ
[խմբագրել | խմբագրել կոդը]
Վեննի Սոլդան նկարչուհու դիմանկարը, 1887թ.:
Հաննա Հիրշ, «Հերդա», 1891թ.:
Հաննա Հիրշ, «Ընկերներ», 1885թ.:
Գեորգ Պաուլիի դիմանկարը, մոտ.՝ 1910թ.:
Վերներ ֆոն Հեյդենստամ, 1896թ.:
Նախաճաշի ժամանակը. 1887 թ. Շվեդիայի ազգային թանգարան, Ստոկհոլմ:
Ծանոթագրություններ
[խմբագրել | խմբագրել կոդը]- 1 2 3 4 5 6 7 8 9 10 11 Hanna Pauli (շվեդերեն) — 1917.
- 1 2 3 4 Շվեդիայի մահվան գիրքը
- 1 2 3 4 Nacka kyrkoarkiv, Död- och begravningsböcker, SE/SSA/1542/F I/6 (1938-1949), bildid: 00023286_00039 — P. 35.
- 1 2 3 4 Շվեդիայի 1880 թվականի մարդահամար (շվեդերեն) — Riksarkivet.
- 1 2 3 Hanna Pauli
- 1 2 Nacka kyrkoarkiv, Död- och begravningsböcker, SE/SSA/1542/F I/6 (1938-1949), bildid: 00023286_00039
- ↑ She formally changed her name at marriage but signed paintings under her maiden name even after that. In her book on Eva Bonnier and Hanna Hirsch/Pauli (1999), Margareta Gynning uses the form Hirsch-Pauli throughout.
Գրականություն
[խմբագրել | խմբագրել կոդը]- Gynning, Margareta: "Pauli, Hanna", Svenskt biografiskt lexikon, 28, pp. 746–749
- Gynning, Margareta: Det ambivalenta perspektivet: Eva Bonnier och Hanna Hirsch-Pauli i 1880-talets konstliv, Stockholm: Bonnier, (Diss. Uppsala University), 1999.
- Hansen, Vibeke Waallann, Women Artists in Paris 1850-1900, p. 76-77.
- Hanna Pauli
- Гетеборгский музей, каталог.
Արտաքին հղումներ
[խմբագրել | խմբագրել կոդը]- Կենսագրություն @ Svenskt Biografiskt Lexikon-ում
- Հաննա Պաուլի աշխատանքները @ ArtNet-ում
 | Վիքիպահեստն ունի նյութեր, որոնք վերաբերում են «Հաննա Հիրշ-Պաուլի» հոդվածին։ |
| ||||||||||||||||
