Քրիս Գրեյլինգ
| Քրիս Գրեյլինգ | |
| |
| Կուսակցություն՝ | Մեծ Բրիտանիայի պահպանողական կուսակցություն |
|---|---|
| Կրթություն՝ | Սիդնի Սասեքս քոլեջ, The Royal Grammar School, High Wycombe?[1] և Սիդնի Սասեքս քոլեջ[1] |
| Մասնագիտություն՝ | լրագրող, քաղաքական գործիչ, պատմաբան, դատավոր և հեռուստատեսային պրոդյուսեր |
| Ծննդյան օր | ապրիլի 1, 1962[2][3][4][…] (62 տարեկան) |
| Ծննդավայր | Լոնդոն, Միացյալ Թագավորություն |
| Քաղաքացիություն | .svg){kind=small} Միացյալ Թագավորություն
|
| Կայք՝ | chrisgrayling.net |
Քրիս Գրեյլինգ (անգլ.՝ Christopher Stephen Grayling, ապրիլի 1, 1962[2][3][4][…], Լոնդոն, Միացյալ Թագավորություն), բրիտանացի քաղաքական գործիչ, Դևիդ Քեմերոնի առաջին և երկրորդ կաբինետների անդամ (2012-2016)։ Թերեզա Մեյի առաջին և երկրորդ կաբինետներում տրանսպորտի նախարար (2016-2019)։
Կենսագրություն[խմբագրել | խմբագրել կոդը]
Վաղ տարիներ[խմբագրել | խմբագրել կոդը]
Ծնվել է 1962 թվականի ապրիլի 1-ին, ավարտել է Հայ Ուիկոմի (Բաքինգեմշիր) Թագավորական համալսարանի քերական դպրոցը (Royal Grammar School), իսկ 1984 թվականին՝ Քեմբրիջի համալսարանի Ֆրենսիս Սիդնի քոլեջը, որտեղ ուսումնասիրել է պատմություն։ Ամուսնացած է Սյուզան Քլեր Գրեյլինգի հետ, որը ծնվել է Դիլիստոունում (Dillistone), ունի երկու երեխա[5]։
Լինելով Քեմբրիջի ուսանող՝ Գրեյլինգը եղել է Սոցիալ-դեմոկրատական կուսակցության և Amnesty International իրավապաշտպան կազմակերպության անդամ, համալսարանից հետո աշխատել է BBC-ում[6]։
Քաղաքական գործունեություն[խմբագրել | խմբագրել կոդը]
1997 թվականին Պահպանողական կուսակցության կողմից առաջադրվել է Ուորեն Սաութի ընտրատարածքում որպես թեկնածու, սակայն պարտվել է։ 2001 թվականին հաղթել է ավանդական պահպանողական շրջանի Էպսոմ էնդ Իուելի նոր խորհրդարանական ընտրություններում և դարձել Համայնքների պալատի անդամ[7]։
2002 թվականին նշանակվել է խորհրդարանական կազմակերպիչ, 2002-2003 թվականներին լուսաբանել է առողջապահության ոլորտում պահպանողականների քաղաքականությունը, 2003-2004 թվականներին ստվերային կառավարությունում պատասխանատու է եղել հանրային ծառայությունների, առողջապահության և կրթության ոլորտի, 2005 թվականին ՝ առողջապահության ոլորտի համար։ Նույն թվականին դարձել է Համայնքների պալատի ստվերային առաջնորդ, 2005-2007 թվականներին եղել է տրանսպորտի ստվերային նախարար, 2007-2009 թվականներին՝ աշխատանքի և կենսաթոշակների ստվերային նախարար, 2009-2010 թվականներին՝ Ներքին գործերի ստվերային նախարար[8]։
2010 թվականին Էպսոմ էնդ Իուելի շրջանում պահպանել է մանդատը՝ ստանալով ընտրողների ձայների 56,2%-ը և դրանով իսկ բարելավելով իր արդյունքը 1,2%-ով 2005 թվականի ընտրություններում[9]։
2010 թվականի մայիսի 13-ին Գրեյլինգը աշխատանքի և կենսաթոշակների նախարարությունում, առանց Դևիդ Քեմերոնի կոալիցիոն կաբինետի նիստերին մասնակցելու իրավունքի, զբաղեցրել է կրտսեր նախարարի պաշտոնը[10]։
2012 թվականի սեպտեմբերի 4-ին նշանակվել է լորդ-կանցլեր և արդարադատության նախարար՝ այդ պաշտոնում փոխարինելով Քենեթ Քլարկին, ինչը հարուցել է քաղաքացիական իրավունքների համար պայքարի ակտիվիստների մտահոգությունը։ Մասնավորապես, այդ կադրային որոշման հակառակորդները հիշել են Գրեյլինգի երկամյա վաղեմության արտահայտությունն այն մասին, որ ի տարբերություն հյուրանոցների, «bed and breakfast» (բառացի թարգմանությամբ՝ անկողին և նախաճաշ) տիպի մինի-հյուրանոցների սեփականատերերը պետք է իրավունք ունենան հրաժարվել միասեռական զույգերին ընդունելուց։ Բացի այդ, նա պատմության մեջ դարձել է առաջին լորդ-կանցլերը, որը չունի իրավաբանական կրթություն[11]։
2015 թվականին կրկին հաղթել է իր նախկին շրջանում՝ ձայների 58,3 տոկոս արդյունքով։ Նրա մրցակիցների թվում լավագույն արդյունքի է հասել լեյբորիստուհի Շեյլա Կարլսոնը (Sheila Carlson)՝ 15,5% ձայնով[12]։
2015 թվականի մայիսի 9-ին Քեմերոնի նոր աշխատասենյակում ստացել է Համայնքների պալատի ղեկավարի և Խորհրդի լորդ-նախագահի պորտֆելները։ Մի շարք մեկնաբանների կարծիքով այդ նշանակումը Պահպանողական կուսակցության աջ թևի զիջումն էր։ Արդարադատության նախարարի պաշտոնում Գրեյլինգի առավել հայտնի արտահայտություններից մեկն է դարձել հետևյալը՝ «People in this country are fed up with human rights being used as an excuse for unacceptable behaviour» (Մարդիկ այս երկրում կուշտ են մարդու իրավունքների օգտագործմամբ՝ անընդունելի վարքագիծն արդարացնելուց)[13][14]։
2016 թվականի հուլիսի 13-ին Դևիդ Քեմերոնը պաշտոնաթող է եղել վարչապետի պաշտոնից՝ Եվրամիությանը Մեծ Բրիտանիայի անդամակցության շուրջ հանրաքվեի արդյունքների կապակցությամբ, որտեղ ընտրողները քվեարկել են ԵՄ-ից Մեծ Բրիտանիայի դուրս գալու օգտին։ Քեմերոնի իրավահաջորդը դարձել Է Մեծ Բրիտանիայի ներքին գործերի նախարար Թերեզա Մեյը, նրա աշխատասենյակում նշանակվել է տրանսպորտի նախարար։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 https://www.gov.uk/government/people/chris-grayling
- ↑ 2,0 2,1 http://news.bbc.co.uk/democracylive/hi/representatives/profiles/25172.stm
- ↑ 3,0 3,1 http://www.independent.co.uk/news/uk/politics/new-challenge-for-jackal-chris-grayling-as-he-replaces-ken-clarke-as-justice-secretary-8104444.html
- ↑ 4,0 4,1 http://www.politics.co.uk/reference/chris-grayling
- ↑ «Chris Grayling MP» (անգլերեն). Westminster Parliamentary Record. Արխիվացված է օրիգինալից 2015 թ․ հունիսի 19-ին. Վերցված է 2015 թ․ հունիսի 19-ին.
- ↑ Leo McKinstry (2013 թ․ մայիսի 2). «Chris Grayling... At last the minister who puts the public first» (անգլերեն). Express. Վերցված է 2015 թ․ հունիսի 19-ին.
- ↑ «Chris Grayling» (անգլերեն). BBC News. 2002 թ․ հոկտեմբերի 17. Վերցված է 2015 թ․ հունիսի 19-ին.
- ↑ «Chris Grayling MP». Democracy Live (անգլերեն). BBC News. Արխիվացված է օրիգինալից 2015 թ․ հունիսի 19-ին. Վերցված է 2015 թ․ հունիսի 19-ին.
- ↑ «Epsom & Ewell». Election 2010 (անգլերեն). BBC News. Վերցված է 2015 թ․ հունիսի 19-ին.
- ↑ «Full list of new cabinet ministers and other government appointments» (անգլերեն). The Guardian. 2010 թ․ մայիսի 13. Վերցված է 2015 թ․ հունիսի 19-ին.
- ↑ Wesley Johnson (2012 թ․ սեպտեմբերի 4). «New challenge for 'jackal' Chris Grayling as he replaces Ken Clarke as Justice Secretary» (անգլերեն). The Independent. Վերցված է 2015 թ․ հունիսի 19-ին.
- ↑ «Epsom & Ewell». Election 2015 (անգլերեն). BBC News. Վերցված է 2015 թ․ հունիսի 19-ին.
- ↑ «Michael Gove moves to justice in post-election reshuffle» (անգլերեն). BBC News. 2015 թ․ մայիսի 10. Վերցված է 2015 թ․ հունիսի 19-ին.
- ↑ Jessica Elgot,Rowena Masonand Andrew Sparrow (2015 թ․ մայիսի 11). «David Cameron's new cabinet lineup» (անգլերեն). The Guardian. Վերցված է 2010 թ․ հունիսի 19-ին.
Արտաքին հղումներ[խմբագրել | խմբագրել կոդը]
- «Rt Hon Chris Grayling MP» (անգլերեն). UK Parliament. Վերցված է 2015 թ․ հունիսի 19-ին.
- «Rt Hon Chris Grayling MP» (անգլերեն). UK Government. Վերցված է 2015 թ․ հունիսի 19-ին.
- «Chris Grayling» (անգլերեն). politics.co.uk. Վերցված է 2015 թ․ հունիսի 19-ին.
 | Վիքիպահեստն ունի նյութեր, որոնք վերաբերում են «Քրիս Գրեյլինգ» հոդվածին։ |
| ||||||
