Քրիսթեն Նյուգոր

Վիքիպեդիայից՝ ազատ հանրագիտարանից
Jump to navigation Jump to search
Picto Info sciences exactes.png
Քրիսթեն Նյուգոր
Kristen-Nygaard-SBLP-1997-head.png
Ծնվել է օգոստոսի 27, 1926(1926-08-27)[1][2]
Օսլո, Նորվեգիա[1]
Մահացել է օգոստոսի 10, 2002(2002-08-10)[1][2] (75 տարեկանում)
Օսլո, Նորվեգիա[1]
բնական մահով
Գերեզման Western Cemetery
Քաղաքացիություն Flag of Norway.svg Նորվեգիա
Մասնագիտություն մաթեմատիկոս, համակարգչային գիտնական և համալսարանի պրոֆեսոր
Հաստատություն(ներ) Օսլոյի համալսարան
Անդամակցություն Նորվեգիայի գիտությունների ակադեմիա
Ալմա մատեր Օսլոյի համալսարան
Պարգևներ Թյուրինգի մրցանակ Սուրբ Օլաֆի շքանշանի ասպետներ Ջոն ֆոն Նեյմանի մեդալ Ռոզինգ պատվավոր մրցանակ և Norbert Wiener Award for Social and Professional Responsibility
Կայք heim.ifi.uio.no/~kristen/
Kristen Nygaard Վիքիպահեստում

Քրիսթեն Նյուգոր (նորվ.՝ Kristen Nygaard, օգոստոսի 27, 1926(1926-08-27)[1][2], Օսլո, Նորվեգիա[1] - օգոստոսի 10, 2002(2002-08-10)[1][2], Օսլո, Նորվեգիա[1]), նորվեգացի գիտնական հաշվողական համակարգերի տեսության բնագավառում, Թյուրինգի մրցանակի դափնեկիր: Օլե-Յոհան Դալի հետ մեկտեղ հանդիսանում է օբյեկտ կողմնորոշված ծրագրավորման, ինչպես նաև առաջին «Սիմուլա» օբյեկտ կողմնորոշված ծրագրավորման լեզվի հիմքերի մշակողներից մեկը:

Կյանք[խմբագրել | խմբագրել կոդը]

1951 թվականի հունվարի 27-ից Նյուգորն ամուսնացած է եղել «The Norwegian Agency for Aid to Developing Countries» բարեգործական ընկերության գործընկերոջ` Յոհաննա Նյուգորի հետ (նորվ.՝ Johanna Nygaard): Միասին դաստիարակել են երեք երեխա: Ունեն յոթ թոռ[3]:

Քրիսթեն Նյուգորը մահացել է 75 տարեկան հասակում` իր գործընկեր Դալի մահվանից մեկ ամիս անց, սրտամկանի ինֆարկտից:

Գործունեություն[խմբագրել | խմբագրել կոդը]

Քրիսթեն Նյուգորը մաթեմատիկայի մագիստրոսի աստիճան է ստացել 1956 թվականին: Նրա մագիստրոսական ատենախոսությունը կրում էր «Մոնտե-Կարլոյի մեթոդների տեսական ասպեկտները» վերնագիրը (անգլ.՝ Theoretical Aspects of Monte Carlo Methods): 1948-1960 թվականներին Նյուգորը աշխատել է նորվեգական ռազմական գիտահետազոտական ինստիտուտում, որտեղ վերջին երեք տարիներին գլխավորել է օպերացիաների ուսումնասիրության բաժանմունքը: 1960 թվականից զբաղեցրել է Նորվեգական հաշվողական կենտրոնի տնօրենի պաշտոնը: 1975-1976 թվականներին դասավանդել է Դանիայում` Օրհուսի համալսարանում: 1977 թվականից Օսլոյի համալսարանում ստացել է պրոֆեսորի կոչում[3] և Օլե-Յոհան Դալի հետ աշխատել օբյեկտ կողմնորոշված ծրագրավորման լեզուների վրա: Նրանք միասին մշակել են առաջին օբյեկտ կողմնորոշված «Simula I» ծրագիրը, ապա նաև` «Simula 67»-ը: Դալը և Նյուգորն առաջ են քաշել ծրագրավորման հետ կապված մի շարք հասկացություններ` դաս, օբյեկտ, ժառանգում, օբյեկտների դինամիկ ստեղծում և այլն: Ներկայումս այս հասկացություններն ընկած են ծրագրավորման լեզուների, մասնավորապես, Ջավայի, C++-ի հիմքում: 1975-1992 թվականներին մասնակցել է «Սիմուլա»-յի գաղափարները շարունակող և զարգացնող հաջորդ ծրագրի` «BETA»-ի մշակմանը:

1987 թվականին Քրիսթեն Նյուգորը որպես հրավիրված դասախոս աշխատել է Ստենֆորդի համալսարանում, ինչպես նաև «Xerox PARC», «Palo Alto» և «Apple» ընկերություններում:

2000 թվականի օգոստոսից Նյուգորը հանդիսանում է Սուրբ Օլաֆի շքանշանի կոմանդոր: 2001 թվականին Դալի հետ պարգևատրվել է Թյուրինգի մրցանակով, իսկ 2002 թվականին` Ջոն ֆոն Նեյմանի շքանշանով ինֆորմատիկայի զարգացման ոլորտում էական ներդրման համար[4]: Նորվեգիայի գիտությունների ակադեմիայի անդամ է[3]:

Պարգևներ[խմբագրել | խմբագրել կոդը]

  • 1990 - Լունդի համալսարանի պատվավոր դոկտորի կոչում
  • 1990 - Norbert Wiener Award for Social and Professional Responsibility
  • 1991 - Օլբորսկու համալսարանի պատվավոր դոկտորի կոչում
  • 1999 - Rosing Prize (Norwegian Data Association) Օլե-Յոհան Դալի հետ համատեղ
  • 2000 - Object Management Group-ի պատվավոր անդամակցություն
  • 2000 - Սուրբ Օլաֆի շքանշանի կոմանդոր
  • 2001 - Թյուրինգի մրցանակ Դալի հետ համատեղ[5]
  • 2001 - Ջոն ֆոն Նեյմանի շքանշան

Ծանոթագրություններ[խմբագրել | խմբագրել կոդը]

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]