Քարեն Մարշ Դոլ

Վիքիպեդիայից՝ ազատ հանրագիտարանից
Jump to navigation Jump to search
Քարեն Մարշ Դոլ
Դիմանկար
Ծնվել էապրիլի 6, 1919(1919-04-06) (102 տարեկան)
ԾննդավայրՀոլիվուդ, Լոս Անջելես, Կալիֆոռնիա, ԱՄՆ
ՔաղաքացիությունFlag of the United States.svg ԱՄՆ
ԿրթությունՀոլիվուդի ավագ դպրոց
Մասնագիտությունդերասանուհի, պարուհի, կինոդերասանուհի և հեռուստատեսային դերասանուհի
Caren Marsh Doll Վիքիպահեստում

Քարեն Մարշ Դոլ ( անգլ.՝ Caren Marsh Doll), ծննդյամբ՝ Մորիս (անգլ.՝ Morris, ապրիլի 6, 1919(1919-04-06), Հոլիվուդ, Լոս Անջելես, Կալիֆոռնիա, ԱՄՆ), ամերիկացի դերասանուհի, պարուհի և գրող։ Պարարվեստում նա մասնագիտանում է որպես ժամանակակից պարերի և դոփապարի (չեչոտկա) կատարող։ Եղել է Ջուդի Գարլենդի կրկնորդիչը (դուբլյոր) «Օզ երկրի հրաշագործը» (1939) և «Զիգֆիլդի աղջիկները» (1941) ֆիլմերում։ Ավելի քան երկու տասնամյակ նա նկարահանվել է ֆիլմերում` Մետրո-Գոլդուին-Մայեր կինոստուդիայի հետ համատեղ։

Կենսագրություն[խմբագրել | խմբագրել կոդը]

Քարեն Մարշ Դոլը (ծննդյամբ Մորիս) ծնվել է 1919 թվականին ապրիլի 6-ին Հոլիվուդում (Կալիֆորնիա նահանգ, ԱՄՆ) ֆոնդային բորսայի բրոքեր Լյու Մորիսի ընտանիքում։ Նրա կրտսեր քույրը հեռուստատեսության և կինոյի դերասանուհի Դորոթի Մորիսն էր (1922-2011): Նա և իր ընտանիքը մեթոդիստական եկեղեցու ակտիվ անդամներ էին։ 1937 թվականին Քարենը ավարտել է Հոլիվուդի միջնակարգ դպրոցը և ցանկացել է դառնալ դերասանուհի[1] : Նրա ծնողները հավանություն չէին տալիս այդ ընտրությանը և նախընտրում էին, որ նա սովորի քոլեջում։ Նրանք Քարենին ասել են, որ եթե նա չկարողանա դերասանական աշխատանք ստանալ, նրան կուղարկեն քոլեջ[1]:1939 թվականին Քարենը աշխատել է որպես դերասանուհի «Քամուց քշվածները» ֆիլմի մասսայական տեսարաններում։

Դժբախտ պատահար[խմբագրել | խմբագրել կոդը]

1949հուլիսի 12-ին Մարշը գտնվում էր «Ստանդարտ Օդային Ավիաուղիներ» ծառայության 897R երթային ինքնաթիռում, երբ այն վթարի ենթարկվեց[2]։ Ինքնաթիռը հեռացել է Նյու Մեքսիկոյի Ալբուկերկե քաղաքից ժամը 4։ 43-ին, և ջախջախվել Կալիֆոռնիա նահանգի Չաթսվորթ քաղաքի մոտակայքում, առավոտյան 7։ 40-ին։ Մարշը 13 մարդկանցից մեկն էր, որոնք փրկվեցին աղետից։ Մարշին բեկորների տակից հանել է մի անհայտ կին[3]։ Մարշը մի քանի շաբաթ շարունակ հոսպիտալացվել է Cedars of Lebanon հիվանդանոցում, որտեղ նրա ձախ ոտքը գրեթե անդամահատել են։ Բժիշկները Մարշին ասել են, որ նա, ամենայն հավանականությամբ, այլևս երբեք չի պարի, բայց երկարատև ֆիզիկական վարժություններից և բուժումներից հետո նա վերականգնվել է և շարունակել պարել։

Անձնական կյանք[խմբագրել | խմբագրել կոդը]

1957 թվականին նա տեղափոխվել է Փալմ Սփրինգս՝ նահանգ Կալիֆոռնիա և ամուսնացել Բիլ Դոլի հետ (մահացել 1979 թվականին), որը հանդիսանում էր թատրոնի դերասան և պրոդյուսեր Մայք Թոդի մամուլի գործակալը։ Զույգն ունեցել է որդի՝ Ջոնաթանը[4]։ Նրա քույրը՝ դերասանուհի Դորոթի Մորիսը, դարձավ նրա հարևանուհին, երբ Մարշը 1971 թվականից թողեց իր մասնագիտությունը։ Մինչև Դորոթիի մահը՝ 2011 թվականի նոյեմբերի 20-ը, քույրերը ապրում էին կողք կողքի ։ Ամսվա յուրաքանչյուր առաջին երկուշաբթի օրը Մարշը պարային թերապիա է դասավանդել Palm Springs Stroke Activity Center- ում, որտեղ ուսուցանված պարային ոճերը տարատեսակվում էին պարահանդեսային պարերից, կանտրիից, Հավայան պարերից մինչև պորտապար։ Նա համարվում է Փալմ Սփրինգսի Միացյալ մեթոդիստական ​​համայնքային եկեղեցու ակտիվ անդամ [5]։

Ծանոթագրություններ[խմբագրել | խմբագրել կոդը]

  1. 1,0 1,1 Kirst Sean։ «Dorothy's stand-in: A miracle or two along the Yellow Brick Road»։ syracuse.com։ Վերցված է 2012-03-31 
  2. Kondo Annette (1999-08-02)։ «Memories of Survival»։ Los Angeles Times (անգլերեն)։ ISSN 0458-3035։ Վերցված է 2017-11-06 
  3. «Movie Starlet Relates How Woman Saved Life in Crash»։ The Dispatch։ 1949-07-13։ էջ 20։ Վերցված է 2017-11-06 – via Newspapers.com 
  4. «Bill Doll, Press Agent; Handled Mike Todd, Other Famous Figures»։ 1979-03-03։ Վերցված է 2018-06-07 – via NYTimes.com 
  5. Doll, Caren-Marsh Hollywood’s Babe BearMedia Manor, November 1, 2007, page 279

Աղբյուրներ[խմբագրել | խմբագրել կոդը]