Տամբովի դրամատիկական թատրոն
 Тамбовский драматический театр | |
|---|---|
 | |
| Տեսակ | թատրոն և ճարտարապետական հուշարձան |
| տնօրեն | Պյոտր Իվանովիչ Կուլիկով |
| Հիմնադիրներ | Գավրիլ Ռոմանովիչ Դերժավին |
| Երկիր | Ռուսաստան |
| Գտնվելու վայրը | Տամբով |
| Հիմնադրման ամսաթիվ | 1786 |
| Կայք | tambovteatr.ru |
 Tambov Drama Theater Վիքիպահեստում | |
Տամբովի դրամատիկական թատրոն, թատրոնի հիմնադիրն է պոետ և հասարակական գործիչ Գավրիլ Ռոմանովիչ Դերժավինը, հիմնադրվել է 18-րդ դարի երկրորդ կեսին[1]։
Պատմություն[խմբագրել | խմբագրել կոդը]
Առաջին ներկայացումը բեմադրվել է 1786 թվականին, հիմնադրի տանը։ Թատերական կյանքը Տամբովում սկսել է զարգանալ անտրեպրիզի առաջ գալու հետ։ Մայրաքաղաքային ռուս դերասաններ Պ. Ս. Մոչալովը, Վ. Ի. Ժիվոկինին, Պ. Ն. Դավիդովը, Ն. Խ. Ռիբակովը և ուրիշներ տարբեր տարիներ ելույթ են ունեցել տամբովյան բեմում։ Այլա Օլդրիջը[2] իր արվեստով հիացրել է հանդիսատեսին 19-րդ դարի 60-ական թվականներին։ 20-րդ դարի 20-ական թվականներին ակտիվորեն զարգացել են սիրողական թատրոնները, բայց գլխավորը մասնագիտացված Ժողովրդական թատրոնն էր, որտեղ իր ստեղծագործական կարիերան է սկսել ԽՍՀՄ ժողովրդական արտիստ, ԽՍՀՄ Պետական մրցանակների դափնեկիր Վ. Վ. Վանինը։ 1937 թվականին տեղական մշտական թատրոնի կարգավիճակ ստանալով` թատերախումբը հասել է մասնագիտական նոր աստիճանի, թատրոնում հայտնվել են վաստակավոր արտիստներ Բ. Պ. Շմիտը, Ի. Ն. Մարինը։ 50-ական թվականներին յուրահատուկ խաղացանկի շնորհիվ թատրոնը հրավիրվել է Մոսկվայում հյուրախաղերի, որտեղ մեկ ամսվա ընթացքում ելույթներ է ունեցել Մ. Ն. Երմոլովայի անվան թատրոնում։ Թատրոնի «Միասնական թատերական տարածք» միջազգային նախագիծը, որը հայտարարվել է Տամբովի թատրոնի բեմից 30 տարի առաջ Դ. Մատկովսկու «Կյանքի ծառը» ներկայացմամբ, զարգացում է ձեռք բերել Մինսկից ժամանած թատերախմբի բեմադրած ներկայացմամբ։ 2012 թվականի մարտի 16-ին Տամբովի դրամատիկական թատրոնի բեմում կայացել է Ժ. Բ. Մոլիերի «Ժլատը» ներկայացման պրեմիերան, որտեղ Գարպագոնի գլխավոր դերը կատարել են միանգամից երկու ժողովրդական արտիստներ` Բելառուսի ժողովրդական արտիստ Նիկոլայ Կիրիչենկոն և Ռուսաստանի ժողովրդական արտիստ Յուրի Տոմիլինը։ «Միասնական թատերական տարածք» միջազգային նախագիծը երկարաժամկետ ծրագիր է։ Դրա շրջանակներում նախատեսվում են փոխադարձ համերգներ, միջթատերական շփումներ ու փորձի փոխանակումներ։ Վերջին տարիներին թատրոնն ընդլանել է համերգային ծրագիրը` ելույթներ ունենալով Մոսկվայում, Իվանովոյում, Վորոնեժում, Պենզայում, Ռյազանում, Սարատովում և այլն։ Տաբովի դրամատիկական թատրոնը մասնակցում է մի շարք միջազգային ու ռուսական թատերական փառատոնների.
- «Թատերական հանդիպումներ» 2-րդ շրջանային փառատոն, Պենզա (2007)
- «Գոնչարովի հերոսները ժամանակակից բեմում» 1-ին համառուսական փառատոն, Ուլյանովսկ, 2007
- «Ռուսաստանի դերասանները Միխայիլ Շեպկինին» 7-րդ համառուսական փառատոն, Բելգորոդ, 2008
- «Սլավոնական թատերական հանդիպումներ» միջազգային թատերական փառատոն, Բրյանսկ, 2008[3]
- «Ռուսաստանի ամենահին թատրոնները Կալուգայում» 4-րդ համառուսաստանյան թատերական փառատոն, 2010
- Մաքսիմ Գորկու անվան համառուսաստանյան թատերական փառատոն, Նիժնի Նովգորոդ, 2011[4]
- Ա. Պ. Չեխովի անվան ընթերցանության երրորդ միջազգային մրցույթ, Մոսկվա-Մելիխովո, 2012
2006 թվականին տամբովյան դրամատիկական թատրոնի 220-ամյակի նախօրեին մշակութային համաձայնության պայմանագիր է կնքվել Տամբովի շրջանի և Ռուսաստանի պետական ակադեմիական Փոքր թատրոնի[5] միջև, որտեղ առանձին կետով նշվել է մեծ ողբերգակ Ն. Խ. Ռիբակովի հիշատակի հավերժացման վերաբերյալ կետը։ Իսկ 2007 թվականի մայիսին Տամբովում անց է կացվել Ն. Խ. Ռիբակովի անվան առաջին միջազգային թատերական փառատոնը։
-
Թատրոնի շենք -
Տեսարան -
Հիմնական սանդուղքը մուտքի մոտ -
![Տեսարանի վերանորոգում 2015 թ[6]](//upload.wikimedia.org/wikipedia/commons/thumb/7/72/11-dramteatr.png/120px-11-dramteatr.png)
Տեսարանի վերանորոգում 2015 թ[6]
![Տեսարանի վերանորոգում 2015 թ[6]](/wiki/%D5%8A%D5%A1%D5%BF%D5%AF%D5%A5%D6%80:11-dramteatr.png)
Ներկայացումներ[խմբագրել | խմբագրել կոդը]
2012 թվականին թատրոնում բեմադրվել են Ժ. Անույի «Անտիգոնե», Պ. Տրեվերսի «Մերի Փոփփինսը Բալենու փողոցից», Ն. Գոգոլի «Ամուսնություն» պիեսների առաջնախաղը, Հ. Ք. Անդերսենի «Ձյունե թագուհին» հեքիաթի մոտիվներով պատրաստված նույնանուն ամանորյան մյուզիքլը[7]։
Մասնակցություն փառատոններին[խմբագրել | խմբագրել կոդը]
Թատրոնի վերջին տարիների հիմնական նախագիծը Ն. Խ. Ռիբակովի անվան փառատոնն է։ Փառատոնի հիմնական պարգևներն են «Ռուսաստանի դերասան» և «Ռուսաստանի դերասանուհի» մրցանակները։ Փառատոնն անց է կացվում Ռուսաստանի պետական ակադեմիական Փոքր թատրոնի կազմակերպչական աջակցությամբ։ Փառատոնի մրցակցային մասին մասնակցել է ավելի քան 40 թատերախումբ։
Ծանոթագրություններ[խմբագրել | խմբագրել կոդը]
- ↑ История основания Тамбовского государственного драматического театра
- ↑ Российско-американские сюжеты
- ↑ ««Славянские театральные встречи-2008»». Արխիվացված է օրիգինալից 2008 թ․ մայիսի 20-ին. Վերցված է 2017 թ․ հուլիսի 26-ին.
- ↑ В Нижнем Новгороде проходит Всероссийский театральный фестиваль имени М.Горького
- ↑ «Социально — экономический портрет Тамбовской области». Արխիվացված է օրիգինալից 2016 թ․ մարտի 4-ին. Վերցված է 2017 թ․ հուլիսի 26-ին.
- ↑ Театр в Тамбове - история и современность
- ↑ 225-й театральный сезон Тамбовского государственного драматического театра