Վրույր Ղազարյան

Վրույր Ղազարյան
Ծնվել է	հունվարի 10, 1902; Արաբկիր, Խարբերդի վիլայեթ, Օսմանյան կայսրություն
Մահացել է	օգոստոսի 21, 1991 (89 տարեկան); Երևան, Հայկական ԽՍՀ, ԽՍՀՄ
Բնակության վայր(եր)	Հայկական ԽՍՀ
Ազգություն	հայ
Մասնագիտություն	անասնաբույժ
Հաստատություն(ներ)	Հայաստանի ազգային ագրարային համալսարան
Կոչում	պրոֆեսոր
Գիտական աստիճան	անասնաբուժական գիտությունների դոկտոր (1948)
Պարգևներ
Կուսակցություն	ԱՄՆ-ի կոմունիստական կուսակցություն և ԽՄԿԿ

Վիքիպեդիայում կան հոդվածներ Ղազարյան ազգանունով այլ մարդկանց մասին։

Վրույր Սարգսի Ղազարյան (հունվարի 10, 1902(1902-01-10)^[1], Արաբկիր, Խարբերդի վիլայեթ, Օսմանյան կայսրություն^[1] - օգոստոսի 21, 1991(1991-08-21), Երևան, Հայկական ԽՍՀ, ԽՍՀՄ), հայ անասնաբույժ։ Անասնաբուժական գիտությունների դոկտոր (1948), պրոֆեսոր (1948), ՀԽՍՀ գիտության վաստակավոր գործիչ (1961)։

Կենսագրություն

Ավարտել է Կորնիշի (Նյու Յորքի նահանգ) համալսարանի անասնաբուժության բաժինը։ 1926 թվականին ներգաղթել է Խորհրդային Հայաստան։ 1930 թվականին կազմակերպել և ղեկավարել է Հայկական անասնաբուժական ինստիտուտի խոշոր եղջերավոր կենդանիների վարակիչ հիվանդությունների ուսումնասիրության բաժինը։ 1949-1972 թվականներին Երևանի անասնաբուծական-անասնաբուժական ինստիտուտի զոոհիգիենայի և անասնաբուժության հիմունքների ամբիոնի վարիչ։ ԱՄՆ-ի կոմունիստական կուսակցության (1924) և ԽՄԿԿ անդամ (1929)։

Աշխատություններ

Գիտական աշխատանքները նվիրված են խոշոր եղջերավորների ժանտախտի, խշխշան պալարի, լեպտոսպիրոզի, մատղաշների վարակիչ և այլ հիվանդությունների նկարագրման, դրանց դեմ պայքարի և բուժման արդյունավետ միջոցների մշակման հարցերին։

Երկեր

Հորթերի պարատիֆ հիվանդությունը, Ե․, 1937 թ.։
Գառների սպիտակ մկանային հիվանդությունը, Ե․, 1963 թ.։
Ոչխարների քրոնիկ թունավորում, Ե․, 1965 թ.։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Վիքիդարանն ունի նյութեր, որոնք վերաբերում են «Վրույր Ղազարյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 22)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[1]