Վյոլսունգների սագա

Վիքիպեդիայից՝ ազատ հանրագիտարանից
Jump to navigation Jump to search
Վյոլսունգների սագա
Sigurd.svg
Տեսակ legendary saga
Կյանքի ժամանակաշրջան XIII դար
Völsunga saga Վիքիպահեստում

Վյոլսունգների սագա, (իսլ.՝ Vǫlsunga saga), XIII դարի իսլանդական սագա, որն ամենաճանաչվածն է «Հին ժամանակների մասին սագաներից»: Այն ընդգրկում է Սկանդինավիայի առասպելական պատմությունները, որոնք դասվում են համագերմանական դիցաբանության շարքին: Նրանում շարադրված է Վյոլսունգների ծագումը (Սիգմունդ և Սիգուրդ), այդ թվում՝ Բուրգունդյան տան կործանման և Բրյունհիլդի պատմությունը: Սագան հիմնված է վիպական ասքի վրա: Մեզ հայտնի սյուժեի վերաբերյալ ամենահին գծապատկերը հայտնաբերվել է Շվեդիայում, այսպես կոչված, Սիգուրդյան քարերում (Զիգֆրիդյան քարեր) և վերաբերում է 11-րդ դարին: Սակայն պատումն ավելի հին շրջանի է և նկարագրում է դեպքեր, որոնք կատարվել են Եվրոպայում V դարում: Սագայի միակ պահպանված ձեռագիրը (Ny kgl. Saml. 1824 b 4to,) վերաբերում է շուրջ 1400 թվականին: Նրանում Վյոլսունգների սագան ուղղակի մտնում է Ռագնար Լոդբրոկ ի սագայի մեջ: Վյոլսունգների սագայում կրկնվում են սյուժեներ, որոնք կային «Ավագ Էդդա»-յում: Այստեղ իրադարձությունները զարգանում են մեկ սյուժետային գծով: Վյոլսունգների սագայի սյուժեի ամենահայտնի մասն ընդգրկում է միջին գերմաներենով գրված Նիբելունգների երգից մինչև Վյոլսունգների սագան, որի գտնված ձեռագիրը թվագրվում է 13-րդ դարով: Նիբելունգների երգում գործածված են հերոսների այլ անուններ, ինչպես օրինակ՝ Սիգմունդի փոխարեն Զիգմունդ, Սիգուրդի փոխարեն՝ Զիգֆրիդ: «Վյոլսունգների սագա»յի ազդեցությունն ակներև է կոմպոզիտոր Ռիխարդ Վագների Նիբելունգի մատանին քառագրությունում՝ անիծյալ մատանու մասին: Վյոլսունգների սագան հատկանշական է նրանով, որ նրա սյուժեում հաճախ վառ կերպարներով հանդես են գալիս Օդինն ու այլ անձինք՝ սկանդինավյան առասպելներից: Դրա առնչությամբ դժվար է սյուժեի պատմական հիմքը տարբերել դիցաբանականից: Դրա հետ մեկտեղ, տեքստում առկա դիցաբանական կերպարները սագան դարձնում են արժեքավոր աղբյուր՝ ուսումնասիրելու համար նախաքրիստոնեական սկանդինավյան հավատալիքն ու ծեսերը: Այսպես, 6-րդ գլխում, հավանաբար, տեսնում ենք ծիսական սովորույթի արձագանք, որի համաձայն երիտասարդ զորականներն ապրում են անտառում՝ «գայլային կյանքով»:

Աղբյուրներ[խմբագրել | խմբագրել կոդը]

  • «Վյոլսունգների սագան», ռուսերեն թարգմանություն՝ ըստ Բորիս Յարխոյի, 1920 թ.:
  • Fornaldarsögur Norðurlanda and Völsunga saga in Old Norse from «Kulturformidlingen norrøne tekster og kvad» Norway.
  • Timeless Myths: Volsunga Saga