Վլադիմիր Հարությունյան (տնտեսագետ)

Վլադիմիր Հարությունյան
Ծնվել է	մայիսի 21, 1957; Քարինջ, Ալավերդու շրջան, Հայկական ԽՍՀ, ԽՍՀՄ
Մահացել է	մարտի 5, 2022 (64 տարեկան)
Քաղաքացիություն	Հայաստան
Մասնագիտություն	տնտեսագետ
Հաստատություն(ներ)	ՀՀ ԳԱԱ Միքայել Քոթանյանի անվան տնտեսագիտության ինստիտուտ
Ալմա մատեր	Երևանի պետական համալսարան
Գիտական աստիճան	պրոֆեսոր
Պարգևներ

Անվան այլ կիրառումների համար տե՛ս՝ Վլադիմիր Հարությունյան (այլ կիրառումներ)

Վլադիմիր Լիպարիտի Հարությունյան (մայիսի 21, 1957(1957-05-21), Քարինջ, Ալավերդու շրջան, Հայկական ԽՍՀ, ԽՍՀՄ - մարտի 5, 2022(2022-03-05)^[1]), հայ տնտեսագետ։ Տնտեսագիտական գիտությունների դոկտոր (2004), պրոֆեսոր (2007), ՀՀ ԳԱԱ թղթակից անդամ (2010):

Կենսագրություն

1974-1979 թվականներին սովորել է Երևանի պետական համալսարանի տնտեսագիտության ֆակուլտետում, 1979-1984 թվականներին` Երևանի ժողովրդական տնտեսության ինստիտուտի ասպիրանտուրայում։ 1988 թվականին պաշտպանել է թեկնածուական ատենախոսություն «Ամորտիզացիոն ֆոնդը սոցիալիստական վերարտադրության մեջ» թեմայով։ 2004 թվականին՝ դոկտորական ատենախոսություն «Հարկաբյուջետային քաղաքականությունը և նրա կատարելագործման հիմնախնդիրները ՀՀ-ում»։ 2006 թվականից մինչև կյանքի վերջ ՀՀ ԳԱԱ Միքայել Քոթանյանի անվան Տնտեսագիտության ինստիտուտի տնօրենն էր, 2005-2006 թվականներին եղել է «Նաիրիտ» ՓԲԸ-ի ֆինանսական տնօրենը, 2003-2005 թվականներին` «Հայաստան համահայկական հիմնադրամում»-ի ֆինանսական բաժնի պետ։ 2003-2011 թվականներին դասավանդել է Երևանի պետական համալսարանում «Հարկաբյուջետային քաղաքականություն», «Պետական և մունիցիպալ ֆինանսներ» և «Հարկային քաղաքականություն» իր հեղինակած առարկաները։ 2002-2003 թվականներին եղել է «Արդշին» և «Արդշինինվեստ» բանկերի ադմինիստրացիայի ղեկավարի գլխավոր խորհրդական, մասնաճյուղի կառավարիչ, վարչության պետ, 2002 թվականին՝ «Հայաստանի էլեկտրական ցանցեր» ՓԲԸ-ի ֆինանսական տնօրեն, 2001-2002 թվականներին` ՀՀ պետական եկամուտների նախարարության ՏՀ տեսչության պետ, կենտրոնական ստուգումների վարչության պետի տեղակալ, 2000-2001 թվականներին` ՀՀ տրանսպորտի և կապի նախարարության ֆինանասական վարչության պետ, «ՀՀ երկաթուղու փոխադրումներ» ՓԲԸ-ի ֆինանսական տնօրեն, 1999-2000 թվականներին` Հայխնայբանկում բաժնի պետ, 1997-1999 թվականներին` ՀՀ հարկային տեսչության համակարգում որպես վարչության պետի տեղակալ (1997), այնուհետև Շենգավիթի (1997-1998), Շահումյանի (1998-1999), Էրեբունու (1999) ՏՀ տեսչությունների պետ։ 1996-1997 թվականներին եղել է Երևանի քաղաքապետարանի ֆինանսական բաժնի պետ, 1993-1996 թվականներին` Երևանի քաղգործկոմի ֆինանսական վարչության պետ, 1992-1993 թվականներին` Հայարդշին բանկի մասնաճյուղի կառավարչի տեղակալ, 1991-1992 թվականներին` Հայագրոբանկում որպես բաժնի պետ, 1979-1991 թվականներին` Երևանի քաղգործկոմի ֆինանսական վարչությունում որպես ավագ տնտեսագետ (1979-1987), հաստիքային բաժնի պետ (1987-1990), ֆինանսական վարչության պետի տեղակալ (1990-1991)։ 1981-1988 թվականներին դասախոսել է Երևանի ժողովրդական տնտեսության ինստիտուտում^[2]։

Անդամակցություն

2012 թվականին՝ ՌԴ գիտությունների ակադեմիայում (Մոսկվա, ՌԴ) տեղի ունեցող «Ռուսաստանը 21-րդ դարում.համաշխարհային մարտահրավերներ և զարգացման հեռանկարներ» ամենամյա համաժողովի կազմկոմիտեի անդամ
2007 թվականին «Լրաբեր հասարակական գիտությունների ամսագրի» խմբագրական խորհրդի անդամ
2007 թվականին «Ֆինանսներ և էկոնոմիկա» ամսագրի խմբագրական խորհրդի անդամ
2007 թվականին «Էկոնոմիկա» ասմագրի խմբագրական խորհրդի անդամ
2010 թվականին Հայաստանի պետական տնտեսագիտական համալսարանում գործող (014) գիտական աստիճաններ շնորհող տնտեսագիտական մասնագիտական խորհրդի անդամ
2007-2010 թվականներին՝ ՀՀ ԳԱԱ Մ. Քոթանյանի անվան տնտեսագիտության ինստիտուտում գործող (008) գիտական աստիճաններ շնորհող տնտեսագիտական մասնագիտական խորհրդի անդամ

Պարգևներ

Մովսես Խորենացու մեդալ (2013 թ.)^[3]:

Երկեր

«Ֆինանսական համահարթեցման հիմնախնդիրները», Հարությունյան, Վլադիմիր Լիպարիտի, Երևան։ Գիտություն, 2008 . 116 էջ. :
Բյուջետային քաղաքականությունը և նրա կատարելագործման հիմնահարցերը Հայաստանի Հանրապետությունում, Հարությունյան, Վլադիմիր Լիպարիտի, Երևան։ Զանգակ-97, 2003, 120 էջ։ 20 սմ.^[4]
Հարկային քաղաքականությունը և նրա կատարելագործման հիմնահարցերը Հայաստանի Հանրապետությունում, Հարությունյան, Վլադիմիր Լիպարիտի, Զանգակ-97, 2003, 192 էջ^[5]

Ծանոթագրություններ

Արտաքին հղումներ

Վլադիմիր Հարությունյանի կենսագրությունը Միքայել Քոթանյանի անվան տնտեսագիտության ինստիտուտի կայքում Արխիվացված 2016-03-04 Wayback Machine

Վիքիդարանն ունի նյութեր, որոնք վերաբերում են «Վլադիմիր Հարությունյան (տնտեսագետ)» հոդվածին։

[_e4112aeef2701626-1] 1,0 ^1,1 ^1,2 65 տարեկան հասակում կյանքից հեռացել է տնտեսագետ Վլադիմիր Հարությունյանը

[2] ՀՀ ԳԱԱ, Թղթակից անդամներ, Վլադիմիր Հարությունյան

[3] Հայաստանի Հանրապետության շքանշանով և մեդալներով պարգևատրելու մասին

[4] Բյուջետային քաղաքականությունը և նրա կատարելագործման հիմնահարցերը Հայաստանի Հանրապետությունում

[5] Հարկային քաղաքականությունը և նրա կատարելագործման հիմնահարցերը Հայաստանի Հանրապետությունում

[1]

[2]

[3]

[4]

[5]