1878 թվականին ավարտել է Պետերբուրգի բժշկավիրաբուժական ակադեմիան։ 1885 թվականին Բեխտերևը Կազանի համալսարանի հոգեբանության ամբիոնի վարիչն էր, 1893 թվականից՝ Պետերբուրգի Ռազմաբժշկական ակադեմիայի պրոֆեսորը։ 1908 թվականից Բեխտերևը իր կազմակերպած հոգենյարդաբանական ինստիտուտի դիրեկտորն էր, իսկ 1918 թվականից գլխավորել է Ուղեղի և հոգեկան գործունեության ուսումնասիրման ինստիտուտը։ Գիտական խոշոր ներդրում են ուղեղի մորֆոլոգիայի վերաբերյալ Բեխտերևի ուսումնասիրությունները։ Ուղեղի ռեֆլեկտորային գործունեության բարդ ձևերը նկարագրելու համար Բեխտերևը առաջարկել է «զուգորդիչ-շարժական ռեֆլեքս» տերմինը։ Նա զբաղվել է սեռական դաստիարակության, երեխայի վարքագծի և հիպնոսի հարցերով։ Բացահայտել է ողնուղեղի և գլխուղեղի առանձին նյարդային հաղորդիչ ուղիները, վեր հանել թալամուսային (տեսաթմբային) շրջանի դերն ու նշանակությունը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 379)։