Վլադիմիր Աբրոյան
Վլադիմիր Աբրոյան | |
|---|---|
| Ծնվել է | սեպտեմբերի 23, 1939 (81 տարեկան) |
| Ծննդավայր | Թբիլիսի, Վրացական Խորհրդային Սոցիալիստական Հանրապետություն, ԽՍՀՄ |
| Ազգություն | հայ |
| Քաղաքացիություն |  ԽՍՀՄ |
| Մասնագիտություն | նկարիչ և ծաղրանկարիչ |
| Պարգևներ | Հայաստանի Հանրապետության վաստակավոր նկարիչ |
| Անդամակցություն | Հայաստանի նկարիչների միություն |
Վլադիմիր Օնիկի Աբրոյան (սեպտեմբերի 23, 1939, Թբիլիսի, Վրացական Խորհրդային Սոցիալիստական Հանրապետություն, ԽՍՀՄ), հայ ծաղրանկարիչ։ Հայաստանի Հանրապետության վաստակավոր նկարիչ[1]։ Հայաստանի նկարիչների միության անդամ (1960):
Գործունեություն[խմբագրել | խմբագրել կոդը]
Վլադիմիր Աբրոյանի ինքնակենսագրությունը, դիմանկարն ու ծաղրանկարներից յոթը զետեղված են Թուրինի Հումորի միջազգային կենտրոնի «Ծաղրանկարի միջազգային հանրագիտարանում»։ Ծաղրանկարչի աշխատանքները տեղ են գտել նաև Գաբրովոյի «Ծաղրանկարի համաշխարհային անթոլոգիայում»։ Երկար տարիներ աշխատակցել է «Ոզնի երգիծաթերթին»։ Մասնակցել է ցուցահանդեսների Կանադայում, Ֆրանսիայում, Անգլիայում, Բրազիլիայում, Կուբայում, Հոլանդիայում։
Վլադիմիր Աբրոյանի աշխատանքները տպագրվել են «Ոզնի» ամսագրում, «Կոմունիստ», «Սովետական Հայաստան» թերթերում, ինչպես նաև` նախկին ԽՍՀՄ-ի մի շարք ամսագրերում ու թերթերում, այդ թվում՝ «Կրոկոդիլը», «Նեդելյան», «Օգոնյոկը», «Սմենան», «Սովետսկի սոյուզը», «Moscow News»-ը, «Լիտերատուրնայա գազետան», «Սովետսկի սպորտը», «Ֆուտբոլը», նաև ԳԴՀ-ի, Ռումինիայի, Բուլղարիայի, Ֆրանսիայի, Լիբանանի ամսագրերը[2]։
|
Ինձ համար կարևորն այն է, որ աշխարհն իմանա, որ կա Հայաստանի նման երկիր, որտեղ դեռ կան լավ նկարիչներ։ Հենց այդ պատճառով վերջին տարիներին (անկախ տեղական մամուլում ակտիվ աշխատանքից) փորձում եմ իմ արվեստն ուղղել նաև դեպի միջազգային մրցույթներ։ Սա «ինքդ քեզ գերազանցելու», աշխատանքի և ընդհանրապես ստեղծագործության որակը բարձրացնելու հնարավորություն է տալիս: - Վլադիմիր Աբրոյան
|
|
Մրցանակներ[խմբագրել | խմբագրել կոդը]
- «Չեզարե Մարկորելիի» անվան մրցանակ, 1995
- Արվեստում հումորի միջազգային բիենալեի 28-րդ տեղ, Իտալիայի Տոլենտինո , 2015 («Իլյուզիոնիստի թաղումը» աշխատանք)
Գրականություն[խմբագրել | խմբագրել կոդը]
- Նկարիչների միության կատալոգ, 2007 : Աբրոյան Վլադիմիր Օնիկի[3]
Ծանոթագրություններ[խմբագրել | խմբագրել կոդը]
- ↑ Հայաստանի Հանրապետության պատվավոր կոչումներ շնորհելու մասին
- ↑ Sputnik։ «Հայ ծաղրանկարիչ. ծիծաղել ապրելու համար»։ armeniasputnik.am։ Վերցված է 2016-08-06
- ↑ «ՀՀ ԳԱԱ Հիմնարար Գիտական Գրադարան catalog › Authority search › Աբրոյան, Վլադիմիր Օնիկի, 1939- (Personal Name)»։ opac.flib.sci.am։ Վերցված է 2016-08-06