Վիքիպեդիա:Խորհրդարան/Արխիվ/Դեկտեմբեր 2019

Վիքիպեդիայից՝ ազատ հանրագիտարանից

«Պետաիրավական ռեժիմը և մարդու իրավունքներ» սեմինար Վիքիմեդիա Հայաստանի գրասենյակում

Հարգելի՛ խմբագիրներ,

Վիքիմեդիա Հայաստանը դեկտեմբերի 7-ին ժամը 16:00-ին կազմակերպում է «Պետաիրավական ռեժիմը և մարդու իրավունքները» սեմինար, որը վարելու է Հայերեն Վիքիպեդիայի խմբագիր Նորայր Բաղդասարյանը։

Սեմինարը Հայերեն Վիքիպեդիայում ընթացող «Վիքին հանուն մարդու իրավունքների» նախագծի շարունակությունն է։

Սեմինարի օրակարգ
  • Ի՞նչ է մարդու իրավունքները, ի՞նչ դերակատարություն ունեն այդ սկզբունքները հասարակական հարաբերություններում։
  • Ի՞նչ է պետաիրավական ռեժիմը և ի՞նչ ազդեցություն կարող է ունենալ վարչակարգը մարդու իրավունքների պաշտպանությանն ուղղված կողմնորոշիչների վրա։
  • Որո՞նք են մարդու իրավունքների պաշտպանության արդի հիմնախնդիրները Հայաստանի Հանրապետությունում։ Որքանո՞վ է ՀՀ ներպետական օրենսդրությունը պատրաստ դիմակայել մարդու իրավունքների առնչակցությամբ մարտահրավերներին։

Հասցե՝ Արշակունյաց 4, Մամուլի շենք, 4-րդ հարկ

Հեռ․՝ +374 93118800, +374 41118800։ --Dato (WMAM) (քննարկում) 10:35, 2 Դեկտեմբերի 2019 (UTC)[reply]

«Վիքիմարզիչ» նախագծի մասնակիցների գրանցում

Հարգելի՛ խմբագիրներ,

Վիքիմեդիա Հայաստանը դեկտեմբերի 20-23-ը Ծաղկաձորում մեկնարկում է «Վիքիմարզիչներ» նախագիծը, որը նպատակ ունի ընդլայնել Վիքիպեդիայի գիտակների շարքերը։ Վերջիններս հնարավորինս լիարժեք կտիրապետեն Վիքիպեդիայի գործիքակազմին և կանոնակարգերին, կունենան այն տարածելու հմտություններ և ցանկություն, ինչպես նաև խմբերի հետ աշխատելու թույլտվություն։

Գրանցման վերջնաժամկետը ս․թ․ դեկտեմբերի 15-ն է ներառյալ։

Գրանցվելու և մասնակցության մանրամասնություններին ծանոթանալու համար սեղմեք այստեղ։ --Dato (WMAM) (քննարկում) 11:48, 10 Դեկտեմբերի 2019 (UTC)[reply]

Հղում այլ վիքինախագծի

Համայնք ջան, հայերեն Վիքիպեդիայի հոդվածներում այլ Վիքինախագծերի հղում չենք տալիս։ Չեմ հիշում, սրա մասին որտեղ է խոսվել, բայց այդպիսի համաձայնության եկել ենք ժամանակին։ Վերջերս՝ վիքիտվյալների ակտիվացման հետ, որոշ հոդվածներում ներքին հղումներ են դնում, որոնք տանում են Վիքիտվյալների էջ։ Սրա մասին ի՞նչ կասեք, եթե բառից այլալեզու Վիքիպեդիա չենք հղում, կամ Վիքիդարան ու Վիքիբառարան, ապա Վիքիտվյալի առավելությունը ո՞րն է։ Հիշեցնեմ, որ խոսքը միայն հոդվածներից հղումների մասին է։--BekoՔննարկում 17:16, 15 Դեկտեմբերի 2019 (UTC)[reply]

Ես Վիքիտվյալների նման հղումներ չեմ տեսել, բայց մանավանդ Անգլերեն Վիքիպեդիայի հոդվածներին արված հղումները սովորաբար լինում են թարգանված հոդվածներում, և վիզուալ խմբագրիչով աշխատող մասնակիցն ուղղակի չի ջնջում։ Կողմ եմ դրանք նվազագույնին հասցնելուն, որովհետև խրախուսելու դեպքում անկանոն վիճակ կստացվի։--Voskanyan (քննարկում) 17:32, 15 Դեկտեմբերի 2019 (UTC)[reply]
Մեր տեսակետն այն էր, որ եթե արհեստականորեն կապտեցնում ենք հղումը, ապա պատրանք է ստեղծվում, որ հոդվածը հայերեն կա, ու հնարավոր է այն ստեղծելու փորձ չարվի։ Վիքիտվյալի հղումներ դնում են առավելապես հուշարձանին կամ թանգարանային նմուշին, որի էջերը ստեղծում են Վիքիտվյալներում, բայց հոդված չկա և որոշների մասին չի էլ ստեղծվի նյութի սակավության պատճառով։--BekoՔննարկում 17:51, 15 Դեկտեմբերի 2019 (UTC)[reply]

Չեզոքության խախտման մտահոգություններ

Հարգելի՛ համայնք, նախքան «Հայոց պատմություն» նախագիծն սկսելը ես հարցրել էի, թե ով է զբաղվելու հոդվածների չեզոքության ստուգմամբ և որպես պատասխան ստացել էի, որ դրանցով զբաղվելու են կազմակերպիչները: Ահա ես նայում եմ կազմակերպիչներից մեկի գրած հոդվածը, որը լի է ոչ չեզոք, ոչ հանրագիտարանային տարրերով («թուրքերը չհամարձակվեցին հարձակվել...», «եկել էին սարսափ տարածելու...» և այլն): Ես հավատում եմ, որ Վիքիպեդիայում պետք է գրվի հստակ փաստեր, հոդվածը պետք է զերծ մնա ցանկացած տեսակի զգացմունքային տարրերից (եթե, իհարկե, այն քաղվածք չէ): Ես չեմ ուզում, որ շուտով Վիքիպեդիայի հայոց պատմության թեմատիկան անորակ դասագրքերը հիշեցնի: Քանի դեռ նախագիծը նոր է սկսվել, ես առաջարկում եմ լուծումներ մտածել:

Հ.Գ. սա գրում եմ, քանի որ նկատել եմ, որ շատերի կողմից չեզոքության խախտման դեպքերի մասին իմ կոչերը սխալ են ընկալվում: Ես շատ բարձր եմ գնահատում կազմակերպիչների կատարած աշխատանքը, և եթե ինձ համար այդ ամենը մեկ լիներ, ես նման քննարկում չէի բացի:--TonJ (քննարկում) 21:26, 15 Դեկտեմբերի 2019 (UTC)[reply]

Լիարժեքորեն կիսում եմ TonJ-ի տեսակետը։ Բացի այդ, մտահոգություն ունեմ, որ կարող է չպահպանվել նաև հեղինակային իրավունքը, քանի որ, ոնց հասկացա, հիմնականում աշխատանքը լինում է աղբյուրների հետ։--Armen (քննարկում) 06:37, 16 Դեկտեմբերի 2019 (UTC)[reply]
Կիսում եմ TonJ-ի մտահոգությունները, եթե ոչ չեզոք նյութերի տեղադրումը կրում է համատարած բնույթ, անհրաժեշտ է կասեցնել նախագիծը:--Սամվելքննարկում 06:38, 16 Դեկտեմբերի 2019 (UTC)[reply]
Հարգելի TonJ, երբ խորհրդարանում դրվեց այս նախագիծը սկսելու հարցը, կազմակերպիչները հստակ ասեցին, որ բացի կազմակերպիչներից յուրաքանչյուր ոք կարող է մասնակցել ստուգման աշխատանքներին, ստուգողների ցանկը բաց է: Ուրախ կլինեմ, որ դու էլ քո ներդրումը ունենաս «Հայոց պատմություն» նախագծում, քանի որ այն վերաբերվում է մեր պատմությանը: Նույնիսկ ես՝ հուշարձանների մասին հոդվածներս ժամանակավոր դադարեցրել եմ գրել, այս նախագծում իմ ներդրումը ունենալու համար:--Soghomon Matevosyan (քննարկում) 08:21, 16 Դեկտեմբերի 2019 (UTC)[reply]

Սկզբում ինձ համար տհաճ էր տեսնել, թե ինչպես է TonJ-ը հակընդդեմ քայլեր կատարում այն նախագծերում, այն քննարկման էջերում, որտեղ ներկա է Nooberella մասնակիցը, սակայն հիմա արդեն սովորական է դարձել։ Միտումնավո՞ր է սա արվում TonJ-ի կողմից, չեմ կարող հստակ ասել, ինքը կիմանա։ Նաև ուզում եմ հատուկ առաջարկել TonJ-ին իր ստեղծած հոդվածներից հանել «զգացմունքային» արտահայտությունները և նոր միայն այլ մասնակիցների հոդվածներում փնտրել այդպիսիք։ Օրինակ իր ստեղծած KitKatClub գիշերային ակումբի մասին հոդվածում գրված է «Երբ 2001 թվականին Բեռլինը պահպանողական ռեժիմի տակ էր, ակումբը ոստիկանության կողմից հարձակման էր ենթարկվել պատճառաբանելով, որ այն «մարդկանց հրավիրում է հանրային վայրերում բաց սեռական հարաբերություններով զբաղվել»»։ Այստեղ առկա է ոչ միայն կոպիտ տեղեկատվական սխալ, այլ նաև նախադասության զգացմունքայնություն հաղորդել։ Այստեղ էլ չկա չէ՞ զգացմունքայնություն և շարադրված է «սառը», հանրագիտարանային ոճով նախադասություն՝ «Վերջին տարիներին KitKatClub-ն ավելի է «զսպվել»»։ Սա նրա վերջին հոդվածից ընդամենը 2 փոքրիկ մեջբերում։ Ես ոչ մի ցանկություն չունեմ ընկնեմ նրա հոդվածներում նմանատիպ բազում մեծ ու փոքր բացթողումներ գտնել, քանի որ կարծում եմ ինքը նույն կերպ հետևողականորեն իր հոդվածները կզննի։ Նախագիծը ավարտված չէ և հոդվածների ստուգումները դեռևս կատարված չեն, այնպես որ եթե կան որակի հետ կապված մտահոգություններ և նախագծի ավարտին սպասելը այդքան դժվար է, ապա առաջարկում եմ կա՛մ ինքներդ անեք ուղղումները, կա՛մ պիտակեք հոդվածը։ Նախագծի կազմակերպիչներից հոդվածների ստուգում հիմնականում ես եմ կատարելու, այնպես որ եթե հարցեր կունենաք ինձ դիմեք նախագծի ավարտից հետո որոշակի ժամանակ անց։ Ինչ վերաբերվում է նախագիծը փակելուն, ապա միանգամայն տարօրինակ է նման բան կարդալ Սամվելի մեկնաբանության մեջ։ Այսինքն Սամվել ջան, մի կողմից կանոնակարգ ես ուզում շրջանառության մեջ դնես այն մասին, որ սկսնակներին, նորեկներին, դեռևս վիքին լիարժեքորեն չտիրապետողներին պաշտպանելու համար, բայց մյուս կողմից հարվածում ե՞ս Հայերեն Վիքիպեդիայում առնվազն իրենց խմբագրումները կամաց-կամաց որակյալ դարձնելուն ձգտող Nooberella-ին և Gevorg Ghazaryan-ին։ Արդարացի չի եղբայր, ասեմ ավելին, զարմանալի է։--Գարդմանահայ (քննարկում) 08:43, 16 Դեկտեմբերի 2019 (UTC)[reply]

Գարդմանահայ, ցավում եմ քեզ համար, որ մտածում ես, թե իբր ես «հակընդդեմ քայլեր եմ կատարում այն նախագծերում, այն քննարկման էջերում, որտեղ ներկա է Nooberella մասնակիցը»: Իրականում, եթե ուզում ես իմանալ, այ սա է զարմանալին: Ինչպես տեսել ես, ԿիտԿատի հոդվածում զսպվել բառը ես վերցրել եմ չակերտների մեջ, որովհետև այլ բառով երևույթը նկարագրել չի լինի: Փոխարենը կարող էի գրել՝ «այս ահասարսուռ վայրում, որտեղ տեղի են ունենում մի շարք անիմաստ, ոչ ըմբռնելի և տակավին նզովյալ բաներ, ...», բայց, ինչպես տեսնում եմ, այդպես չեմ գրել: «Երբ 2001 թվականին Բեռլինը պահպանողական ռեժիմի տակ էր, ակումբը ոստիկանության կողմից հարձակման էր ենթարկվել պատճառաբանելով, որ այն «մարդկանց հրավիրում է հանրային վայրերում բաց սեռական հարաբերություններով զբաղվել»՝ այս մասով ի՞նչը չհասկացար, ո՞րն էր չեզոքության խախտում: Եթե ես ինչ-որ բան ունենայի ինչ-որ մեկի հետ այստեղ, ես խորհրդանարում նման քննարկում չէի բացի, փոխարենը հոդվածները հերթով կպիտակեի (որը քո անթաքույց ցանկությունն է) և վերջ:

Երկրորդ մասով ես չհասկացա, թե ինչու ես բերում Nooberella-ի և Gevorg Ghazaryan-ի նոր մասնակից լինելու «փաստը»: Երբ նախագիծ էիր սկսում, և, ինչպես հասկացա, այն նաև գլխավորում, չէի՞ր մտածում նրանց նորեկ լինելու մասին և որ նրանք հոդվածները «կամաց-կամաց որակյալ դարձնելուն ձգտող» են: Կարո՞ղ եմ այստեղ հասկանալ, որ Հայերեն վիքիպեդիայի որակի չափանիշների մասին չես մտածել` կարևոր նախագիծ սկսելուց առաջ: --TonJ (քննարկում) 09:50, 16 Դեկտեմբերի 2019 (UTC)[reply]

Գարդմանահայ ջան գրել եմ «եթե կրում է համատարած բնույթ», նշանակում է չի կարելի թույլ տալ, որ Վիքիպեդիայում համատարած խախտվի չեզոքության կանոնը, որը համարվում է հինգ սյուներից մեկը, և փոխարենը բերես հակընդեմ փաստեր, որ TonJ մասնակիցը սխալվում է, և չեզոքության խախտում առկա չէ, հակընդեմ մեղադրանքներով ես հանդես գալիս, սա՞ է արդարացի: Ինչ վերաբերվում է իմ կողմից մշակված «կանոնին», որն իրականում ուղեցույց է, նրանով ես ցանկացել եմ, որ չնեղացնենք նորեկներին, սակայն դա չի նշանակում, որ նորեկը ինչ ուզի կարող է անել: Նորեկներին պետք է շատ կիրթ բացատրվի, որ ահա այս մասը չեզոք չէ և օգնենք ուղղի:--Սամվելքննարկում 10:18, 16 Դեկտեմբերի 2019 (UTC)[reply]
Ողջույն, TonJ: Արդեն մեկ անգամ էլ եմ տեսել, որ չեզոքության խախտման համար գրում ես Nooberella մասնակցին [1], շատ գնահատելի է քո աչալրջությունը, որը ես դեռ վաղուց էի նկատել, երբ մասնակցում էիր Խաչակիրների միամսյակին: Վիքիպեդիան՝ որպես հանրագիտարան, պետք է պահպանի իր գիտահանրամատչելի, և ոչ գեղարվեստական ոճը: Ամենևին կարևոր չէ, թե ո՛վ է մատնանշում թերությունները, այլ կարևոր է թե ի՛նչ թերության մասին է խոսքը (Վիքիպեդիայում պետք է խուսափել անձնականացնել): Այդուհանդերձ, ցավալ Գարդմանահայի համար պետք չէ, այդպիսի խոսքերով դու արդեն մտնում ես անձնական դաշտ. դրա համար քեզ կարող է հասնել արդարացի զգուշացում, իսկ Գարդմանահային՝ թեմայից շեղման համար ծանուցում: Բուն ասելիքս քո մտահոգության համար այն է, որ եթե իսկապես քեզ հետաքրքրում է հարցը, կարող ես քննարկում բացել մասնակցի էջում, և փորձել ընկերաբար (ինչպես՝ ժամանակին քեզ) սովորեցնել և օգնել: Վստահ եմ, որ վատ գաղափարների ակնկալիքներ չունես, և ենթադրում ես բարի նպատակներ: --Հայկ (արաբագետ) 10:24, 16 Դեկտեմբերի 2019 (UTC);[reply]
Ողջույն, Հայկ: Ուրախ եմ քեզ տեսնել քննարկումների ժամանակ: Երբ մասնակիցը ժամանակին գրում էր նման հոդվածներ, ես դրանց քննարկման էջում գրում էի իմ մտահոգությունը (տես, օրինակ, «հայեր» հոդվածը): Քանի որ սա մի ամբողջ նախագիծ է, ես ճիշտ համարեցի գրել խորհրդարանում:--TonJ (քննարկում) 10:35, 16 Դեկտեմբերի 2019 (UTC)[reply]
Ես տեղեկացրի մասնակցին [2]: Սպասենք իր արձագանքին: --Հայկ (արաբագետ) 10:50, 16 Դեկտեմբերի 2019 (UTC)[reply]
Բարի կեսօր։ Կարծում եմ՝ որոշ հոդվածներում ոչ չեզոք հատվածների առկայությունը նախագծի կասեցման համար արդարացի հիմք չի կարող ծառայել։ Պարզապես կարելի է զգուշացնել մասնակցին, որպեսզի հետագայում զերծ մնա այդպիսի գործելաոճից։ Վերջիվերջո, նման խնդիր կարող է առաջանալ նաև նախագծի շրջանակներից դուրս ստեղծվող հոդվածներում, այդ պարագայում ի՞նչ պետք է անենք։ Այնուամենայնիվ, ցավով պետք է փաստեմ, որ մասնակիցների միջև սույն քննարկման շրջանակներում ակնհայտ հակակրանք եմ նկատում միմյանց նկատմամբ, որն էլ նպաստում է լարվածության մթնոլորտի առաջացմանը։ Armenmir մասնակցին էլ կխնդրեմ մտահոգությունները հիմնավորել փաստերով։

Հգ․, նախագծի հեղինակներին՝ Nooberella-ին և Gevorg Ghazaryan-ին խնդրում եմ չհիասթափվել և շարունակել նույն տեմպով, քանզի նմանօրինակ քննարկումները այս պլատֆորմում մեր անբաժան ուղեկիցն են, քանի դեռ մենք մտահոգված ենք հանրագիտարանով։ «Հայոց պատմություն» նախագծի առկայությունը մեր հանրագիտարանում կենսական անհրաժեշտություն է և ցանկանում եմ, որպեսզի ավելի շատ մասնակիցներ իրենց ներդրումն ունենան այստեղ։ Բարին ընդ ձեզ։ Հարգանքներով՝ --Օmıcrօn 10:49, 16 Դեկտեմբերի 2019 (UTC)[reply]

Ողջույն համայնք ջան :) Հուսով եմ լավ եք։ Հերթով կետերով անդրադառնամ ստեղծված իրավիճակին։

  • Սկզբից անդրադառնամ TonJ-ի առաջ քաշած խնդիրներին։ Նախ ես իմ հոդվածներում այդպիսի տողեր չունեմ :) Խորդհուրդ կտամ քեզ բառացի և ամբողջական ներկայացնել իմ գրածը, այլ ոչ թե կոնտեկստից դուրս և սխալ, քանի որ չեմ հիշում նախագծի ընթացքում գրված որևէ հոդված, որը վերաբերվում է թուրքերին։ Հիմա մեջբերեմ այն հատվածները, որը, ըստ իս, ցանկացել է ցույց տալ TonJ-ը։

1․ Ոչ թե «թուրքերը չհամարձակվեցին հարձակվել...», այլ «Չհամարձակվելով հարձակվել Քեսունի իշխանության վրա՝ Իկոնիայի սուլթանության զորքերը նախ հարձակվում են Կիլիկիայի իշխանության։» Պատմությամբ հետաքրքրվողները կիմանանան, թե ինչքան հզոր է եղել Քեսունի իշխանությունը այդ ժամանակաշրջանում, որի հետևանք է, որ թՅուրքերը հարձավեցին ոչ թե դրա, այլ Կիլիկիայի հայկական իշխանության վրա։ Եթե պատմությամբ հետաքրքրվողները այստեղ չեզոքության խախտում են տեսնում կարող են հեռացնել սկզբնամասը, քանի որ սա փոքր ինչ մասնագիտական է և պատմությամբ չհետաքրքրվող մարդու մոտ կարող է անհասկանալի լինել։

2․ Ոչ թե «եկել էին սարսափ տարածելու...», այլ «Թյուրքական զորքերը, որոնք բաղկացած էին 12 հազար զինվորից, ավերում և կողոպտում էին հայկական գյուղերը և բնակավայրերը, որի նպատակը սարսափ տարածելն էր։» Այո, և երիցս այո, սարսափ տարածելը, ահաբեկելը ռազմավարություն է, ինչու՞ ոչ, դե եկեք բոլոր ահաբեկչության մասին հոդվածները ջնջենք, քանի որ դա չեզոքության խախտում է։

TonJ-ին կխնդրեմ այսպիսի մանր-մունր հարցերի դեպքում քննարկում բացել, ինչը որ նա հաճախ է անում իմ հոդվածներում (շատ գովելի է)։ Սակայն նաև խորհուրդ կտամ, որ քննարկում բացելուց հետո չմոռանաս այն և շարունակես բանավեճը, առանց աչքաթող անելու, քանի որ «Հայեր» հոդվածի քննարկման էջում բերված քո բոլոր մտահոգություններին կետ առ կետ պատասխանել եմ, որին այդպես էլ պատասխան չստացվեց (ես դա ընդունում եմ որպես համաձայնություն իմ տեսակետին)։ Նաև դու պնդում ես, որ դարձվածքների օգտագործումը կամ ասենք «հերոսամարտ» բառը չեզոքության խախտում է։ Կարծում եմ շատ ես սեղմում չեզոքության սահամնների օղակը։

  • Armen ջան ներկայումս ստեղծված հոդվածներից քանիսում ես տեսել հեղինակայնության իրավունքի խատխում, որ այդպես մահոգվել ես, քանի որ «հիմնականում աշխատանքը լինում է աղբյուրների հետ»։ Ինչքան գիտեմ Վիքիպեդիայում բոլոր հոդվածները գրելիս էլ աշխատանքը աղբյուրների հետ է լինում :)
  • Սամվել ջան, օրինակ ինձ համար միշտ էլ անհասկանալի է եղել, թե ինչքան բարդ է մարդու համար դնել հոդվածում երկու բառ ջնջել (որի առկայության համար էլ սկսվել է այս քննարկումը՝ «չհամարձակվել» և «սարսափ»), քան նստել և Խորհրդարանում/քննարկամն էջերում հազարավոր բայթեր գրելով քննարկել, ապացուցելու համար, որ այդ մասնակիցը սխալ է։ Օրինակ՝ Հայկը հենց նոր իմ հոդվածներից մեկում ահագին փոփոխություններ արավ, փոխեց մի շարք նախադասություններ։ Ես դեմ չեմ դրանց, բայց նա նստեր քննարկամն էջերում տեքստեր գրեր, ապա դա ավելի սխալ կլիներ (ըստ իս)։ Այ հենց ես իր կատարած փոփոխությունների հետ համամիտ չլինեմ, կգրեմ նրան և երկուսով վիճելի հարցերը կքննարկենք։ ՀԵնց սա եմ ես առաջարկել, ասելով, որ ցանկացածը կարող է նպաստել հոդվածների ստուգմանը։
  • Օmıcrօn ջան շնորհակալ եմ լավ խոսքերի համար, իհարկե չեմ հիասթափվի, վիքին դեռ շատ լավ հոդվածների կարիք ունի, որի ստեղծման համար այսպիսի քննարկումներ միայն ու միայն խթան կարող են հանդիսանալ։

Շնորհակալություն, կարծում եմ ամբողջացրի։ Եթե բան եմ մոռացել, հետո կավելացնեմ :) --Nooberella💬 11:51, 16 Դեկտեմբերի 2019 (UTC)[reply]

Հարգելի՛ Omicroñ'R և Nooberella, խնդրում եմ նորից կարդալ իմ գրածը, հավանաբար ճիշտ չեք հասկացել։ Գրել եմ մտահոգություն ունեմ, որ կարող է խախտվել հեղինակային իրավունքը, քանի որ հոդվածների մեծ մասը բարելավվելու են աղբյուրների կիրառման արդյունքում։ Nooberella, եթե ուշադիր լինես, ձեր համակարգած նախագծի աղբյուրների մեծ մասը հեղինակային իրավունքի օբյեկտ են, հետևաբար միշտ էլ անհանգստություն կա, որ կարող է հեղինակային իրավունքը չպահպանվել։ Խորհուրդ եմ տալիս միշտ հետևել Հայերեն Վիքիպեդիայի հինգ հիմնասյուներին։ Եթե մասնակիցը ինչ-որ խնդիր է տեսնում այս կամ այն երևույթի հետ կապված, ապա միայն ողջունելի է, որ նա բարձրաձայնում է այդ մասին, եթե դա անգամ դուր չգա որոշ մասնակիցների։ Ի գիտություն քեզ, Nooberella ջան, ես միշտ մտահոգ եմ Հայերեն Վիքիպեդիայի համար, անկախ այն հանգամանքից, թե խոսքն ինչի մասին կլինի։ Իսկ ինչ վերաբերում է նորեկ լինելուն, ապա նախագիծը համակարգող երեք մասնակիցներն էլ առնվազն մեկ ու կես տարվա վիքիստաժ ունեն, հետևաբար նորեկության թեմայից այստեղ խոսելը, կարծում եմ, տեղին չէ։ Շնորհակալություն։ --Armen (քննարկում) 12:26, 16 Դեկտեմբերի 2019 (UTC)[reply]

Armen ջան, քանի որ այդ հարցի շուրջ մինչև նախագծի սկիզբը մենք որոշ քննարկումներ արել ենք, ապա, կարծում եմ, տեղին չէր ևս մեկ անգամ բարձրացնել հարցը, ուղղակի մտահոգ լինելու համար։ :)--Nooberella💬 12:31, 16 Դեկտեմբերի 2019 (UTC)[reply]
Nooberella ջան, թող արդեն ես որոշեմ, թե իմ գրած մեկնաբանություններում ինչ բովանդակություն օգտագործել։ Եվս մեկ անգամ կոչ եմ անում հետևել վիքիէթիկետի կանոններին։ Կարծես թե, դու երբեմն սիրում ես էմոցիոնալ մեկնաբանություններ գրել, ինչը ճիշտ չէ, կոչ եմ անում պահպանել ռացիոնալ գրելու ոճ։ Եթե նշում եմ, որ ունեն նման մտահոգություններ, ուրեմն ունեմ և անմիջապես կարձագանքեմ, ինչպես դա արել եմ նախկինում։ Շնորհակալություն։--Armen (քննարկում) 13:06, 16 Դեկտեմբերի 2019 (UTC)[reply]

Հարգելի՛ մասնակիցներ, նախ առաջարկում եմ դուրս գալ զգացմունքային ոլորտներից և խոսել ըստ էության: Անհրաժեշտություն չկա միմյանց վրա սխալ գտնել. պետք է փաստարկել ձեր դիրքորոշումը: Կարծում եմ՝ չկա ոչինչ վատ նրանում, որ մասնակիցը մտահոգություն է հայտնել, պետք էլ չէ միանգամից միտում տեսնել և անձնավորել խնդիրը: Զարմանալի է, որ մեզ մոտ շատ հաճախ ու շատ արագ քննարկումները դուրս են գալիս կառուցողական շրջանակներից: Աշխատենք հարգանքի մթնոլորտում: Մի հարց Գարդմանահային. ինչպես նշեցիր՝ «Նախագծի կազմակերպիչներից հոդվածների ստուգում հիմնականում ես եմ կատարելու», հետևաբար կուզեի հասկանալ մյուս երկու մասնակիցների դերը: Հնարավո՞ր է նման ահռելի աշխատանք «հիմնականում» մենակ անել: Ինչ վերաբերում է հեղինակային իրավունքի խախտմանը, ապա Հեղինակային իրավունքի մասին կանոնակարգը բոլոր նախագծերի կազմակերպիչներին ասում է, որ պետք է հետևեն ՀԻ պահպանմանը, իսկ հայտնաբերելու դեպքում՝ մասնակցին զրկեն մրցույթին կամ նախագծին մասնակցելուց: Մասնակից:Nooberella ջան, հարգելի՛ս, հասկանալով քո կապվածությունը շատ բաների վիքիում՝ այնուամենայնիվ հորդորում եմ մի քիչ ավելի քիչ էմոցիոնալ դաշտում գտնվես. սա հնաբնակից խորհուրդ նորեկին (հուսամ՝ ասածս «կծոց» չես համարի ;) ): Հաճելի ու բարի վիքիխմբագրումներ բոլորիդ: --∑ίγμα (քնն.) 12:33, 16 Դեկտեմբերի 2019 (UTC)[reply]

Սիգմա ջան, շնորհակալ եմ խորհրդի համար, փորձում եմ իհարկե հետևել խորհրդիդ և կարծես թե կամաց-կամաց ստացվում է։ Իսկ գրածներիս մեջ բնավ ոչ մեկին «կծելու» միտում չունեմ :) Եթե այդպիսի տպավորություն է ստեղծվել, ապա անկեղծ այդպիսի միտում չունեմ :) Իսկ մեր գործառույթի մասին, ասեմ, որ ցանկը մենք ենք կազմել, որը հավատացեք, ավելի բարդ գործընթաց է, քանի հոդված ստուգելը (որում իհարկե օգնելու ենք Գարդմանահային)։ --Nooberella💬 12:44, 16 Դեկտեմբերի 2019 (UTC)[reply]

Նկատի ունեի՝ իմ ասածները քեզ, հուսամ, կծոց չես համարի:--∑ίγμα (քնն.) 12:48, 16 Դեկտեմբերի 2019 (UTC)[reply]
Հասկացել էի Սիգմա ջան։--Nooberella💬 12:55, 16 Դեկտեմբերի 2019 (UTC)[reply]
Nooberella, անընդհատ տարբեր տեղեր նշում ես, որ չեմ պատասխանել, նշանակում է՝ համաձայն եմ: Դու, կարծում եմ, ինքդ էլ քո ասածին չես հավատում, քանի որ եթե ես քո հետ համաձայն լինեի, «Տարվա հոդված»-ի բաժնում դեմ ձայն հանած կլինեի: Բայց չեմ հանել: Ստացվում է՝ համաձայն չեմ քեզ հետ: Ամեն ինչ շատ պարզ է: Իսկ թե ինչի չեմ պատասխանում՝ պատասխանը շատ պարզ է. երբ ես հասկանում եմ, որ ստեղծված դրությունը անհույս է, էլ չեմ շարունակում քննարկումը:--TonJ (քննարկում) 13:00, 16 Դեկտեմբերի 2019 (UTC)[reply]
Խնդրում եմ կա՛մ քննարկումը չշարունակել, կա՛մ տեղափոխվել կառուցողական դաշտ։ Իսկապես ցավում եմ, որ համայնքում կարող են նմանօրինակ քննարկումներ ծավալվել՝ «ի գիտություն»-ներով, կոշտ հորդորներով, առհամարհանքներով, «անհույս դրություններով» և այլն։ Բոլոր մասնակիցներին խնդրում եմ դուրս չգալ կոռեկտության շրջանակներից և չխախտե՛լ վիքիէթիկետը (համենայն դեպս որոշ մասնակիցների կողմից այն արդեն խախտվել է): Հուսամ այս իրողությունը մտահոգում է նաև ադմինիստրատորներին, որոնք իրենց իրավասությունների շրջանակներում կփորձեն հանդարտեցնել մթնոլորտը։--Օmıcrօn 13:35, 16 Դեկտեմբերի 2019 (UTC)[reply]
TonJ ջան, բերեք չշեղվենք քննարկման բուն թեմայից, եթե կան չեզոքության խախտման համատարած դեպքեր մի քանի մասնակիցների կողմից, խնդրում եմ նշել դրանք կամ գոնե նշեք որ հոդվածներում են դրանք կատարվել: Եթե խնդիրը միայն Nooberella մասնակցի խմբագրած էջերում է, մասնակցին արդեն գրվել է, կարծես թե մասնակիցն ընդունել է և քննարկումը կարելի է փակել: Խնդրում եմ նաև զերծ մնալ «չեմ պատասխանել, որովհետև անհույս էր» տիպի արտահայտություններից: Եթե այնուամենայնիվ գտնում եք, որ վիճակն անհույս է, կարող եք դիմել ինձ կամ այլ ադմինի իրավիճակը հարթելու համար:--Սամվելքննարկում 13:48, 16 Դեկտեմբերի 2019 (UTC)[reply]
Սամվել ջան, խնդիրը միայն Nooberella-ին չի վերաբերում, կարող ես կարդալ, օրինակ, այս և հեղինակի՝ հայոց պատմությանը վերաբերող այլ հոդվածները (նշեցի դա, քանի որ այն նախագծում ուներ {{արված է}} կաղապարը): Ամենալավը՝--TonJ (քննարկում) 14:17, 16 Դեկտեմբերի 2019 (UTC)[reply]

Այս քննարկմանը հնչեցվել են բազմաթիվ արտահայտություններ, մտքեր, որոնց հետ ես համաձայն չեմ: Այնուամենայնիվ մի քանի մասնակցի հորդորին հետևելով՝ կփորձեմ այնպես արձագանքել, որ քննարկմանը լուծում տրվի: Կարելի է ասել յուրաքանչյուր մասնակցի գործողություններում էլ կարելի է սխալներ, բացթողումներ, խախտումներ գտնել, սակայն նախ և առաջ պետք է ընկերական ձևով օգնել, որպեսզի տվյալ մասնակիցը վերացնի, շտկի, այլևս չանի այդ սխալները, բացթողումներն ու խախտումները: Իմ կարծիքով, ավելի լավ է օգտակար խմբագրումներ կատարել, քան թե «նստել» այլոց թերությունները փնտրել; Այն անընդհատ գործընթաց է, որքան փնտրես, այնքան կգտնես: Կա չգրված, չհամաձայնեցված մի օրենք՝ այն է միմյանց արարքներում «կեղտ» չփնտրել, այլ դիմել իմ նշած քայլին՝ ընկերական ձևին: Եթե այդպես չի արվում, նշանակում է համայնքը անառողջ է, իսկ եթե անառողջ է, ապա ակնհայտ են դառնում միմյանց նկատմամբ թաքուն, երբեմն էլ ակնհայտ թշնամանքը, ատելությունն ու անհանդուրժողականությունը: Մի ասածվածք կա, ասում է եթե չես ուզում, որ քեզ քարով խփեն, ապա առաջինը մի նետիր քարը: Առաջարկում եմ դադարեցնել այսպիսի քննարկումները, քանզի այն ի վերջո հանգեցնելու է Վիքիպեդիայի լճացմանն ու խարխլմանը: Այն եռանդն ու ժամանակը, որ տրվում է նմանատիպ քննարկումներին, թող ուղղվի Հայերեն Վիքիպեդիայի կանոնակարգերի կատարելագործմանը, նորերի մշակմանը, որակյալ հոդվածների ստեղծմանը: Հայոց պատմություն նախագիծը բնականոն հունով ընթանում է, մասնակիցները ստեղծում և բարելավվում են հոդվածները, կատարվել է հսկայական աշխատանք ցանկեր կազմելու, աղբյուրներ գտնելու և դրանք մատչելի մատուցելու, ինչպես նաև այլ տեխնիկական աշխատանքների մասով: Նախագիծն ունի փորձառու և սկսնակ մասնակիցներ, որոնք հոդվածներ են գրում, նոր մոտեցումներ ներդնում այդ գործընթացում: Ինչպես արդեն ասել եմ, նախագծի հոդվածները հիմնականում ես եմ ստուգելու: Եթե իմ ստուգելուց հետո կնկատվեն բացթողումներ, ապա կսպասեմ տվյալ հոդվածի քննարկման էջում: Եվ ի վերջո ուզում եմ հատուկ նշել, նախագծի ավարտից հետո լինելու է նաև այլ ժողովուրդների և երկրների պատմության վերաբերյալ նախագծեր: Այնպես որ խնայեք նյարդերը և սպասեք նորանոր նախագծերի:--Գարդմանահայ (քննարկում) 15:48, 16 Դեկտեմբերի 2019 (UTC)[reply]

Հարգելիներս, առաջարկում եմ հետևյալ լուծումը․ բոլոր մասնակիցները, ովքեր կտեսնեն հոդվածներում չեզոքության խախտում, կարող են տեղադրել {{չեզոքություն}} կաղապարը՝ քննարկման մասում բացատրելով ինչի։ Նախագծի մասնակիցներին հորդորում եմ զերծ մնալ դասագրքային, հուզիչ, ոչ հանրագիտարանային բառերի օգտագործումից, չօգտվել դասագրքերից և ոչ հավաստի աղբյուրներից։ Եթե այնուամենայնիվ նկատենք, որ շարունակաբար և համատարած խախտվում է չեզոքությունը, ստիպված կլինենք կասեցնել նախագիծը, քանզի Վիքիպեդիայում ոչ չեզոք հոդվածները ընդունելի չեն և մեծ մասշտաբի ուղղումներն անելը ավելի դժվար կլինի, եթե դեմը չառնենք։ Շնորհակալ եմ քննարկման բոլոր մասնակիցներից։--Սամվելքննարկում 16:06, 16 Դեկտեմբերի 2019 (UTC)[reply]

Երկրորդում եմ այս հարցում TonJ (քննարկում) մտահոգությունները: Բնականաբար, մասնակիցներ Nooberella-ի, Gevorg Ghazaryan-ի կամ որևէ այլ մասնակցի կողմից չեզոքության խախտման հարցում որևէ միտում չեմ տեսնում, պարզապես Հայոց պատմության բնագավառում հայալեզու գրականության 99,9%-ը հուզական է, և մենք բոլորս էլ գործ ունենալով նման պատմագիտական արտադրանքի հետ, չենք կարող չազդվել դրա ոճից: Պատրաստ եմ մասնակցելու չեզոքության ստուգման աշխատանքներին, երբ/եթե դրա կարիքը լինի: --Rob (քննարկում) 11:13, 17 Դեկտեմբերի 2019 (UTC)[reply]

Նաև խնդրում և հորդորում եմ բոլոր մասնակիցներին չանձնականացնել այս հարցը, չտեղափոխել այն փոխադարձ մեղադրանքների, ուրիշի գրածում-արածում սխալներ փնտրելու հարթություն: Չմոռանանք, որ Վիքիպեդիան, դրա յուրաքանչյուր հոդվածը իր բոլոր խմբագիրների սեփականությունն ա: Եթե որևէ հոդվածում որևէ մասնակից մի ստորակետ է փոխել կամ մի ուղղագրական սխալ ուղղել, դրանով այդ հոդվածը դառնում է նույնքան իրենը, որքան նույն հոդվածում պարբերություններ, բաժիններ ու ենթաբաժիններ ավացածինը: Մենք բոլորս ընդհանուր գործ ենք անում և, հուսով եմ, որ այդ գործը շարունակվելու է արդեն ուրիշների կողմից մեր հեռանալուց տասնամյակներ ու հարյուրամյակներ անց: --Rob (քննարկում) 11:24, 17 Դեկտեմբերի 2019 (UTC)[reply]

Անկախ ամեն ինչից, հարգելի՛ խմբագիրներ, եկեք չմոռանանք, որ բոլորս այստեղ հավաքվել ենք միմիայն բարի նպատակներով, և եթե ինչ-որ խնդիր մատնացույց է արվում, դա միայն նրա համար, որովհետև տվյալ խմբագիրը սրտացավորեն է մոտենում նախագծին։ Քննարկման մեջ հնչել են բազմաթիվ մտահոգություններ, որոնց մի մասի հետ ես համաձայն եմ, և կսպասեմ նախագծի ավարտին և ստուգման փուլին, որպեսզի այդ մտահոգությունները չեզոքանան։ --ջեօ (✡) 19:58, 19 Դեկտեմբերի 2019 (UTC)[reply]

Ես կարծում եմ, որ մասնակիցը, եթե այստեղ է արձագանքում, արդեն իսկ նրա մտադրությունները բարի են և վնաս տալու ցանկություն չունի, որովհետև նման բովանդակության պարագայում, նա հեշտությամբ կարող էր, օրինակ, բովանդակության հեռացում պահանջեր կամ չկատարելու դեպքում (որը նույնպես եղել է)՝ խնդրեր արգելափակել մասնակիցներին։ Այս դեպքում էլ, ենթադրում եմ, բողոքները ադմինների գործողությունների վերաբերյալ կլինեին։ Խնդիրները բարձրաձայնող մասնակցի հանդեպ «այդքանը գրելու փոխարեն ինքդ ուղղիր, Վիքիպեդիան բոլորինս է» մոտեցումը անառողջ է իմ կարծիքով։ Յուրաքանչյուրը ինքն է որոշում, թե որքանով է Վիքիպեդիան իրենը և ինչ ձևով։ Հետևելով նույն տրամաբանությանը՝ ես էլ կարող եմ, օրինակ, ասել՝ այստեղ երկար բանավեճերի մեջ մտնելու փոխարեն՝ գնացեք մատնանշած խնդիրները ուղղեք։ Ես կարծում եմ, որ նախագծի սկզբում պատասխանատվություն վերցրած անձինք պետք է հետևեն իրենց ստանձնած պատասխանատվությանը, այլ ոչ թե մասնակիցներին հորդորեն սպասել մինչև նախագծի ավարտը։ Եթե ռեսուրսների պակաս կար, գուցե կարելի էր դա նախագիծը սկսելուց առաջ հաշվարկել։ Հաշվի առեք, որ նման հոդվածները ամենամեծ պահանջարկ ունեցող հոդվածներն են և «նախագծի վերջում կստուգենք» մոտեցումը շատ դիտվող հոդվածների դեպքում իմ համար ընդունելի չէ։ Վիքիպեդիան մասնակիցների համար չէ խմբագրվում, այլ ընթերցողների։ Իսկ ընթերցողները, ենթադրում եմ, չգիտեն, որ պետք է սպասեն մինչև նախագիծը ավարտվի, որ «ստուգված» հոդվածներ կարդան։--Emptyfear (քննարկում) 20:22, 23 Դեկտեմբերի 2019 (UTC)[reply]

քվեարկություն

Հարգելիներս, ես հիշում եմ, որ ժամանակի ինչ-որ քննարկումներ ենք ունեցել հոդվածների՝ ծանոթ/բարեկամով կողմ/դեմ քվեարկելու մասին: Բայց հիմա չեմ գտնում: Խնդրում եմ, ինձ կօգնե՞ք գտնել այդ քննարկումը:--TonJ (քննարկում) 20:10, 2 Դեկտեմբերի 2019 (UTC)[reply]

Հարգելի՛ TonJ, դուք նկատե՞լ եք վերջերս նմանատիպ արարք:--Angel (քննարկում) 10:36, 3 Դեկտեմբերի 2019 (UTC)[reply]
TonJ ջան, դե՞պք կա. ի՞նչ նկատի ունես: Եթե կա ուղղորդում, որն ապացուցելի է, քվեարկությունը փակվում է. «Արգելվում է այլ մասնակիցներին իրենց քննարկման էջում կամ այլ կերպ խնդրել որպեսզի նրանք մասնակցեն քվեարկությանը։ Հակառակ դեպքում քվեարկությունը համարվում է անվավեր։»:--Սիգմա (քննարկում) 12:22, 3 Դեկտեմբերի 2019 (UTC)[reply]
@TonJ ջան, ահա 2018 թվականի քննարկումն Ադմինների տեղեկատախտակում։ --ջեօ (✡) 12:33, 3 Դեկտեմբերի 2019 (UTC)[reply]

Ընկերներ, ներողություն եմ խնդրում այսքան ուշ արձագանքելու համար: Պետք է անկեղծ լինեմ՝ սա գրելուց հետո փոքր-ինչ թևաթափ էի եղել ու չէի ուզում շարունակ այս թեմայի շուրջ պայքարել: Բայց A.arpi.a մասնակցի այս գրածից հետո տեսնում եմ, որ Վիքիպեդիայի գաղափարախոսությունով հետաքրքրված խմբագիրներ կան: Շատ ուրախ եմ: Կարծում եմ այս թեմայի շուրջ մենք շատ են խոսել հա՛մ խորհրդարանում, հա՛մ տարբեր տեղեկատախտակներում: Ցավով պետք է նշեմ, որ քվեների լցոնումը դեռ իր տեղը չի զիջում արդար քվեարկությանը: Եկեք վերադառնանք ոչ վաղ անցյալ, երբ քվեարկության էր դրվում «Վարդանանց պատերազմ» հոդվածը: Ես ճանաչում եմ «Կողմ» քվեարկած մասնակիցներից բոլորին և ես կտրականապես մերժում եմ հավատալ, որ նրանցից բոլորը նախքան քվեարկելը կարդացել են հոդվածը:

Եկեք գնանք նաև «Ալեքսանդր Մակեդոնացի» հոդվածի քվեարկության փուլ: Ես զարմանում եմ` ինչպե՞ս «կողմ» քվեարկած (և, ըստ օրենքի, հոդվածը սկզբից մինչև վերջ կարդացած) խմբագիրը չէր տեսնի, որ «Սակայն հնդիկ զինվորները մարտի դաշտում իրական տոկունություն են ցուցաբերում՝ Ալեքսանդրի բանակին գցելով ճգնաժամային իրադրության մեջ...., Ամրացնելով երկրի սահմանները՝ նա սկսում է իր փխրուն կայսրության միավորման գործընթացը։...., Սակայն հարկ է նաև նշել, որ պարսից մեծաթիվ զորքերը որոշ դեպքերում կարողանում էին հակազդել մակեդոնական փաղանգի կայծակնային գրոհներին։ Շուտով պարզ է դառնում, որ Ալեքսանդրի գրոհայինները չափից ավելի էին խորացել թշնամու շարքերի մեջ, ինչի հետևանքով մակեդոնացիների գիծը պատռվել էր, որն էլ փորձառաբար ի շահ իրենց ծառայեցրել էին հույն վարձկանները։ Ալեքսանդրը, սակայն, հանկարծակիորեն փոխում է իր մարտավարությունը և սրընթաց կերպով շարժվում Դարեհին ընդառաջ..» հատվածը լիքն է ոչ հանրագիտարանային, անիմաստ վերաբերականներով լի և ոչ չեզոք տողերով: Սա միայն արագ կարդալուց եմ տեսել:

Ես ընդհանրապես միտում չունեմ որևէ հոդվածագրի որևէ հոդված որևէ կարգավիճակից զրկել: Բայց սա նաև անարդար է շատ այլ հոդվածագիրների նկատմամբ, որոնք շատ լավ հոդվածներ են գրում, բայց, օրինակ, ընկերներ չունեն:--TonJ (քննարկում) 18:17, 19 Դեկտեմբերի 2019 (UTC)[reply]

TonJ ջան ողջույն, հասկանալով, որ ինձ չես մեղադրում ինչ-որ բանի մեջ, նախօրոք ուզում եմ հայտարարել, որ ես ոչ մեկի չեմ խնդրել, որ իմ բարելաված հոդվածի օգտին քվեարկեն։ Ինչ վերաբերում է լավ հոդվածի կարգավիճակին, ապա ես այն ներկայացրել եմ գնահատման, որտեղ մի շարք խմբագիրների կողմից հոդվածի բազում խնդիրներ են վեր հանվել, որոնք ուղղել եմ, հնարավորինս այն լիարժեք դարձնելով։ Չեմ ժխտի, որ հոդվածը լիարժեք չէ (եթե լիարժեք լիներ ընտրյալ հոդվածի կառաջադրեի), ներկայումս էլ աշխատում եմ հոդվածի վրա (երևի նկատած կլինես), այն դարձնում եմ ավելի չեզոք, պարզ, անսխալ։ Իսկ ինչ վերաբերում է քվեարկություններին, ապա ես ոչ լավ հոդվածի կարգավիճակի, ոչ էլ տարվա հոդվածի համար, չեմ ուղղորդել ոչ մեկին։ :) --Nooberella💬 18:29, 19 Դեկտեմբերի 2019 (UTC)[reply]
@TonJ ջան, շնորհակալ եմ արժեքավոր դիտարկումների համար, ինձ համար նույնպես նորություն էր տեսնել այս տիպի ոչ հանրագիտարանային բովանդակություն հոդվածում։ @Omicroñ'R ջան, կմեկնաբանե՞ս։ --ջեօ (✡) 19:41, 19 Դեկտեմբերի 2019 (UTC)[reply]
Ողջույներ, հարգելի համայնք։ TonJ-ի հաղորդագրության շրջանակներում նշեմ, որ չեմ հերքի այն իրողությունը, որ Ալեքսանդր Մակեդոնացու հոդվածում եղել են ոչ հանրագիտարանային հատվածամասեր։ Դրանք, իհարկե, ոչ գիտակցված են հոդվածի մաս դարձել (համենայն դեպս, եթե հոդվածը գրեի հիմա՝ առանց այդ մակդիրների կիրառման կգրեի, մարդը իր ստեղծագործությունը տարբեր ժամանակներում կարող է տարբեր դիրքերից նայել): Համենայն դեպս, այդպիսի հատվածներ այլև հոդվածում չկան (կամ ես չեմ կարողանում գտնել): Սակայն հարկ եմ համարում նշել, որ վերևում քո կողմից նշված ոչ բոլոր հատվածներն են «ոչ հանրագիտարանային»․ էստեղ արդեն մասնագիտական սոլիդարության հարց է։ Կայծակնային գրոհը պատմագիտական տերմին է, որը նշանակում է սրընթաց գրոհ (ինչպես օրինակ՝ կայծակնային պատերազմ), կայսրության «փխրուն» բնորոշումը վերցրել եմ չակերտների մեջ և այլն։ Համենայն դեպս կարող եք նայել հոդվածը, որը ներկայիս վիճակով նետրալության առումով ենթադրաբար խնդիր չի հարուցում։ TonJ ջան, շատ ողջունելի է չեզոքության նկատմամբ քո մոտեցումը, սակայն, շատ եմ խնդրում․ փորձենք մնալ փոխադարձ հարգանքի և կոռեկտության պլատֆորմում՝ համագործակից մթնոլորտում։ Յուրաքանչյուր ոչ կառուցողական մոտեցման տարր կարող է գրգռել ներհամայնքային հարաբերությունները։ Հարգանքներով՝ --Օmıcrօn 20:59, 19 Դեկտեմբերի 2019 (UTC)[reply]
@O'micron ջան, շնորհակալ եմ արձագանքի համար։ Իսկ կա՞ն այլ հոդվածներ, որոնցում դու ներդրում ես ունեցել և որոնք պարունակում են նման ոչ հանրագիտարանային հատվածներ։ --ջեօ (✡) 16:52, 20 Դեկտեմբերի 2019 (UTC)[reply]
O'micron ջան, խնդրում եմ, կբացատրե՞ս՝ «փորձենք մնալ փոխադարձ հարգանքի և կոռեկտության պլատֆորմում՝ համագործակից մթնոլորտում։ Յուրաքանչյուր ոչ կառուցողական մոտեցման տարր կարող է գրգռել ներհամայնքային հարաբերությունները» միտքդ գրածիցս ո՞ր պահից առաջացավ քեզ մոտ: Ես դո՞ւրս եմ եկել փոխադարձ հարգանքի կամ կոռեկտության պլատֆորմից: Գրածիցս ո՞ր մասն էր ոչ կառուցողական:
Սա բացատրելուց հետո խնդրում եմ նաև բացատրես, թե ինչ է նշանակում «օբյեկտիվ իրականություն»:--TonJ (քննարկում) 17:29, 20 Դեկտեմբերի 2019 (UTC)[reply]
O'micron, ի՞նչ է նշանակում «փորձենք մնալ փոխադարձ հարգանքի և կոռեկտության պլատֆորմում՝ համագործակից մթնոլորտում։ Յուրաքանչյուր ոչ կառուցողական մոտեցման տարր կարող է գրգռել ներհամայնքային հարաբերությունները» մտքում ընդգծված բառերի կիրառությունը: Ես TonJ-ի գրածում չտեսա անհարգալից, ոչ կոռեկտ, ոչ կառուցողական մոտեցում, իսկ ինչ վերաբերում է ներհամայնքային հարաբերությունները գրգռելուն, ապա համաձայն չեմ, քանի որ եթե հոդվածին արված դիտողությունը չդիտարկվի սեփական անձին վիրավորանք, ապա քո նախանշած «ներհամայնքային հարաբերությունները» չեն «գրգռվի», ինչի հակառակ միտումը ես նկատում եմ վերջերս:--∑ίγμα (քնն.) 17:35, 20 Դեկտեմբերի 2019 (UTC)[reply]
Իհարկե կբացատրեմ, TonJ ջան։ Խոսքը չի գնում Ալեքսանդրի կապակցությամբ քո դիտարկումներին, այլ առհասարակ․ «երբ ես հասկանում եմ, որ ստեղծված դրությունը անհույս է» կամ «ինչպե՞ս «կողմ» քվեարկած (և, ըստ օրենքի, հոդվածը սկզբից մինչև վերջ կարդացած) խմբագիրը չէր տեսնի» արտահայտությունների մասին է։ Ինչ վերաբերվում է օբյեկտիվ իրականությանը, ապա դրա սահմանումը կարող ես տեսնել իրականություն հոդվածում։ Հորդորում եմ կոնտեքստից կտրված հատվածներ չքաղվածել․ «Ըստ Պլուտարքոսի՝ Ալեքսանդր Մակեդոնացին ընդհանուր հաշվով ձեռնամուխ է եղել շուրջ 70 քաղաքի հիմնադրման[61]։ Այնուամենայնիվ, հետազոտողների մեծ մասը պնդում են, որ Պլուտարքոսի գրությունը զուտ չափազանցություն է և որևէ կերպ չի համընկնում օբյեկտիվ իրականության հետ։»։ Ես վստահեցնում եմ, որ այս հատվածում չկա որևէ ոչ հանրագիտարանային բովանդակային տարր, ուստի չեմ հասկանում՝ ի՞նչ իմաստ ունի այն բացատրելը։ TonJ ջան, եթե պատմական թեմատիկայում լավ չես կարողանում տարբերել չեզոքության խախտումը և գիտական բովանդակությունը, կխնդրեմ ավելի ուշադիր լինես։ Գոյություն ունեն մասնագիտական եզրույթներ, որոնք որպես բառակապակցություն կարող են թվալ ոչ հանրագիտարանային (օրինակ՝ կայծակնային պատերազմ, իսպանական ամոթ, պոզիտիվ իրավանորմ, առնետների վազք և այլն): Միևնույն ժամանակ չեմ հասկանում ինչո՞ւ է քննարկումդ այս վերտառությամբ․ եթե կասկածներ ունես ուղղորդված քննարկման մասին, ապա բեր ապացույցեր և հիմնավորիր դրանք։

Հգ․, ներքևում խոսվում էր քո KitKatClub հոդվածի մասին։ Կխնդրեմ, որ նույն անաչառությամբ վերաբերվես նաև քո կողմից ստեղծված հոդվածների չեզոքությանը։ Այդ հոդվածի որոշ հատվածներ ներկայացված է մարդկանց որևէ սոցիալական խմբի (կամ կլանի) շահերից ելնելով, ինչը նետրալիտետի խախտում է։ Օրինակ՝ «Երբ 2001 թվականին Բեռլինը պահպանողական ռեժիմի տակ էր, ակումբը ոստիկանության կողմից հարձակման էր ենթարկվել․․․»։ Ո՞վ է որոշում՝ սոցիալ-դեմոկրատ Գերհարդ Շյոդերի վարչակարգը պահպանողակա՞ն է, թե՞ ոչ։ Երկրորդ․ ոստիկանությունը՝ որպես իրավապահպան մարմին, հարձակումներ չի գործում․․․։ Կամ ի՞նչ է նշանակում «երաժշտությունը վայելելը»․․․ սոցիալական հարցման տվյալներ կա՞ն, որ բոլորը «վայելում են» այդ երաժշտությունը։ Այսպիսի հարցեր ևս կան․․․։ Հաճելի խմբագրումներ։ --Օmıcrօn 22:19, 20 Դեկտեմբերի 2019 (UTC)[reply]

TonJ, կմանրամասնե՞ս, թե քո մեջբերած նախադասությունների մեջ հատկապես ո՞ր մասերն են ըստ քեզ ոչ հանրագիտարանային։ Ես այդպիսիք չտեսա։ Պատմության մասին հոդվածները չեն կարող զերծ մնալ պատմական տերմինաբանությունից, ինչպիսիք են օրինակ ջախջախիչ հաղթանակ, կայծակնային հարձակում, սրընթաց գրոհ, փխրուն խաղաղություն, սոսկալի կռիվ արտահայտությունները։ Ներկայացնում եմ քո մեջբերումը՝ «Սակայն հնդիկ զինվորները մարտի դաշտում իրական տոկունություն են ցուցաբերում՝ Ալեքսանդրի բանակին գցելով ճգնաժամային իրադրության մեջ...., Ամրացնելով երկրի սահմանները՝ նա սկսում է իր փխրուն կայսրության միավորման գործընթացը։...., Սակայն հարկ է նաև նշել, որ պարսից մեծաթիվ զորքերը որոշ դեպքերում կարողանում էին հակազդել մակեդոնական փաղանգի կայծակնային գրոհներին։ Շուտով պարզ է դառնում, որ Ալեքսանդրի գրոհայինները չափից ավելի էին խորացել թշնամու շարքերի մեջ, ինչի հետևանքով մակեդոնացիների գիծը պատռվել էր, որն էլ փորձառաբար ի շահ իրենց ծառայեցրել էին հույն վարձկանները։ Ալեքսանդրը, սակայն, հանկարծակիորեն փոխում է իր մարտավարությունը և սրընթաց կերպով շարժվում Դարեհին ընդառաջ..»։--Գարդմանահայ (քննարկում) 23:31, 20 Դեկտեմբերի 2019 (UTC)[reply]

Փաստորեն մենակ ես չեմ նկատել քո ստեղծած KitKatClub հոդվածում առկա բազում սխալները, որոնց մասին նշել եմ խորհրդարանի մեկ այլ քննարկման ժամանակ։ Omicroñ'R-ն նույնպես անդրադարձավ այդ հոդվածում բազում սխալների առկայությանը։ Օրինակ գրել ես, որ «ակումբը ոստիկանության կողմից հարձակման էր ենթարկվել»։ Եթե ոստիկանության գործողությունը օրինական է եղել, ապա դա չի կարող կոչվել հարձակում, իսկ եթե անօրինական կերպով է կատարվել, ապա այդ մասին փաստող աղբյուրներ ներկայացրու։ Եթե ոստիկանությունը օրենքին համապատասխան կերպով մտել է այդ գիշերային ակումբ և որոշակի օրինական գործողություններ կատարել, իսկ դու այդ գործողություններն անվանում ես հարձակում գիշերային ակումբի վրա, ապա դու առնվազն այդ հատվածը գրելիս կողմնակալություն, որոշակի զգացմունքային շահագրգռվածություն ես ունեցել։ Սխալ է նաև անվանել, թե իբր «2001 թվականին Բեռլինը եղել է պահպանողական ռեժիմի տակ»։ Ի՞նչ պահպանողական ռեժիմի մասին է խոսքը։ Արդեն որերրորդ դեպքն է, որ դու պատմության վերաբերյալ հոդվածներ ստեղծող կամ բարելավող խմբագիրներին մեղադրում ես ոչ հանրագիտարանային տեքստեր գրելու, զգացմունքային ոճով գրելու մեջ, բայց չես ընդունում այն սխալները, որոնք դու արել ես ու որոնց մասին քեզ ասել են։ Հենց քո այսպիսի պահվածքի համար եմ սկսել մտածել, որ դու հետապնդում ես անում կոնկրետ մարդկանց նկատմամբ։ Այսինքն քո սխալները թողած այլոց սխալների մասին ես բարձրաձայնում, սակայն երբ քո սխալների մասին են բարձրաձայնում, կտրականապես մերժում ես՝ նշելով որ դու սխալ չես գրել։--Գարդմանահայ (քննարկում) 23:54, 20 Դեկտեմբերի 2019 (UTC)[reply]
Գարդմանահայ, եթե դու ոչ հանրագիտարանային մասեր չես տեսնում, դա ընդհանրապես չի նշանակում, որ չկան: Խնդրում եմ նորի՛ց և ուշադի՛ր կարդաս իմ մեջբերած հատվածը և չներկայացնես միայն այն մասերը, որը քեզ է ձեռնտու: Ես արդեն մոտ մի շաբաթ է ուզում եմ հասկանալ, թե ի՞նչ եք ուզում KitKatClub հոդվածից: Դու և մասնակից Omicroñ'R-ը անընդհատ նշում եք ակումբի՝ ոստիկանության կողմից հարձակման ենթարկվելը: Այո՛, այն հարձակման է ենթարկվել, ոչ թե օրինական կերպով մուտք գործվել: Ինչո՞ւ է այդպես եղել՝ կարդացեք հոդվածը և՛ս մեկ անգամ: Omicroñ'R, գուցե ասես, որ այստեղ՝ «Այսպիսով, Ալեքսանդրի նման պատասխանը աներկբա արտահայտում էր Պարսկական տիրակալությունն ամբողջությամբ գրավելու նրա հավակնությունները։» մտքում նույնպե՞ս չեզոքության խախտում չկա: Ես, իհարկե, հասկանում եմ ձեր վարած քաղաքականությունը, այն է՝ ինձ և ուրիշ ընթերոցողներին շեղել թեմայից և հատուկ ընտրած հոդվածով փորձել ինձ «մեղավոր հանել», բայց, ոչ, այդպես չի լինի:
Վերջում, եթե քննարկումը այսպես է շարունակվելու՝ կռիվ-կռիվ խաղալով, դաշնակիցներ որոնելով, ես կդիմեմ Ադմինիաստատորների տեղեկատախտակ՝ խնդրին լուծում տալու համար:--TonJ (քննարկում) 09:06, 21 Դեկտեմբերի 2019 (UTC)[reply]
Հարգելի Գարդմանահայ, այս էլ որերորդ անգամ է հակափաստարկ բերելու փոխարեն բերում եք հակընդեմ մեղադրանք, եթե քննարկող մասնակիցներից մեկի հոդվածներում կան սխալներ, նշեք սխալը հոդվածի քննարկման էջում կամ այլ քննարկում բացեք և ոչ թե հանդես եկեք հակընդեմ մեղադրանքով: Նմանատիպ քննարկումը ոչ մի լավ բանի չի բերի: Բացի այդ թյուր կարծիք կա, որ եթե մասնակիցը նախկինում «սխալ» է ունեցել, չի կարող ուրիշների սխալները մատնանշել: Դա ամենևին այդպես չէ: Յուրաքանչյուրի բերած փաստարկների հետ պետք է հաշվի նստել: Հույս ունենամ, որ հետագայում նման գործելավոճը Ձեր կողմից չի կիրառվի: Հորդորս նաև ուղղում եմ O'micron մասնակցին, ով նույնպես ժամանակ առ ժամանակ կիրառում է նման գործելաոճը: Սա ընդունեք որպես զգուշացում:--Սամվելքննարկում 04:51, 23 Դեկտեմբերի 2019 (UTC)[reply]
Հարգելի Սամվել, մանրամասնեք զգուշացում տալը։ Ինձ համար անհասկանալի է այն։--Գարդմանահայ (քննարկում) 15:49, 23 Դեկտեմբերի 2019 (UTC)[reply]
Հարգելի՛ մասնակից Գարդմանահայ, կարող եք կարդալ այստեղի քննարկումը և Սամվելի՝ ձեզ ուղված վերջին գրությունը: Խնդրում եմ (հիշեք, որ «խնդրում եմ» շատ հաճախ չի նշանակում «աղերսում եմ», փոխարենը՝ «պահանջում եմ, հորդորում եմ») այսուհետ չփորձել թեմայից շեղվել և սխալ մեղադրանքներ հասցնել: Ես զգուշացումը համարում եմ արդարացի:--TonJ (քննարկում) 16:29, 23 Դեկտեմբերի 2019 (UTC)[reply]
Գարդմանահայ ջան, առավելագույնս մանրամասն վերևում գրել եմ: Չի կարելի քննարկման ժամանակ մասնակցին հիշեցնել նրա «սխալները», որոնք թեմայից դուրս են, դա քննարկումը տանում է ոչ կառուցողական ուղով:--Սամվելքննարկում 05:23, 24 Դեկտեմբերի 2019 (UTC)[reply]
Սամվել ջան, համաձայն եմ քեզ հետ, բայց այս և վերջերս ծավալված մի քանի նմանատիպ քննարկումները ակնհայտ ցույց են տալիս, որ դրանցում առկա է այսպես ասած իրականության միակողմանի գնահատական, որն ուղղված է որոշակի թեմայով խմբագրող խմբագիրների դեմ։ Ես ոչ մի ցանկություն չեմ ունեցել թեման շեղել և իբր այդպես փակել։ Մեղադրվող մասնակիցները ասել են, որ ընդունում են իրենց սխալները։ Ես ինքս էլ եմ պատրաստ ընդունել և ուղղել իմ կատարած խմբագրական սխալները։ Սակայն խնդիրն այլ է։ Իմ նպատակը եղել է արձանագրել ակնհայտը, այսինքն՝ ցույց տալ, որ խմբագիրը քննարկվող թեման բարձրաձայնելով այսպես ասած այնքան էլ մտահոգված չի Վիքիպեդիայի որակով, քանզի եթե այդպես լիներ, ապա նա նույնպես կընդուներ իր կողմից կատարված այն սխալները, որոնցում մեղադրում է ուրիշներին։ Սամվել ջան, ինքդ քեզ հարցրու, թե այդ ինչպե՞ս եղավ, որ տվյալ մասնակիցը մի քանի ադմինիստրատորների կողմից հռչակվում է «Վիքիպեդիայի որակի պահապան», իսկ բազմաթիվ մասնակիցներ՝ «անորակ խմբագիրներ»։ Այստեղ ոչ մի տարօրինակ բան չե՞ս տեսնում։ Պատկերացրու, որ ես քեզ մեղադրեմ մի բանում, որից ինքս էլ եմ կատարում, բայց չեմ ընդունում իմ սխալը։ Իսկ թե ինչ սխալների մասին է խոսքը, կարծում եմ ինքդ էլ կհասկանաս։ Այդ մասին ինձանից բացի այլ մասնակից էլ է բարձրաձայնել։--Գարդմանահայ (քննարկում) 17:17, 24 Դեկտեմբերի 2019 (UTC)[reply]
Հարգելի՛ ադմիններ 23artashes, Azniv Stepanian, Beko, Emptyfear, GeoO, Lilitik22, Samo04, Sigma'am, Voskanyan, Xelgen և ԱշոտՏՆՂ, խնդրում եմ Գարդմանահայ մասնակցի վերջին մեկնաբանությունը կարդալ, ուշադրություն դարձնել մասնավորապես այս հատվածին՝ «..խմբագիրը քննարկվող թեման բարձրաձայնելով այսպես ասած այնքան էլ մտահոգված չի Վիքիպեդիայի որակով, քանզի եթե այդպես լիներ, ապա նա նույնպես կընդուներ իր կողմից կատարված այն սխալները, որոնցում մեղադրում է ուրիշներին»: Այսքան տարի ես պայքարում եմ հոդվածների որակի բարձրացման համար, պայքարում եմ հոդվածների՝ որևէ կարգավիճակ ստանալն արադար դարձնել, Վիքիպեդիան չդարձնել անորակ դասագիրք (որն անում է հե՛նց Գարդմանահայը), և այսօր ստանում եմ նման պատասխան: Վիքիպեդիայի նպատակը հայերենով ամբողջական, ճշգրիտ, ազատ հանրագիտարանի ստեղծումն է, հարգելի Գարդմանահայ, վերջին գրածիցդ ենթադրում եմ՝ սա դեռ չես հասկացել:
Ամեն դեպքում, ես կհարգեմ ինձ և չեմ շարունակի խոսել KitKatClub հոդվածի մասին: Գարդմանահայ, գոնե մի՛ նշիր, որ «Այդ մասին ինձանից բացի այլ մասնակից էլ է բարձրաձայնել», քանի որ ոչ մեկի համար գաղտնիք չէ քո և «այլ մասնակցի» ներանձնային հարաբերությունները: Ադմինիստրատորներին խնդրում եմ իրենց կարծիքը հայտնեն այստեղ:--TonJ (քննարկում) 18:27, 24 Դեկտեմբերի 2019 (UTC)[reply]
Գարդմանահայ ջան, կխնդրեմ պարզաբանես ո՞ր ադմինիստրատորի(ների) կողմից է մասնակիցը հռչակվել «Վիքիպեդիայի որակի պահապան»: Եթե նկատում ես, ադմինիստրատորների կողմից կողմնապահություն, իրավունքների չարաշահում, կխնդրեմ փաստերով նշես Ադմինիստրատորների տեղեկատախտակում: Իսկ մյուս անգամ նման արտահայտություն անելուց կխնդրեմ նշես ադմինիստրատորների անունները, քանի որ նման ձևով դու վիրավորում ես բոլոր ադմինիստրատորներին: Քվեարկությունների մասով հստակ ապացույցներ ես չտեսա, որ եղել է ուղղորդված քվեարկություն (հնարավոր է, որ եղել է): TonJ մասնակցի կարծիքով չեն կարդացել, որ կարդային կգտնեին: Սա ապացույց չէ, հնարավոր է կարդացել են չեն նկատել կամ իրենց դուր է գալիս նման ոճը: Հնարավոր է քվեարկողներն իրար ծանոթ բարեկամ են, չեմ բացառում, բայց ապացուցելը դժվար է: Ինչևէ, ես այստեղ քվեարկությունը դադարեցնելու հիմք չտեսա:--Սամվելքննարկում 06:58, 25 Դեկտեմբերի 2019 (UTC)[reply]
Նախօրոք նշեմ, որ ես բնավ նպատակ չունեմ վիրավորել ինչ-որ մեկին ու եթե հանկարծ այդպես թվա, խնդրում եմ հարցնել, հետո որոշել, թե արդյոք արժի վիրավորվել։ Քանի որ մասնակիցը նշել է, մի քանի դիտարկում անեմ։
Այնպես է ստացվել, որ ես էլ ճանաչում եմ քննարկման մասնակիցների մի մասին, որոշակի կարծիք ունեմ նրանց մասին, այդ պատճառով չեմ մասնակցում քննարկմանը, որովհետև ինձ համար դժվար է հավատալ, որ մարդը կարող է այդպես փոխվել մի քանի ամսվա մեջ կամ իրականում այլ մարդ լինել, խմբագրելիս՝ այլ, ինչը բնականաբար կազդի իմ դիրքորոշման վրա։ Ես ուղղակի գրեմ մի քանի տող, կարող եք ընդհանրապես ուշադրություն չդարձնել ու չպատասխանել, որովհետև դա պարզապես իմ անձնական կարծիքն է։ Ուղղակի դժվար է ապացուցել, որ մասնակիցը կարող է որոշակի վերաբերմունք ունենալ այլ մասնակցի նկատմամբ, ու ինչքան էլ ակնհայտ լինի այդ վերաբերմունքը քննարկումներում, մենք պետք է խուսափենք անձնական հարաբերությունների մասին հիշատակելուց և դրանք որպես այս կամ այն խմբագրման պատճառ ներկայացնելուց։ Թվում է՝ պարզից էլ պարզ է, որ եթե մասնակիցը հոդվածի համար քվեարկում է, սակայն հոդվածի պատմության մեջ նրա անունը չկա, ուրեմն չի կարդացել։ Այո, փորձը ցույց է տալիս, որ ես եթե հոդվածի համար քվեարկելուց առաջ կարդում եմ, ահագին ուղղումներ եմ անում, բայց դա մեղադրանքի ներկայացման հիմք չէ. քվեարկությանը կարող է մասնակցել որոշակի քանակով խմբագրումներ կատարած մասնակից, և նրանց թվում կարող են լինել նաև պատմության ու բանասիրության ոլորտի հետ կապ չունեցող և պրոֆեսոր ու գիտությունների դոկտոր չհանդիսացող անձինք։ Ինչքան էլ մենք ճանաչում ենք նրանց, գիտենք նրանց հարաբերությունների մասին իրական կյանքում, դա հիմք չէ կասկածի ենթարկել միանգամից ութ մասնակցի խմբագրում, որոնց թվում կան արդեն երկար տարիներ խմբագրող ու կարգավիճակի ներկայացված հոդվածների քվեարկություններին բազմիցս մասնակցած խմբագիրներ։ «Ես ճանաչում եմ «Կողմ» քվեարկած մասնակիցներից բոլորին և ես կտրականապես մերժում եմ հավատալ, որ նրանցից բոլորը նախքան քվեարկելը կարդացել են հոդվածը» պնդումը կարող ենք յուրաքանչյուրս էլ ասել, սակայն դա ապացուցելը գրեթե անհնար է, ինչպես անհնար է ապացուցել, թե այս կամ այն մասնակիցը քննարկումը բացելիս ինչ նպատակ է հետապնդում։ Այո, ճանաչելով մասնակիցներին նախագծից դուրս, թվում է՝ պարզից էլ պարզ է, որ յուրաքանչյուր ոք պաշտպանում է նրան, ում հետ լավ հարաբերություններ ունի։ Ինչո՞ւ մենք պետք է հավատանք, որ մասնակիցը կարող է քվեարկել հոդվածի համար, հետո հոդվածի ամենասկզբում մի բութ ջնջել, հետո նորից տեղը դնել, չնկատել, որ ներքևում կան չթարգմանված նշումներ, ռուսերեն բառին դրված կարմիր հղում կա ծանոթագրությունների մեջ, բայց չենք կարող հավատալ, որ մասնակիցը չի տեսել սխալներ, ի վերջո խմբագրված հոդվածների որակից հասկանալի է, որ մասնակիցը կարող էր և չնկատել ոչ մի սխալ։ Այո, այդ խնդիրը վաղուցվանից կա երևի, ու մեզնից յուրաքանչյուրն ունի իր ներդրումը դրա առաջացման ու չվերացնելու մեջ։
Ուղղակի հարցեր TonJ մասնակցին. Այսքան տարի ես պայքարում եմ հոդվածների որակի բարձրացման համար, պայքարում եմ հոդվածների՝ որևէ կարգավիճակ ստանալն արադար դարձնել, Վիքիպեդիան չդարձնել անորակ դասագիրք (որն անում է հե՛նց Գարդմանահայը), և այսօր ստանում եմ նման պատասխան նախադասության առաջին մասը հատկապես քանի՞ տարվա է վերաբերում, ի՞նչ դասագիրք է գրել Գարդմանահայը, ի՞նչ արձագանք է սպասվում ինձնից դրանից առաջ նշված նախադասության վերաբերյալ։ Արդյո՞ք քվեների լցոնումը վերաբերում է միայն այդ երկու հոդվածներին, քո կարծիքով ի՞նչ կարելի է անել այդ հոդվածների հետ և ինչպես հետագայում խուսափել նման իրավիճակից։
Եթե մասնակիցը ադմինների ուշադրությունը հրավիրել է տվյալ նախադասության վրա, որովհետև կարծում է, որ այն վիրավորական է ու պետք է մասնակցին նկատողություն տալ, ես այդ նախադասության մեջ վիրավորական ոչինչ չեմ տեսնում, մի քիչ վիրավորական կարող են թվալ հաջորդ նախադասություններում եղած արտահայտությունները, բայց ծայրահեղությունների մեջ չընկնենք։
Ես զարմանում եմ` ինչպե՞ս «կողմ» քվեարկած (և, ըստ օրենքի, հոդվածը սկզբից մինչև վերջ կարդացած) խմբագիրը չէր տեսնի, որ «Սակայն հնդիկ զինվորները մարտի դաշտում իրական տոկունություն են ցուցաբերում՝ Ալեքսանդրի բանակին գցելով ճգնաժամային իրադրության մեջ...., Ամրացնելով երկրի սահմանները՝ նա սկսում է իր փխրուն կայսրության միավորման գործընթացը։...., Սակայն հարկ է նաև նշել, որ պարսից մեծաթիվ զորքերը որոշ դեպքերում կարողանում էին հակազդել մակեդոնական փաղանգի կայծակնային գրոհներին։ Շուտով պարզ է դառնում, որ Ալեքսանդրի գրոհայինները չափից ավելի էին խորացել թշնամու շարքերի մեջ, ինչի հետևանքով մակեդոնացիների գիծը պատռվել էր, որն էլ փորձառաբար ի շահ իրենց ծառայեցրել էին հույն վարձկանները։ Ալեքսանդրը, սակայն, հանկարծակիորեն փոխում է իր մարտավարությունը և սրընթաց կերպով շարժվում Դարեհին ընդառաջ..» հատվածը լիքն է ոչ հանրագիտարանային, անիմաստ վերաբերականներով լի և ոչ չեզոք տողերով։ ---- հատվածում ի՞նչ վերաբերականներ կան, ես չհասկացա, թե որ մասն է անիմաստ վերաբերականներով լի և ոչ չեզոք տողերով, եթե բերվածը մի քանի տող է։ Ես ինքս էլ երբեմն վերաբերականներ եմ օգտագործում հոդվածներում, այդ պատճառով էլ ընդհանրապես չեմ հասկանում։ Եթե խոսքը վերաբերում է «սակայն» բառին, դա մի հատ է ու այդքան էլ սարսափելի չէ։ Հաճախ հոդվածներում օգտագործում ենք։ Եթե չի կարելի, ինձ էլ կզգուշացնեք։ Ես էլ եմ այդ մասնակցի նախորդ հոդվածին դեմ քվեարկել, սակայն ներկայացրել եմ թարգմանական ու այլ սխալների ցանկ՝ հստակ նշելով դրանք, որոնցից մի քանիսը մանսակցի հետ քննարկել ենք, ու պարզվել է, որ այդպես էլ կլիներ, ես էի չափազանցրել։ Տվյալ հոդվածում ես փաստ կաղապար էի դրել մի նախադասության վրա, մանսակիցն ուղղել է՝ ավելացնելով աղբյուր։ Ընդհանուր առմամբ հոդվածն աչքի եմ անցկացրել, դեմ քվեարկելու հիմքեր չգտա, այլապես կնշեի։
Ինչպես երևում է, մասնակիցները դեմ չեն որոշակի փոփոխություններ կատարել հոդվածներում, բայց գուցե չեն հասկանում, թե ինչ պետք է փոխել։ Լինելով երկար տարիների խմբագիր՝ կարող եմ ասել, որ նախկինում ես էլ էի այդպես ամեն սխալի պատճառով մասնակցին համարում վանդալ ու նախագծին միայն վնասող, բայց իրականում կարող է իրենց չեն հասկանում, թե ինչ է հատկապես պահանջվում իրենցից։ Ես ինքս չեմ հասկանում, թե ինչ պետք է փոխել։ Եթե այդքան մարդ կարդացել է հոդվածը, քվեարկողները կարգավիճակ տալու օգտին են հանդես եկել, այդպիսի դիտումներ ունեցող հոդվածի դեմ դեռ ոչ ոք չի բողոքել, ուրեմն՝ մի հարյուր մարդ չի նկատում, գուցե բացատրվի կամ ընդունենք, որ այդպես էլ կարող է մնալ։ Ինչպե՞ս է ստացվում, որ մի մասնակից ուղղակի թեթևակի աչքի անցնակցնելիս բազմաթիվ սխալներ է տեսնում, իսկ մյուսները այդպես էլ չեն հասկանում կամ չեն տեսնում։ Ամեն դեպքում՝ եթե խնդիրը վերաբերում է հոդվածները կարգավիճակից զրկելուն, գուցե միանգամից քննարկում բացվի համապատասխան էջում, մարդիկ նորից կարդան ու որոշում կայացնեն։
Մի խոսքով՝ ճանաչելով քննարկումը բացած մասնակցին՝ ես աշխատել եմ զերծ մնալ քննարկմանը մասնակցելուց, որովհետև չեմ հասկանում, թե ինչ է հատկապես այս քննարկման նպատակը։ Նորից կարդացի քննարկման սկիզբը, հատկապե՞ս ինչ կարգի որոշում է սպասում մասնակիցը, եթե գրում է, որ ինքը ոչ մի հոդված չի ուզում կարգավիճակից զրկել, այլ ուղղակի պահանջում է արդարություն այն մասնակիցների համար, որոնք ընկերներ չունեն։ Եթե մեզնից պահանջվում է հանդես գալ որպես որևէ մասնակցի ընկեր ու օգնել նրան որոշակի իրավիճակներում, ապա ես ընկերություն անելուց շատ վատ եմ և ոչնչով օգնել չեմ կարող։ Եթե կոնկրետ նշվի, թե մասնակիցը ինչ է ուզում, գուցե ավելի կառուցողական լինի քննարկումը։ Գուցե մյուս մասնակիցներն էլ ինձ նման չեն հասկանում, թե իրենցից ինչ է պահնաջվում, դրա համար չեն կարողանում որոշակի պատասխան տալ, ու քննարկումը ձգձգվում է, ինչը կարող է հանգեցնել միմյանց վիրավորելուն, որովհետև իսկապես դժվար է պահպանել հանգստությունը, երբ չես հասկանում, թե ինչ է կատարվում ու քեզնից ինչ է պահանջվում։
Ես իսկապես որևէ մեկին վիրավորել չեմ ցանկացել, հույս ունեմ՝ ոչ ոք չի վիրավորվի, նկատողության չեմ արժանանա։--Voskanyan (քննարկում) 07:03, 25 Դեկտեմբերի 2019 (UTC)[reply]
Դիմիր, TonJ ջան։ Համենայն դեպս, այն ինչ դու չես հասկանում (ենթադրում եմ քո գրվածքներից) չի նշանակում, որ ոչ հանրագիտարանային է։ Փոխադարձ հարգանքի տրամաբանությունից ելնելով կարող ես մեղադրանքներից զատ պատասխանել քեզ ուղղված հարցերին։ Կրկին հորդորում եմ մնալ փոխադարձ հարգանքի շրջանակներում։--Օmıcrօn 09:19, 21 Դեկտեմբերի 2019 (UTC)[reply]

«Վիքին սիրում է հուշարձաններ» 2019 լուսանկարչական մրցույթի մրցանակաբաշխություն

Հարգելի՛ խմբագիրներ,

Ինչպես տեղյակ եք, Վիքիմեդիա Հայաստանն այս տարի մասնակցել է «Վիքին սիրում է հուշարձաններ» 2019 խոշորագույն լուսանկարչական մրցույթին, որի շրջանակներում Հայաստանից և Արցախից բեռնվել է մոտ 21 հազար լուսանկար, իսկ այդ ցուցանիշով զբաղեցրել ենք 3-րդ հորիզոնականը։

Սիրով հրավիրում ենք դեկտեմբերի 28-ին ժամը 14:00-ին մասնակցել ամենամեծ լուսանկարչական մրցույթի հայաստանյան փուլի մրցանակաբաշխությանը, որի ժամանակ կհայտարարվեն մրցույթի հաղթող լուսանկարները, կծանոթանաք մեր երկրի գողտրիկ անկյունների լուսանկարներին, իսկ միջոցառման մասնակիցները կկիսվեն իրենց փորձով։

Մրցանաբաշխությունը տեղի է ունենալու Վիքիմեդիա Հայաստանի գրասենյակում (հասցե՝ ք․ Երևան, Արշակունյաց 4, Մամուլի շենք, 4-րդ հարկ)։

Գրանցվել անհրաժեշտ է այստեղ։ --Dato (WMAM) (քննարկում) 10:26, 25 Դեկտեմբերի 2019 (UTC)[reply]

Գնահատման նախագիծ

Հարգելի՛ վիքիհամայնք, ուժի մեջ մտավ Ընտրյալ հոդվածների չափանիշների ու ընտրության նոր կանոնակարգը, ըստ որի՝ նախատեսվում է ունենալ գնահատման նախագիծ, որի մասին խոսվել է նաև այստեղ: Առաջարկում եմ ձեռնամուխ լինենք թեկնածությունների ընդունմանն ու դիտարկմանը:--∑ίγμα (քնն.) 20:51, 15 Դեկտեմբերի 2019 (UTC)[reply]

@Sigma'am ջան, շնորհակալություն հիշեցնելու համար։ Ինչպես հասկանում եմ ներքին կանոնակարգ դեռ չկա, չէ՞։ --ջեօ (✡) 07:36, 24 Դեկտեմբերի 2019 (UTC)[reply]
@GeoO ջան, խումբը ձևավորվելուց հետո կլինի նաև դա: Ներքին կանոնակարգի միտքը Սամվելինն էր, խնդրենք՝ զարգացնի գաղափարը կամ ուղղորդի:--∑ίγμα (քնն.) 09:39, 24 Դեկտեմբերի 2019 (UTC)[reply]
Շնորհակալ եմ պատասխանի համար, Սիգմա ջան։ Սամվելին խնդրենք մեկնաբանի էլի։ --ջեօ (✡) 09:42, 24 Դեկտեմբերի 2019 (UTC)[reply]
Սիգմա և Ջեօ ջան, ժամանակին ստեղծել եմ նախագծի էջը, բայց այդպես էլ շարունակություն չտվեցինք: Հիմա կմախքը կա, ընդհանուր չափանիշները գրել եմ: Կարող եք զարգացնել:--Սամվելքննարկում 10:38, 24 Դեկտեմբերի 2019 (UTC)[reply]
Սիգմա և Սամվել ջաներ, պետք է հստակեցնենք նաև նախագծի անդամների կարծիքների ուժը։ Եթե նախագծի մասնակիցների կարծիքներն ընդամենը խորհրդատվական բնույթ են կրելու, ապա իմաստը ո՞րն է։ --ջեօ (✡) 16:41, 24 Դեկտեմբերի 2019 (UTC)[reply]
ջեօ ջան, կանոնակարգում հստակ ամրագրված է նրանց դերը. «Եթե գնահատման նախագծի մասնակիցներից գոնե 3-ը «կողմ» են քվեարկել, սակայն հոդվածը չի հավաքել անհրաժեշտ 6 ձայնը կամ ձայների 75%-ը, հոդվածը համարվում է ընտրված:»:--∑ίγμα (քնն.) 11:53, 25 Դեկտեմբերի 2019 (UTC)[reply]
-Sigma ջան, կներես, որ չէի նկատել կանոնակարգի քննարկման ժամանակ, բայց այդ մասը ինձ սխալ է թվում: Ասենք 3 գնահատող կողմ են քվեարկել, 19 գնահատող` դեմ, տվյալ կանոնով նորից պետք է անցնի, պետք է վերախմբագրել:--Սամվելքննարկում 04:51, 30 Դեկտեմբերի 2019 (UTC)[reply]