Վենեսուելայի ծոց

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Վենեսուելայի ծոց
es/Golfo de Venezuela

Գուահիրա թերակղզին Վենեսուելայի ծոցը բաժանում է Կարիբյան ծովից
Կոորդինատներ
Երկիր Վենեսուելա/Կոլումբիա
Տեղագրություն Սուլիա/Ֆալկոն (նահանգ Վենեսուելայում)/Գուահիրա (դեպարտամենտ)
Ջրատարածություն Կարիբյան ծով
Ամենամեծ խորությունը 71 մ

Վենեսուելայի ծոց (իսպ.՝ Golfo de Venezuela) կամ Մարակայբո (իսպ.՝ Maracaibo)[1], ծոց Կարիբյան ծովի հարավում, Վենեսուելայի ափերի մոտ, ծովից բաժանվում է Գուահիրա և Պարագուանա թերակղզիներով: Ողողում է Վենեսուելայի Սուլիա և Ֆալկոն նահանգները, ինչպես նաև Կոլումբիայի Գուահիրա դեպարտամենտը:

Ծոցի երկարությունը 231 կմ է, մուտքի լայնությունը 98 կմ է: Հարավային հատվածում ծոցը Տաբլասո ծովախորշով և 6,5-22 կմ լայնություն ու 11մ խորություն ունեցող նեղուցով միանում է Մարակայբո լճին[2]: Ծոցի խորությունը 18-ից հասնում է 71 մետրի: Արևելյան հատվածում՝ Պարագուանա թերակղզու ափին, Կորոյի ոչ մեծ ծովախորշն է: Վենեսուելայի ծոցի ափերը ցածր են՝ չմշակված ավազե բնահողով: 1 մետրից ցածր բարձրության վրա խառը մակընթացություններ են[3]:

Ծոցը բացվել է եվրոպացիների կողմից 1499 թվականին, երբ Ալոնսո դե Օջեդայի գլխավորությամբ և Ամերիգո Վեսպուչիի ուղեկցությամբ իսպանական արշավախումբը հետազոտում էր Հարավային Ամերիկայի ափերը, տեղեկություն էր հավաքում և նոր հողերին անուններ տալիս: Այստեղ ցցերի վրա կառուցված հնդկացիական խրճիթների զբաղեցրած տարածքի տեսարանն Ամերիգո Վեսպուչիին, որը ծնունդով Վենետիկից էր, հիշեցրել է իր ծննդավայրը: Այդ պատճառով էլ նա ծոցն անվանել է «Փոքր Վենետիկ» (Veneziola)[4]: Ծոցի ջրերը մերձսահմանային վեճի օբյեկտ են համարվում այն ժամանակից, երբ 19-րդ դարում Կոլումբիան և Վենեսուելան անկախացել են Իսպանիայից: Իսպանական կայսրությունն այդ շրջանում սահմաններ չի գծել, քանի որ տեղի ժողովուրդն ընդդիմանում էր իրեն: Սահմանը հաստատվել է 1941 թվականին, բայց տարածաշրջանային ջրի հարցը մնացել է չլուծված:

Ծոցը ստրատեգիական կարևորություն ունի՝ որպես նավարկելի ուղի դեպի Կարիբյան ծով, որով տեղափոխում են Մարակայբո լճի նավթահանքերի նավթը: Ծոցի սահմաններին կան նաև նավթի և գազի հանքեր: Ափերին տեղակայված են նավթի արտահանման խորջրյա Ամուայ, Պունտո Կարդոն, Պունտո Ֆիխո նավահանգիստները[5]:

Գրականություն[խմբագրել | խմբագրել կոդը]

  • Поспелов, Евгений Михайлович Географические названия мира. Топонимический словарь / отв. ред. Р. А. Агеева. — 2-е изд., стереотип. — М.: Русские словари, Астрель, АСТ, 2002. — 512 с. — 3000 экз. — ISBN 5-17-001389-2

Ծանոթագրություններ[խմբագրել | խմբագրել կոդը]

  1. Маракайбо (залив) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
  2. Gulf of Venezuela (gulf, Caribbean Sea) — Britannica Online Encyclopedia
  3. Венесуэльский залив // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
  4. Поспелов, 2002, էջ 93
  5. Венесуэльский залив // Словарь современных географических названий / Рус. геогр. о-во. Моск. центр; Под общ. ред. акад. В. М. Котлякова. Институт географии РАН. — Екатеринбург: У-Фактория, 2006.